Nautgriparækt | Ráðgjafarmiðstöð landbúnaðarins

Niðurstöður úr skýrslum nautgriparæktarinnar að ágústmánuði liðnum

Mon, 14 Sep 2026 17:52:00 +0000

Niðurstöður skýrslna nautgriparæktarinnar fyrir síðastliðna 12 mánuði, nú þegar ágúst er liðinn og haustlitirnir hafa sett mark sitt á landið, hafa verið birtar á vef okkar. Niðurstöðurnar byggja á þeim skýrslum sem hafði verið skilað um miðjan dag þann 14. september. Hér á eftir er farið yfir nokkur atriði úr niðurstöðunum en meiri upplýsingar má finna í töflunum sem tengillinn neðst í fréttinni vísar til. Þegar niðurstöðurnar voru reiknaðar hafði verið skilað mjólkurskýrslum frá 422 búum en uppgjör kjötframleiðslunnar nær til 114 búa þar sem framleitt var nautakjöt en ekki stunduð framleiðsla mjólkur til sölu. Reiknuð meðalnyt 24.343,2 árskúa á búunum 422 var 6.749 kg. eða 7.025 kg. OLM

Niðurstöður úr skýrslum nautgriparæktarinnar að loknum júlímánuði

Mon, 17 Aug 2026 18:47:00 +0000

Niðurstöður skýrslna nautgriparæktarinnar fyrir síðastliðna 12 mánuði, nú þegar júlímánuður er liðinn og byrjað að dimma á kvöldin, hafa verið birtar á vef okkar. Niðurstöðurnar byggja á þeim skýrslum sem hafði verið skilað síðdegis þann 17. ágúst. Hér á eftir er farið yfir nokkur atriði úr niðurstöðunum en meiri upplýsingar má finna í töflunum sem finna má tengil í neðst í fréttinni. Þegar niðurstöðurnar voru reiknaðar hafði verið skilað mjólkurskýrslum frá 431 búi en uppgjör kjötframleiðslunnar nær til 114 búa þar sem framleitt var nautakjöt en ekki stunduð framleiðsla mjólkur til sölu. Reiknuð meðalnyt 24.956,2 árskúa á búunum 431 var 6.723 kg. eða 6.995 kg. OLM

Ný skýrsla um ómmælingar holdagripa komin út

Thu, 13 Aug 2026 12:59:00 +0000

RML hefur gefið út nýja lokaskýrslu um ómmælingar holdagripa, þar sem fjallað er um áframhaldandi gagnasöfnun til stuðnings framtíðarkynbótastarfi í íslenskri holdagriparækt. Verkefnið byggir á mælingum á bakvöðva og bakfitu lifandi gripa, auk upplýsinga um brjóstmál, þyngd, vöxt og sláturgögn.

Rekstur kúabúa 2022-2025

Tue, 28 Jul 2026 14:25:00 +0000

Búið er að taka saman fyrstu tölur um rekstur kúabúa fyrir árið 2025 og byggja þær á uppgjöri 85 kúabúa sem eru þátttakendur í samnefndu verkefni. Í meðfylgjandi töflu eru birt meðaltöl þessara 85 búa í samanburði við öll þátttökubú undanfarin ár.

Niðurstöður úr skýrslum nautgriparæktarinnar eftir nýliðinn júní

Tue, 14 Jul 2026 16:57:00 +0000

Niðurstöður skýrslna nautgriparæktarinnar fyrir síðastliðna 12 mánuði, nú þegar júnímánuður hefur runnið sitt skeið á enda, hafa verið birtar á vef okkar. Niðurstöðurnar byggja á þeim skýrslum sem hafði verið skilað upp úr nóni þann 14. júlí. Hér á eftir er farið yfir nokkur atriði úr niðurstöðunum en meiri upplýsingar má finna í töflunum sem finna má tengil í neðst í fréttinni. Þegar niðurstöðurnar voru reiknaðar hafði verið skilað mjólkurskýrslum frá 421 búi en uppgjör kjötframleiðslunnar nær til 114 búa þar sem framleitt var nautakjöt en ekki stunduð framleiðsla mjólkur til sölu. Reiknuð meðalnyt 24.176,8 árskúa á búunum 421 var 6.743 kg. eða 7.020 kg. OLM

Niðurstöður úr skýrslum nautgriparæktarinnar að maímánuði nýliðnum

Thu, 11 Jun 2026 16:50:00 +0000

Niðurstöður skýrslna nautgriparæktarinnar fyrir síðastliðna 12 mánuði, nú þegar maímánuður er horfinn í safn tímans, hafa verið birtar á vef okkar. Niðurstöðurnar byggja á þeim skýrslum sem hafði verið skilað upp úr hádegi þann 11. júní. Hér á eftir er farið yfir nokkur atriði úr niðurstöðunum en meiri upplýsingar má finna í töflunum sem finna má tengil í neðst í fréttinni. Þegar niðurstöðurnar voru reiknaðar hafði verið skilað mjólkurskýrslum frá 416 búum en uppgjör kjötframleiðslunnar nær til 112 búa þar sem framleitt var nautakjöt en ekki stunduð framleiðsla mjólkur til sölu. Reiknuð meðalnyt 23.839,1 árskýr á búunum 416 var 6.732 kg. eða 7.018 kg. OLM

