Umhverfis- og loftslagsmál | Ráðgjafarmiðstöð landbúnaðarins

Sumarfrí í júlí 2025 - viðvera á starfsstöðvum og símsvörun

Wed, 23 Jul 2025 09:15:00 +0000

Í júlí er víða lítil viðvera á starfsstöðvum RML vegna sumarleyfa starfsfólks. Því getur verið að erindi fái ekki afgreiðslu fyrr en að þeim loknum í byrjun ágúst. Aðalnúmer RML 516-5000 er opið sem hér segir: Mánudaga – fimmtudaga; kl 9-12 og 13-16. Föstudaga; kl 9-12. Eftir hádegi á föstudögum er lokað.

Málstofa um sjálfbærni í landbúnaði, náttúrvernd og umhverfismál

Tue, 23 Apr 2024 10:15:00 +0000

RML leitar eftir þátttakendum í málstofu þar sem fjallað verður um samspil landbúnaðar, umhverfismála og sjálfbærrar nýtingar náttúrauðlinda. Málstofan verður haldin í Ásgarði, aðalbyggingu Lbhí, í Ársal 3. hæð, á Hvanneyri þann 2. maí. Málstofan er liður í verkefni sem RML hefur umsjón með sem unnið er í samvinnu Íslendinga, Færeyinga og Grænlendinga. Verkefnið gengur undir nafninu „Samvinna í landbúnaði“ eða „Landsbrugssamarbedje“ og hefur hlotið styrk Norræna Atlantssamstarfinu – NORA. Markmið og megintilgangur þessa verkefnis er að skapa vettvang þar sem þessar þjóðir geta miðlað þekkingu og reynslu sín á milli í landbúnaðar- og umhverfismálum tengdum landbúnaði.

Opnun á vefsíðu Loftslagsvæns landbúnaðar

Thu, 14 Mar 2024 12:00:00 +0000

Í dag var opnuð við hátíðlega athöfn á búnaðarþingi ný vefsíða; loftslagsvaennlandbunadur.is. Það eru Ráðgjafarmiðstöð landbúnaðarins og Land og skógur með stuðningi matvælaráðuneytisins og umhverfis- orku- og loftslagsráðuneytisins, sem standa að síðunni. Síðan hefur þann tilgang að miðla fræðslu um loftslagsvæna og sjálfbæra búskaparhætti og koma á framfæri upplýsingum um þau verkefni og árangur sem þátttökubú í Loftslagsvænum landbúnaði hafa náð.

Sumarfrí í júlí 2023 - viðvera á starfsstöðvum og símsvörun

Fri, 14 Jul 2023 12:29:00 +0000

Í júlí er mikið af starfsfólki RML í sumarfríi og því stopul viðvera á starfsstöðvum. Síminn 516-5000 verður þó alltaf opinn hjá okkur sem hér segir: Mánudaga - fimmtudaga milli kl. 9-12 og 13-16. Lokað er í hádeginu milli kl. 12-13 Föstudaga kl. 9-12 en lokað er á föstudögum frá kl. 12.00 Senda má gögn og fyrirspurnir á eftirfarandi netföng:

Auglýst eftir nýjum þátttakendum í nautgriparækt, sauðfjárrækt og útiræktun grænmetis.

Mon, 03 Jul 2023 14:09:00 +0000

Loftslagsvænn landbúnaður er hluti af aðgerðaáætlun stjórnvalda í loftslagsmálum. Markmið verkefnisins er að draga úr losun gróðurhúsalofttegunda og auka kolefnisbindingu. Auglýst er eftir umsóknum til þátttöku frá tíu búum í sauðfjárrækt og/eða nautgriparækt og fimm grænmetisframleiðendum sem stunda útiræktun. Þátttakendur þurfa að hafa áhuga fyrir að setja sér skriflega aðgerðaáætlun fyrir búreksturinn, hrinda markmiðum í framkvæmd og vera virkir þátttakendur í vegferð landbúnaðarins að loftslagsvænum lausnum.

RML leiðir norrænt samstarfsverkefni

Tue, 24 Jan 2023 11:21:00 +0000

Verkefnið „Samstarf í landbúnaði - Bændur gæslumenn lands“ hefur hlotið styrk frá Norræna Atlantssamstarfinu, NORA. Um er að ræða samstafsverkefni Íslendinga, Grænlendinga og Færeyinga. Markmiðið með verkefninu er að hvetja bændur til þátttöku í náttúruvernd og umhverfisverkefnum, auk þess að greina hvernig landbúnaður og fyrrgreint verkefni geta stutt við hvort annað.

