Ráðgjafarmiðstöð landbúnaðarins

Ársfundur RML verður haldinn á Hótel Stracta á Hellu, föstudaginn 30. október

Fri, 23 Oct 2026 09:22:00 +0000

Ársfundur RML verður haldinn á Hótel Stracta á Hellu, föstudaginn 30. október. Fundurinn hefst kl. 13:30 en boðið verður upp á súpu klukkan 13:00. Hér neðar í fréttinni má finna tengil fyrir beint streymi af fundinum.

Hrossaræktin 2026 – Ráðstefna

Thu, 29 Oct 2026 14:44:00 +0000

Hin árlega hrossaræktarráðstefna fagráðs í hrossarækt fer fram í reiðhöll Spretts, laugardaginn 7. nóvember og byrjar klukkan 13:00. Aðgangur að ráðstefnunni er ókeypis og allt áhugafólk um hrossarækt er hvatt til að mæta.

Niðurstöður lambdóma og sláturupplýsingar – 1. nóvember síðasti skráningardagur

Thu, 29 Oct 2026 14:34:00 +0000

Í undirbúningi er ný hrútaskrá. Til að fá sem besta mynd af stöðu allra hrúta er mikilvægt að nýta tiltæk gögn úr lambadómum og kjötmati. Í skránni verða birt að vanda meðaltöl dóma hjá afkvæmum allra stöðvahrúta og fylgir hrútunum spánýtt kynbótamat. Það er því mikill akkur í því að allir fyrirliggjandi dómar og sláturgögn séu færð inn og staðfest inn í Fjárvís. Jafnframt hafa bændur beinan hag af því að fá sem sannast mat á heimahrútana nú þegar sláturtíð er að enda og lambdómum lokið.

Huppa 100 ára

Tue, 27 Oct 2026 13:14:00 +0000

Þriðjudaginn 3. nóvember n.k. hefði ættmóðir íslenska kúastofnsins, Huppa frá Kluftum, orðið 100 ára ef hún hefði lifað. Í tilefni af þessum tímamótum standa Búnaðarsamband Suðurlands, Hrunamannahreppur og Nautgriparæktarfélag Hrunamanna fyrir málþingi og afmælisfagnaði í félagsheimilinu á Flúðum. Málþingið hefst kl. 11.00 og áætlað er að það standi til kl. 15.20 en þá tekur við veglegt kaffisamsæti til heiðurs afmælisbarninu. Í hádeginu mun Auðhumla svf. bjóða upp á veitingar sem saman standa af mjólkurafurðum afkomenda Huppu en líklega er hægt að rekja ættir nánast allra nautgripa á landinu til þessa merkisgrips.

Kvóti 19042 er besta nautið fætt 2019

Mon, 26 Oct 2026 11:24:00 +0000

Viðurkenning Nautastöðvar Bændasamtaka Íslands, fyrir besta nautið í árgangi 2019, var veitt á fagfundi nautgriparæktarinnar fimmtudaginn 22. október s.l. Besta nautið í árgangi 2019 var valið Kvóti 19042 frá Ytri-Tjörnum í Eyjafirði. Ræktendur Kvóta 19042 eru þau Elín Nolsöe Grethardsdóttir og Baldur Helgi Benjamínsson og tóku þau við viðurkenningunni úr höndum Sveinbjörns Eyjólfssonar forstöðumanns Nautastöðvarinnar. Kvóti 19042 var fæddur 8. október 2019, undan Sjarma 12090 og Angelu 1055 Úlladóttur 10089.

Þrettán bú tilnefnd sem ræktunarbú ársins 2026

Wed, 14 Oct 2026 14:17:00 +0000

Fagráð í hrossarækt hefur valið þau hrossaræktarbú sem tilnefnd eru til árlegrar heiðursviðurkenningar Bændasamtaka Íslands, ræktunarbú ársins. Valið stóð á milli 70 búa sem náð höfðu athyglisverðum árangri á árinu. Í reglum er tekið fram að tilnefna skal 12 efstu búin árlega en búin eru 13 í ár þar sem tvö bú eru jöfn í tólfta sæti.

Niðurstöður úr skýrslum nautgriparæktarinnar september nýliðnum

Tue, 13 Oct 2026 13:37:00 +0000

Hæstu skráðu 12 mánaða nyt það sem af er þessu ári, 2026, á Kaka 982 í Gunnbjarnarholti 2 í Skeiða- og Gnúpverjahreppi, en nyt hennar á 12 mánaða tímabili, við lok september, var 17.869 kg. sem er nærri 1.000 kg. hærra en nyt hennar á 12 mánuðum reiknaðist fyrir mánuði síðan.