Þrettán ný naut í notkun

Wed, 13 May 2026 13:18:00 +0000

Nú koma þrettán ný naut til notkunar og þar af stendur kyngreint sæði (X-sæði) til boða úr sjö þeirra auk þess sem aftur kemur slíkt sæði til dreifingar úr Jöfri 24010. Þá mun Y-sæði, þ.e. sæði sem gefur nautkálfa, standa til boða úr fjórum þessara nauta en það er nýjung. Við skulum fyrst fara yfir hvaða naut fara úr notkun og hver verða áfram í dreifingu. Úr dreifingu verða teknir Meistari 23038, Draupnir 23040, Stjóri 23041, Bolli 24002, Valens 24003, Biggi 24004, Hálsi 24006, Sjafnar 24007, Kládíus 24011, Tumi 24014 og Andi 24015. Þeir teljast allir annað hvort fullnotaðir eða náðu ekki þeim vinsældum að ástæða sé til að hafa þá áfram í notkun. Þau naut sem verða áfram í dreifingu eru Oddi 24008, Alur 24009, Jöfur 24010, Versalur 24017 og Nemó 24018. Rétt er að taka fram að verulega er farið að ganga á birgðir úr sumum þeirra.

Niðurstöður úr skýrslum nautgriparæktarinnar eftir nýliðinn apríl

Mon, 11 May 2026 17:33:00 +0000

Niðurstöður skýrslna nautgriparæktarinnar fyrir síðastliðna 12 mánuði, nú að nýliðnum apríl, hafa verið birtar á vef okkar. Niðurstöðurnar byggja á þeim skýrslum sem hafði verið skilað um hádegisbilið þann 11. maí. Hér á eftir er farið yfir nokkur atriði úr niðurstöðunum en meiri upplýsingar má finna í töflunum sem finna má tengil í neðst í fréttinni. Þegar niðurstöðurnar voru reiknaðar hafði verið skilað mjólkurskýrslum frá 410 búum en uppgjör kjötframleiðslunnar nær nú til 111 búa þar sem framleitt var nautakjöt en ekki stunduð framleiðsla mjólkur til sölu. Reiknuð meðalnyt 23.627,6 árskúa á búunum 410 var 6.729 kg.

Mjólkaði meira en 14 tonn á fyrsta kálfi

Tue, 05 May 2026 16:14:00 +0000

Það er ávallt gaman að segja frá því sem fram úr skarar og er allrar athygli vert. Við uppgjör skýrsluhaldsins fyrir árið 2025 kom í ljós að afurðahæsta kýrin í Nautgriparæktarfélagi Hraungerðishrepps og Ölfuss var kýr sem var að mjólka á sínu fyrsta mjólkurskeiði. Það er svo sem ef til vill ekkert einsdæmi en það sem er öllu athyglisverðara er afkastageta þessa grips sem um ræðir. Ástrós 025 á Brúnastöðum í Flóa mjólkaði á síðasta ári 12.907 kg mjólkur með 3,90% fitu og 3,47% próteini. Hún bar 25. nóvember 2024 og örðum kálfi 25. mars 2026. Mjólkurskeiðsafurðirnar urðu því 14.410 kg. Hæsta skráða dagsnyt hjá henni á 1. mjólkurskeiði var 42,8 kg í janúar 2025 og hún var í 40 kg dagsnyt í lok apríl á síðasta ári. Dagsnytin fór ekki niður fyrir 30 kg fyrr en við lok október s.l.

Afkoma mjólkurframleiðenda 2022-2024

Wed, 29 Apr 2026 11:30:00 +0000

Komin er út skýrsla um rekstur og afkomu í mjólkurframleiðslu fyrir árin 2022-2024 en hún byggir á gögnum frá 200-204 kúabúum. Á árinu 2024 var mjólkurframleiðslan á þessum búum samtals um 52,4% af innlagðri mjólk á landvísu.

dkBúbót liggur niðri eins og er - Unnið er að viðgerð

Mon, 27 Apr 2026 10:12:00 +0000

Viðskiptavinir athugið að dkBúbót liggur niðri í augnablikinu en unnið er að viðgerð.

