Hrossarækt | Ráðgjafarmiðstöð landbúnaðarins

Nýtt kynbótamat

Mon, 29 Jun 2026 13:26:00 +0000

Nýtt kynbótamat var reiknað fyrir íslenska hestinn um helgina og var það birt nú í morgun í WorldFeng. Þegar Landsmót er haldið er nýtt kynbótamat iðulega reiknað að loknum vordómum á Íslandi til að hafa nýjar niðurstöður til að byggja röðun afkvæmahesta á. Alls bættust við frá vorinu 1.795 dómar frá sex löndum. Kynbótamatið byggir nú á tæplega 40.000 fullnaðardómum úr kynbótadómi og rúmlega 172.000 keppnisdómum. Það er því ljóst að árlega bætast við verðmætar upplýsingar sem styrkja grunn kynbótamatsins.

Skráning á miðsumarssýningar opnar 29. júní

Wed, 24 Jun 2026 08:49:00 +0000

Opnað verður á skráningar á miðsumarssýningar kl. 9:00 mánudaginn 29. júní. Að þessu sinni verður boðið upp á tvær sýningar, eina á Akureyri og eina á Rangárbökkum. Skráning og greiðsla fer fram í gegnum heimasíðu RML. Á forsíðu WorldFengs er einnig hægt að skrá hross til sýningar. Í meðfylgjandi töflu má sjá hvaða sýningarstaðir eru í boði og lokaskráningardag á hverja sýningu en skráningu þarf að vera lokið á miðnætti þess dags. Ef sýning fyllist lokast sjálfkrafa á sýninguna þó svo skráningarfrestur sé ekki útrunninn.

Yfirlitssýningar á Hólum, í Víðidal og á Rangárbökkum 24. júní

Tue, 23 Jun 2026 20:58:00 +0000

Yfirlitssýningar verða haldnar á Hólum, í Víðidal og á Rangárbökkum miðvikudaginn 24. júní. Sýningarnar á Hólum og í Víðidal hefjast stundvíslega kl 09:00. ATHUGIÐ sérstaklega að sýningin á Rangarbökkum hefst kl. 08:00.

Kynbótahross á Landsmóti

Mon, 22 Jun 2026 13:05:00 +0000

Þá er stórskemmtilegu og mögnuðu dómavori að ljúka og að verða ljóst hvaða hross vinna sér inn þátttökurétt á Landsmóti. Á forsíðu WorldFengs má sjá „Sýningarskrá fyrir Landsmót 2026“ en þar kemur fram hvaða hross komast inn á Landsmót þegar yfirlitssýningum lýkur miðvikudaginn 24. júní. Ef fleiri en eitt hross eru jöfn í síðasta sæti inn á mótið (til dæmis fleiri en ein hryssa í 10. sæti í flokki 7 vetra og eldri hryssna) þá er þeim öllum heimil þátttaka á mótinu.

Yfirlitssýningar í Víðidal, Rangárbökkum og Hólum 19. júní

Thu, 18 Jun 2026 22:09:00 +0000

Á morgun, 19. júni fara fram yfirlitssýningar í Víðidal, á Rangárbökkum og á Hólum. Allar sýningar hefjast stundvíslega kl. 08:00.

Yfirlit á Sörlastöðum, Rangárbökkum og Akureyri 12. júní

Thu, 11 Jun 2026 21:29:00 +0000

Yfirlit á Sörlastöðum fer fram föstudaginn 12. júní og hefst stundvíslega kl. 08:00. Yfirlit á Rangárbökkum fer fram föstudaginn 12. júní - VAKIN ER SÉRSTÖK ATHYGLI á að yfirlitið á Rangárbökkum hefst kl. 07:00 sem er fyrr en hefðbundið er.

Yfirlit á Mið-Fossum 9. júní

Mon, 08 Jun 2026 19:37:00 +0000

Yfirlit á Mið-Fossum fer fram þriðjudaginn 9. júní og hefst stundvíslega kl. 09:00.

Yfirlit á Rangárbökkum 5. júní

Thu, 04 Jun 2026 21:50:00 +0000

Yfirlit þriðju vorsýningaviku á Rangárbökkum fer fram föstudaginn 5. júní og hefst stundvíslega kl. 08:00.