Fagfundur nautgriparæktarinnar 2026

Mon, 12 Oct 2026 15:03:00 +0000

Fagfundur nautgriparæktarinnar 2026 verður haldinn fimmtudaginn 22. október n.k. í Ásgarði á Hvanneyri og hefst kl. 13:00. Fundurinn er haldinn á vegum Fagráðs í nautgriparækt, í samstarfi við Bændasamtök Íslands, Landbúnaðarháskóla Íslands, Nautastöð BÍ og Ráðgjafarmiðstöð landbúnaðarins, og er öllum opinn. Honum er einnig streymt á netinu, sjá hlekk hér fyrir neðan dagskrá.

Loftslagsvænn landbúnaður – Vinnustofa um sjálfbæran landbúnað, haldin í Svartárkoti í Bárðardal

Tue, 06 Oct 2026 13:54:00 +0000

Loftslagsvænn landbúnaður býður bændum og öðrum áhugasömum um landbúnað til vinnustofu í Svartárkoti í Bárðardal þriðjudaginn 13. október. Þar verður fjallað um sjálfbærni í landbúnaði, helstu tækifæri og áskoranir og hvernig laga má búrekstur að aðstæðum hvers bús með sjálfbærri nýtingu staðbundinna náttúruauðlinda. Vinnustofan hefst kl. 11:00 og stendur til kl. 15:00. Boðið verður upp á kaffi og léttar veitingar í byrjun og lok fundar.

Kynbótamat hrossa haustið 2026

Mon, 28 Sep 2026 11:23:00 +0000

Nú hefur nýtt kynbótamat verið vistað í WorldFeng en öllum kynbótasýningum lauk í fyrstu viku september. Vorið 2025 var ákveðið að byggja kynbótamatið bæði á kynbótadómum hrossa og einnig á keppnisárangri í ákveðnum keppnisgreinum. Hér er um að ræða töltgreinar (T1, T3, T2 og T4), fjórgangsgreinar (V1, V2 og B-flokki), fimmgangsgreinar (F1, F2 og A-flokki) og skeiðgreinar (250 metra skeiði, 100 metra skeiði og gæðingaskeiði).

Skrifstofa RML á Blönduósi

Tue, 22 Sep 2026 13:03:00 +0000

Vegna fæðingarorlofs starfsmanns er ekki föst viðvera á skrifstofu okkar á Blönduósi. Skrifstofan verður þó opin á fimmtudögum kl 10-15 frá og með 1. október Auka viðvera verður á skrifstofunni þriðjudaginn 29. september milli kl 9-16 vegna skila á jarðræktarskýrslum.

Niðurstöður úr skýrslum nautgriparæktarinnar að ágústmánuði liðnum

Mon, 14 Sep 2026 17:52:00 +0000

Niðurstöður skýrslna nautgriparæktarinnar fyrir síðastliðna 12 mánuði, nú þegar ágúst er liðinn og haustlitirnir hafa sett mark sitt á landið, hafa verið birtar á vef okkar. Niðurstöðurnar byggja á þeim skýrslum sem hafði verið skilað um miðjan dag þann 14. september. Hér á eftir er farið yfir nokkur atriði úr niðurstöðunum en meiri upplýsingar má finna í töflunum sem tengillinn neðst í fréttinni vísar til. Þegar niðurstöðurnar voru reiknaðar hafði verið skilað mjólkurskýrslum frá 422 búum en uppgjör kjötframleiðslunnar nær til 114 búa þar sem framleitt var nautakjöt en ekki stunduð framleiðsla mjólkur til sölu. Reiknuð meðalnyt 24.343,2 árskúa á búunum 422 var 6.749 kg. eða 7.025 kg. OLM

Vinnustofa um lífræna ræktun og loftslagsvænan landbúnað í Vallanesi á Fljótsdalshéraði

Fri, 11 Sep 2026 14:49:00 +0000

Verkefnið Loftslagsvænn landbúnaður býður bændum og öðrum áhugasömum um landbúnað og lífræna ræktun til vinnustofu í Vallanesi á Fljótsdalshéraði mánudaginn 21. september. Viðfangsefni vinnustofunnar verður lífrænn landbúnaður, með sérstakri áherslu á hagnýtar leiðir, reynslu bænda og samtal um tækifæri og áskoranir í lífrænni ræktun.