Niðurstöður skýrsluhalds nautgriparæktarinnar fyrir nýliðinn mars

Mon, 13 Apr 2026 16:58:00 +0000

Niðurstöður skýrslna nautgriparæktarinnar fyrir síðastliðna 12 mánuði, nánar til tekið nú að loknum marsmánuði, hafa verið birtar á vef okkar. Niðurstöðurnar byggja á þeim skýrslum sem hafði verið skilað undir hádegi þess 13. apríl. Hér á eftir er farið yfir nokkur atriði úr niðurstöðunum en meiri upplýsingar má finna í töflunum sem tengillinn neðst í fréttinni vísar til. Þegar niðurstöðurnar voru reiknaðar hafði verið skilað mjólkurskýrslum frá 428 búum en uppgjör kjötframleiðslunnar nær að þessu sinni til 112 búa þar sem framleitt var nautakjöt en ekki stunduð framleiðsla mjólkur til sölu. Reiknuð meðalnyt 24.506,1 árskýr á búunum 428 var 6.701 kg.

Skýrsla um afkomu nautakjötsframleiðenda 2022-2024

Wed, 08 Apr 2026 13:25:00 +0000

Komin er út skýrsla um rekstur og afkomu í nautaeldi fyrir árin 2022-2024 en hún byggir á gögnum frá 36-40 nautgripabúum. Á árinu 2024 var nautakjötsframleiðslan á þessum búum samtals um 24% af framleiðslu ungnautakjöts á landsvísu. Skýrslan lýsir jákvæðri þróun í afkomu búanna á tímabilinu. Þó að tap sé ennþá á framleiðslu nautakjöts að jafnaði sjást skýr merki um bættan rekstur á þessum árum.

Breytingar á kynbótamati og heildareinkunn

Thu, 02 Apr 2026 13:32:00 +0000

Síðast liðið haust endurskoðaði Jón Hjalti Eiríksson hjá Landbúnaðarháskóla Íslands hagrænt vægi eiginleika kynbótamats í nautgriparækt í samvinnu við Julie Clasen hjá SimHerds í Danmörku. Sú vinna leiddi í ljós að skynsamlegt væri að gera örlitlar breytingar á vægi eiginleika í samsettum einkunnum kynbótamatsins og á heildareinkunn. Niðurstöðurnar er að finna í Riti LbhÍ nr. 183, Endurskoðun heildareinkunnar kynbótamats fyrir íslenskar mjólkurkýr sem birt er bæði á heimasíðum Landbúnaðarháskólans (www.lbhi.is) og RML (www.rml.is). Fagráð í nautgriparækt ákvað svo að gera breytingar með hliðsjón af þeim tillögum sem Jón Hjalti og Julie lögðu til. Þannig var ákveðið að setja neikvætt vægi á mjólkurmagn í einkunn fyrir afurðir í stað þess að hafa vægi á prótein hlutfalli. Þessi aðferð þykir betri til þess að halda uppi efnainnihaldi mjólkur með það í huga að kostnaður við að flytja vatn er talsverður. Vægi eiginleika í afurðaeinkunn var því breytt þannig að fitumagn vegur 42%, próteinmagn 50% og mjólkurmagn -8%.

Kynbótaskipulag fyrir íslenska kúastofninn með erfðamengjaúrvali

Thu, 19 Mar 2026 16:25:00 +0000

RML hefur gefið út skýrsluna Kynbótaskipulag fyrir íslenska kúastofninn með erfðamengjaúrvali – Samanburður mögulegra kynbótakerfa með tilliti til erfðaframfara og skyldleikaræktar. Höfundar eru Þórdís Þórarinsdóttir, Jón Hjalti Eiríksson og Guðmundur Jóhannesson. Í skýrslunni eru kynntar niðurstöður verkefnis sem unnið var á árunum 2024-26 í samstarfi RML, Landbúnaðarháskóla Íslands, Háskólans í Árósum og Viking Genetics. Meginniðurstöður þeirrar voru birtar í nóvember-hefti Journal of Dairy Science í fyrra en skýrslan greinir frá niðurstöðum á íslensku ásamt því að fjalla um frekari greiningar og niðurstöður út frá hagnýtingu fyrir kynbótakerfið og kostnaði.

Niðurstöður skýrsluhalds nautgriparæktarinnar nú við lok febrúar

Wed, 11 Mar 2026 14:30:00 +0000

Niðurstöður skýrslna nautgriparæktarinnar fyrir síðastliðna 12 mánuði, nánar til tekið við lok febrúar, hafa verið birtar á vef okkar. Niðurstöðurnar byggja á þeim skýrslum sem hafði verið skilað að morgni þess 11. mars. Hér á eftir er farið yfir nokkur atriði úr niðurstöðunum en meiri upplýsingar má finna í töflunum sem finna má tengil í neðst í fréttinni. Þegar niðurstöðurnar voru reiknaðar hafði verið skilað mjólkurskýrslum frá 428 búum en uppgjör kjötframleiðslunnar nær að þessu sinni til 112 búa þar sem framleitt var nautakjöt en ekki stunduð framleiðsla mjólkur til sölu. Reiknuð meðalnyt 24.360,4 árskúa á búunum 428 var 6.674 kg. eða 6.945 kg. OLM (af orkuleiðréttri mjólk)