Yfirlitssýning á Rangárbökkum 20. maí

Tue, 19 May 2026 18:41:00 +0000

Yfirlit fyrstu vorsýningar á Rangárbökkum fer fram miðvikudaginn 20. maí og hefst stundvíslega kl. 08:30. Áætluð lok um kl. 11:10. Hollaröð má nálgast í tengli hér að neðan.

Skráningarfrestur framlengdur til miðnættis föstudag 22. maí

Mon, 18 May 2026 11:02:00 +0000

Skráningarfrestur á sýningarnar á Hólum í Hjaltadal 1. til 5. júní, Mið-Fossum 8. til 11. júní, Akureyri 8. til 12. júní og Víðidal 15. til 19. júní hefur verið framlengdur til miðnættis föstudaginn 22. maí. Skráning og greiðsla fer fram í gegnum heimasíðu RML en á forsíðunni er flýtihnappur sem skráð er í gegnum. Nánari upplýsingar er hægt að fá í síma 516-5000 eða senda tölvupóst á netfangið rml@rml.is.

Röðun hrossa á Rangárbökkum dagana 18. og 19. maí

Wed, 13 May 2026 13:34:00 +0000

Á fyrstu sýninguna á Rangárbökkum, dagana 18. til 20. maí eru 52 hross skráð. Dæmt verður frá kl. 8:00 til 19:30 á mánudeginum og frá kl. 8:00 til kl. 16:30 á þriðjudeginum. Til að tímasetningar standist sem best biðjum við sýnendur og eigendur um að mæta tímanlega. Mælingar hefjast kl. 7:50 og þá þurfa hross að vera mætt og tilbúin í mælingu, þannig að dómstörf geti hafist kl. 8:00.

Mikil eftirspurn á kynbótasýningar - 150 plássum bætt við

Thu, 07 May 2026 15:53:00 +0000

Afar mikil og verðmæt eftirspurn er eftir plássum á kynbótasýningar vorsins og var um metskráningu að ræða þegar opnað var á skráningar þriðjudaginn síðasta. Búist var við aukningu þetta vorið og um 300 plássum bætt við miðað við síðasta landsmótsvor en þátttakan fór fram úr okkar björtustu vonum. Staðan er núna sú að ekkert laust pláss er á kynbótasýningar sunnanlands frá 26. maí til 24. júní.

Enn þarf að fresta skráningum á kynbótasýningar - opnað verður þriðjudaginn 5. maí kl. 9:00

Tue, 28 Apr 2026 14:39:00 +0000

Vegna bilana er nauðsynlegt að fresta enn skráningum á kynbótasýningar. Opnað verður á skráningar þriðjudaginn 5. maí klukkan 09:00. Beðist er velvirðingar á þeim óþægindum sem þetta kann að valda en verið er að vinna að lausn málsins. Leiðbeiningar um skráningarkerfið er hægt að nálgast í gegnum tengil hér neðst á síðunni. Þar er farið yfir helstu skráningarmyndirnar sem birtast í skráningarkerfinu. Það sem nauðsynlegt er að hafa við hendina er fæðingarnúmer hrossins, kennitala knapa og greiðslukort.

dkBúbót liggur niðri eins og er - Unnið er að viðgerð

Mon, 27 Apr 2026 10:12:00 +0000

Viðskiptavinir athugið að dkBúbót liggur niðri í augnablikinu en unnið er að viðgerð.

Aðdragandi sýninga - DNA

Mon, 20 Apr 2026 13:17:00 +0000

Nú styttist óðum í fyrstu kynbótasýningar vorsins. Tímabært er að yfirfara og huga að þeim reglum sem gilda um aðgengi hrossa að dómi. Í vegvísi við kynbótadóma 2026 segir: Hross sem koma til kynbótadóms skulu vera vel undirbúin, hraust og ósár, vel fóðruð og hirt og að minnsta kosti 3 vetra miðað við almanaksárið. Hross sem sýnd eru í reið skulu hafa ná 4 vetra aldri miðað við almanaksárið. Öll hross sem koma til kynbótadóms skulu vera grunnskráð í WorldFeng og einstaklingsmerkt með örmerki. Úr öllum hryssum og geldingum sem mæta til kynbótadóms þarf að vera búið að taka DNA-sýni og staðfesting á því liggi fyrir í WF.