Upplýsingar vegna útsendinga á haustbók

Thu, 10 Sep 2026 15:50:00 +0000

RML hefur fengið ábendingar um að hluti bænda hafi ekki fengið haustbækur sínar afhentar þrátt fyrir að þær hafi verið sendar í prentun og dreifingu. Því miður virðist að í einhverjum tilfellum hafi komið upp annmarkar í dreifingarferlinu. Unnið er að því að fara yfir stöðuna og tryggja að allir sem eiga að fá bók fái hana afhenta sem fyrst. Þeir bændur sem hafa ekki fengið haustbókina sína eru vinsamlegast beðnir um að hafa samband við RML með tölvupósti á rml@rml.is og tilgreina nafn bús og búsnúmer. Við biðjumst velvirðingar á þeim óþægindum sem þetta kann að hafa valdið og þökkum sýndan skilning.

Loftslagsvænn landbúnaður – vinnustofur á búum í haust

Wed, 09 Sep 2026 14:23:00 +0000

Verkefnið Loftslagsvænn landbúnaður býður bændum upp á þátttöku í vinnustofum í haust. Þar verður áhersla lögð á að miðla þekkingu um hvernig bændur geta bætt búrekstur sinn til að ná fram loftslagsvænum og hagrænum ávinningi. Loftslagsvænn landbúnaður hefur staðið að vinnustofum sem þessum undanfarin ár fyrir þátttakendur í verkefninu. Þær hafa verið vel sóttar og verið mikilvægur liður í miðlun þekkingar milli bænda. Að þessu sinni verða vinnustofurnar opnar öllum bændum og eru þátttakendur í Loftslagsvænum landbúnaði sem og aðrir bændur hvattir til að skrá sig til þátttöku.

Hrossaræktin 2026 - Ráðstefna

Mon, 07 Sep 2026 11:42:00 +0000

Hin árlega hrossaræktarráðstefna fagráðs fer fram laugardaginn 7. nóvember og byrjar klukkan 13:00. Aðgangur að ráðstefnunni er ókeypis og allt áhugafólk um hrossarækt er hvatt til að mæta. Dagskrá verður auglýst síðar og staðsetning en endilega taki...

Lambadómar 2026 - pantanir þurfa að berast sem fyrst

Wed, 02 Sep 2026 12:18:00 +0000

Við viljum minna bændur á að panta lambadóma sem fyrst svo skipuleggja megi þessa vinnutörn með sem hagkvæmustum hætti fyrir alla. Eins og áður hefur komið fram njóta pantanir sem bárust fyrir 20. ágúst forgangs hvað varðar óskatímasetningu hjá hverjum og einum. Talsvert er komið inn af pöntunum og því um að gera að draga það ekki lengi að panta tíma fyrir sínn lambahóp.

Nýr starfsmaður hjá RML

Tue, 01 Sep 2026 08:00:00 +0000

Christina Mai er kominn til starfa hjá RML. Hún mun starfa sem sérfræðingur í þróunar- og hugbúnaðarverkefnum á Fjármála og tæknisviði. Christina er með M.Sc. gráðu í nýsköpun og viðskiptaþróun frá Háskóla Íslands.

Jarðræktarskýrsluhald og umsóknir um jarðræktarstyrki

Sat, 29 Aug 2026 18:11:00 +0000

Þann 1. október rennur út frestur til að sækja um landgreiðslur og jarðræktarstyrki. Þeir bændur sem þurfa aðstoð við skráningar á ræktun, áburðargjöf og uppskeru eða þurfa að láta teikna upp eða breyta túnkortum verða að hafa samband við RML sem allra fyrst til að tryggja sér þjónustu fyrir umsóknarfrest. Líkt og undanfarin ár þurfa bændur að skila jarðræktarskýrslu í Jörð.is áður en þeir geta sótt um landgreiðslur og jarðræktarstyrki í Afurð.is.

Framkvæmdastjóri fyrir NorFor amba

Fri, 28 Aug 2026 07:57:00 +0000

NorFor er norrænt samstarf um fóðurmat og fóðuráætlanagerð fyrir mjólkurkýr. Samstarfið er í eigu leiðandi landbúnaðarsamtaka í Danmörku, Noregi, Svíþjóð og á Íslandi. Starfsemin byggist á samstarfsneti atvinnulífs og háskóla, þar sem lögð er rík áhersla á vísindalega þróun og hagnýtingu í starfi. Nú er leitað að framkvæmdastjóra NorFor til að leiða samstarfið og vinna að áframhaldandi þróun þess. Starfið felur í sér heildarábyrgð á samhæfingu, þróun og samskiptum við hagaðila, ásamt nánu samstarfi innan norræns tengslanets eigenda, samstarfsaðila og rannsóknarumhverfa.