Umsóknarfrestur fyrir nautgripabændur í Loftslagsvænan landbúnað er til 20. júní

Tue, 14 Jun 2022 09:00:00 +0000

Loftslagsvænn landbúnaður er hluti af aðgerðaáætlun stjórnvalda í loftslagsmálum. Markmið verkefnisins er að draga úr losun gróðurhúsalofttegunda og auka kolefnisbindingu. Auglýst er eftir fimmtán þátttökubúum í nautgriparækt, til allt að fimm ára, sem hafa áhuga á að setja sér skriflega aðgerðaáætlun fyrir búreksturinn, hrinda markmiðum í framkvæmd og vera virkir þátttakendur í vegferð landbúnaðarins að loftslagsvænum lausnum.

Þjónustukönnun RML á Bændatorgi

Wed, 09 Feb 2022 13:29:00 +0000

Ráðgjafarmiðstöð landbúnaðarins leggur mikinn metnað í að veita bændum um allt land góða þjónustu og við leitum stöðugt leiða til að bæta ráðgjöf okkar enn frekar. Því hvetjum við bændur til að taka þátt í þjónustukönnun okkar sem er aðgengileg inni á Bændatorginu undir fréttum. Könnunin er stutt og ætti ekki að taka nema 3 til 4 mínútur að svara henni og niðurstöður er ekki hægt að rekja til einstakra svarenda. Það er okkur mjög mikils virði að fá sem flest svör til þess að við getum haldið áfram að efla og bæta ráðgjöf og þjónustu við bændur.

Loftslagsvænn landbúnaður hlýtur hvatningarviðurkenningu Festu og Reykjavíkurborgar

Fri, 19 Nov 2021 21:09:00 +0000

Verkefnið Loftslagsvænn landbúnaður sem er samstarfsverkefni Ráðgjafarmiðstöðvar landbúnaðarins, Landgræðslunnar, Skógræktarinnar, umhverfis- og auðlindaráðuneytisins og atvinnuvega- og nýsköpunarráðuneytisins fékk hvatningarviðurkenningu ársins 2021 á loftslagsfundi Reykjavíkurborgar og Festu sem haldinn var í Hörpu í dag. Dagur B. Eggertsson borgarstjóri og Líf Magneudóttir formaður dómnefndar afhentu viðurkenninguna.

Bændum í nautgriparækt boðin þátttaka í Loftslagsvænum landbúnaði

Mon, 28 Jun 2021 15:03:00 +0000

Loftslagsvænn landbúnaður er hluti af aðgerðaáætlun stjórnvalda í loftslagsmálum. Markmið verkefnisins er að draga úr losun gróðurhúsalofttegunda og auka kolefnisbindingu. Samningur var undirritaður fyrr í mánuðinum við atvinnuvega- og nýsköpunarráðuneytið og umhverfis- og auðlindráðuneytið um að stækka verkefnið og bjóða fimmtán búum í nautgriparækt að hefja þátttöku í haust.

Verkefnið Loftslagsvænn landbúnaður stækkar

Fri, 12 Feb 2021 13:24:00 +0000

Fyrir skemmstu var nýr hópur sauðfjárbænda tekinn inn sem þátttakendur í verkefninu Loftslagsvænn landbúnaður, sem er samstarfsverkefni stjórnvalda, Ráðgjafarmiðstöðvar landbúnaðarins, Skógræktarinnar og Landgræðslunnar. Verkefnið er að hefja sitt annað ár, en fyrstu þátttökubændurnir byrjuðu árið 2020. Verkefnið gengur út á að bændurnir geri aðgerðaráætlun fyrir búin sín þar sem dregið er úr losun gróðurhúsalofttegunda og kolefnisbinding aukin. Verkefnið er hluti af aðgerðaráætlun stjórnvalda í loftslagsmálum og hafa nú 15 ný þátttökubú bæst í hópinn við þá 13 sem hófu þátttöku í fyrra.

Vegna umræðna um „Plast í íslenskum landbúnaði – leiðir og kostnaður við að draga úr notkun heyrúlluplasts“

Tue, 05 Jan 2021 15:31:00 +0000

Nýlega útgefin skýrsla RML um plast í íslenskum landbúnaði hefur vakið miklar og gagnlegar umræður. Umræður um loftslags- og umhverfismál eru þörf, og þökkum við fyrir alla þá athygli sem þessi vinna hefur fengið. Það hafa vaknað nokkrar spurningar hjá áhugasömum um þessi mál og val á forsendum í reiknilíkani sem kynnt er í skýrslunni.