Kynbótasýningar vorsins

Fri, 17 Apr 2026 14:30:00 +0000

Opnað verður fyrir skráningar á kynbótasýningar þriðjudaginn 28. apríl, kl. 9:00. Skráning og greiðsla fer fram í gegnum heimasíðu RML en á forsíðunni er flýtihnappur sem skráð er í gegnum. Á forsíðu WorldFengs er einnig hægt að skrá hross til sýningar. Í meðfylgjandi töflu má sjá hvaða sýningarstaðir eru í boði og lokaskráningardag á hverja sýningu en skráningu þarf að vera lokið á miðnætti þess dags. Ef sýning fyllist lokast sjálfkrafa á sýninguna þó svo skráningarfrestur sé ekki útrunninn.

Alþjóðlegum námskeiðum FEIF lokið

Thu, 16 Apr 2026 14:03:00 +0000

Samræmingarnámskeið fyrir alþjóðlega kynbótadómara og sýningarstjóra voru haldin síðustu helgina í mars. Námskeiðin fóru fram í Kríunesi við Elliðavatn en einnig var farið í hesthús til að skoða og mæla hross. Helgin byrjaði á fimmtudeginum með námskeiði fyrir sýningarstjóra og mælingarfólk þar sem farið var yfir framkvæmd kynbótasýninga, mælingar á hrossum og fleiri atriði. Þá var sameiginleg stund sýningarstjóra og dómara á föstudagseftirmiðdegi þar sem Kristinn Óskarsson dómari fór yfir andlegu hlið starfsins; ákvarðanatöku undir álagi og hvernig starfsfólk sýninganna eigi að nálgast starfið á faglegan hátt.

Sköpulagsdómar hrossa – aukinn sveigjanleiki eftir fimm vetra aldur

Mon, 09 Mar 2026 14:35:00 +0000

Þegar þróun sköpulagsdóma er skoðuð kemur í ljós að hross hækka almennt í einkunn með auknum aldri. Sum hross lækka í einkunn af einhverjum ástæðum en langflest hross hækka í einkunn. Þetta er eðlilegt þar sem hrossin styrkjast og þroskast með árunum, auk þess sem rétt þjálfun hefur jákvæð áhrif á útlit þeirra. Mesta breytingin verður yfirleitt á milli fjögurra og fimm vetra aldurs, en eftir það breytist sköpulagsdómur yfirleitt ekki verulega. Þó eru að sjálfsögðu einstaka hross sem breytast meira en önnur.

Örmerkingar - munið skil fyrir 1. mars

Fri, 27 Feb 2026 11:46:00 +0000

Rétt er að minna á að fyrir 10 mánaða aldur eiga öll folöld að vera grunnskráð og einstaklingsmerkt. Þeir sem enn eiga ómerkt folöld ættu að huga að því að láta merkja þau við fyrsta tækifæri. Þess má geta að þegar þetta er ritað er búið að grunnskrá 3.965 folöld (lifandi). Alls hafa 3.200 af þeim þegar verið örmerkt. Skráð trippi fædd árið 2024 eru 5.348 (lifandi ), þannig trúlega eru ríflega 1.000 folöld enn þá óskráð.

Kynbótasýningar 2026 og val kynbótahrossa á Landsmót

Fri, 27 Feb 2026 11:31:00 +0000

Nú er búið að stilla upp áætlun fyrir kynbótasýningar árið 2026 og hefur hún verið birt hér á vefnum. Ákveðið var að byrja viku fyrr sunnanlands en verið hefur og einnig að bjóða upp á heldur fleiri sýningar norðan heiða. Þá verður kynbótasýning á Mið-Fossum á Vesturlandi en í fyrra var haldin sýning þar í fyrsta skipti síðan 2016 og tókst vel. Afar spennandi sýningarár er í vændum og miðað við framfarir síðustu ára er mikils að vænta af kynbótahrossum þessa lands.