Vænting 1271 er ellefta íslenska kýrin til að rjúfa 100 þús. kg múrinn

Tue, 10 Mar 2026 08:23:00 +0000

Afrekskýrin Vænting 1271 í Gunnbjarnarholti í Eystrihreppi rauf 100 þús. kg múrinn nú í lok febrúar og er þar með ellefta íslenska kýrin til að gera slíkt. Vænting er fædd 17. apríl 2013 í Skáldabúðum en flutti aðsetur sitt við flutning búsins að Gunnbjarnarholti á sínum tíma. Hún hafði nú um mánaðamótin febrúar/mars mjólkað 100.158 kg mjólkur. Við mælingu 28. febrúar s.l. var Vænting í 18,6 kg dagsnyt þannig að hún hefur að öllum líkindum mjólkað sínu 100 þúsundasta kg mjólkur þann 20. febrúar eða þar um bil.

Áhrif mismunandi kornskammta á vaxtarhraða holdablendinga - ný skýrsla RML

Wed, 25 Feb 2026 10:01:00 +0000

RML hefur birt nýja skýrslu um umfangsmikla fóðurathugun sem framkvæmd var í Hofsstaðaseli á árunum 2022–2024. Markmið verkefnisins var að meta áhrif mismunandi kornskammta á vöxt holdablendinga, eldistíma og rekstrarafgang við innieldi. Í tilrauninni voru 108 nautkálfar skiptir í þrjá fóðurflokka (0%, 20% og 36% korn) og þrjá aldurshópa. Niðurstöður sýna skýrt að aukið kornhlutfall styttir eldistíma verulega og eykur daglegan vöxt án þess að hafa neikvæð áhrif á gæðaflokkun kjöts (EUROP). Naut sem fengu 36% korn náðu 630 kg lífþunga 117 dögum fyrr en þau sem fengu eingöngu gróffóður.

Niðurstöður skýrsluhalds nautgriparæktarinnar fyrir nýliðinn janúar

Thu, 12 Feb 2026 13:53:00 +0000

Niðurstöður skýrslna nautgriparæktarinnar fyrir síðastliðna 12 mánuði, nú þegar janúarmánuður er þegar liðinn hjá, hafa verið birtar á vef okkar. Niðurstöðurnar byggja á þeim skýrslum sem hafði verið skilað að morgni þann 12. febrúar. Hér á eftir er farið yfir nokkur atriði úr niðurstöðunum en meiri upplýsingar má finna í töflunum sem tengill er í neðst í fréttinni. Þegar niðurstöðurnar voru reiknaðar hafði verið skilað mjólkurskýrslum frá 432 búum en uppgjör kjötframleiðslunnar nær að þessu sinni til 113 búa þar sem framleitt var nautakjöt en ekki stunduð framleiðsla mjólkur til sölu. Reiknuð meðalnyt 24.570,1 árskýr á búunum 432 var 6.669 kg.

Ársuppgjör nautgriparæktarinnar 2025

Thu, 29 Jan 2026 08:59:00 +0000

Hér á eftir er farið yfir helstu niðurstöður úr skýrslum nautgriparæktarinnar hér á landi fyrir árið 2025. Fyrri hluti greinarinnar er samhljóða þeirri sem nú birtist í Bændablaðinu en yfirferðin um niðurstöður skýrsluhaldsins í nautakjötsframleiðslunni birtist vonandi þar ekki síðar en í næsta blaði. Eins og gefur að skilja þarf svona yfirlit ákveðinn undirbúning og því þarf einn daginn að ákveða að bíða ekki lengur eftir upplýsingum þeim sem enn kunna að vera ókomnar inn í grunn þann sem gögnin sem unnið er með eru sótt í. Sem dæmi má nefna voru upplýsingarnar um kjötframleiðsluna sóttar til vinnslu fyrir allnokkrum dögum síðan og svipað gildir um mjólkurframleiðsluna, þannig að gögn sem bárust síðar eða eiga eftir að berast ná því miður ekki inn í uppgjörið. Telja má þó víst að þær tölur sem ekki náðu inn fyrir miðjan mánuðinn, breyti litlu sem engu um landsmeðaltöl því heimtur gagna mátti telja góðar á þeim tíma. Fyrst lítum við yfir mjólkurframleiðsluna en fast á eftir fylgir sú yfirferð sem varðar kjötframleiðsluna á nýliðnu ári. Töflur með ítarlegri upplýsingum en þeim sem birtast í greininni sjálfri má finna hér.