Síðustu fyrirlestrarnir í netfyrirlestraröð LOGN verkefnisins og upptökur á netinu

Thu, 30 Apr 2020 17:30:00 +0000

Nú líður að lokum þessarar lotu í netfyrirlestrum á vegum LOGN. Verkefnið hefur gengið mjög vel og hafa margir nýtt sér þann möguleika að tengjast fyrirlestrum í rauntíma og taka þátt í umræðunni. Við viljum benda þeim á sem ekki hafa náð að fylgjast með að fyrirlestrarnir hafa verið teknir upp og er hluti af upptökum þegar komnir í birtingu.

LOGN netfyrirlestrar 20. – 24. apríl

Fri, 17 Apr 2020 15:57:00 +0000

Í næstu viku höldum við netfyrirlestraröð LOGN áfram. Þá verða fluttir þrír spennandi fyrirlestrar um náttúru svæðisins sem nær yfir Mýrar í Borgarbyggð og sunnanvert Snæfellsnes. Fjallað verður um efni sem nær yfir náttúruvernd og gildi náttúruverndar, aðferðir við friðlýsingar, gróður og vistgerðir og fugla- og dýralíf.

Samningur undirritaður um Loftslagsvænan landbúnað

Tue, 03 Mar 2020 12:22:00 +0000

Umhverfis og auðlindaráðuneytið boðaði í gær til morgunverðarfundar fyrir fulltrúa Búnaðarþings þar sem fulltrúar RML kynntu tvö verkefni sem eru í gangi og studd af ráðuneytinu.

Loftslagsvænn landbúnaður

Wed, 19 Feb 2020 11:29:00 +0000

Framundan eru námskeið í Loftslagsvænum landbúnaði um allt land. Staðsetningar námskeiðanna hafa verið valdar út frá skráningum í gegnum sem bárust hér heimasíðu RML. Ennþá er hægt að skrá sig á námskeiðin. Þau verða haldin á eftirtöldum stöðum milli klukkan 10:00 og 16:30 ef næg þátttaka næst.

Úthaginn, kolefnið og loftslagsbókhaldið

Tue, 03 Dec 2019 09:09:00 +0000

Fimmtudaginn 5. desember frá kl 12.00-13.30 verður haldinn hádegisfundur um stöðu þekkingar og rannsókna á kolefnisbúskap landsins. Fundurinn verður haldinn í Veröld - Húsi Vigdísar í Reykjavík á alþjóðlegum degi jarðvegs og eru það Landbúnaðarháskól...

Nýr samningur um ráðgjöf til nýliða í lífrænni ræktun

Mon, 14 Oct 2019 11:39:00 +0000

Í síðustu viku var undirritaður samningur um ráðgjöf til nýliða í lífrænni ræktun en töluverð eftirspurn hefur verið eftir slíkri ráðgjöf meðal nýliða. Það voru Karvel L. Karvelsson framkvæmdastjóri RML og Eygló Björk Ólafsdóttir, formaður Félags framleiðenda í lífrænni landbúnaðarframleiðslu (VOR), sem undirrituðu samninginn.

LOGN – Vel heppnaðir fundir á Mýrum og í Bárðardal

Wed, 17 Apr 2019 10:40:00 +0000

Kynningar- og vinnufundir fyrir verkefnið „Landbúnaður og náttúruvernd“ voru haldnir dagana 10. og 11. apríl sl. Fundirnir voru haldnir í félagsheimilinu Lyngbrekku á Mýrum og Kiðagili í Bárðardal. Voru fundirnir ágætlega sóttir og umræður líflegar. Tilgangur og markmið fundanna var að eiga samtal við bændur og að sækja efnivið í grasrótina til að nota í áframhaldandi greiningavinnu.

Landbúnaður og náttúruvernd - LOGN

Wed, 03 Apr 2019 08:59:00 +0000

Í byrjun desembermánaðar s.l. var undirrituð samstarfsyfirlýsing á milli Bændasamtaka Íslands og Umhverfis- og auðlindaráðuneytis um að kanna tækifæri í samþættingu landbúnaðar og náttúrverndar. Verkefnið er fjármagnað af Umhverfisráðuneytinu sem hefur gert samning við Ráðgjafarmiðstöð landbúnaðarins ehf. um að vinna verkefnið. Sigurður Torfi Sigurðsson ráðunautur er verkefnisstjóri.