Annað | Ráðgjafarmiðstöð landbúnaðarins

RML auglýsir eftir starfsmanni

Thu, 30 Apr 2026 15:02:00 +0000

Ráðgjafarmiðstöð landbúnaðarins auglýsir eftir aðila sem gæti sinnt fjölbreyttum þróunar- og hugbúnaðarverkefnum í landbúnaði. Helstu verkefni og ábyrgð: Þátttaka í þróunarteymum RML sem sinna hugbúnaðargerð og upplýsingatækni, útbúa þarfagreiningar fyrir forritara með áherslu á skýrsluhaldskerfi, verkefnastýring, prófanir og önnur verkefni s.s. líkanagerð í Excel og annað með aðstoð gervigreindar.

RML auglýsir eftir starfsfólki

Mon, 02 Mar 2026 10:06:00 +0000

Ráðgjafarmiðstöð landbúnaðarins auglýsir eftir starfsfólki í tímabundið verkefni við móttöku pantana, dreifingu sýnatökubúnaðar og skráningu á riðuarfgerðarsýnum úr sauðfé.

Forritari

Tue, 16 Dec 2025 15:40:00 +0000

Ráðgjafarmiðstöð landbúnaðarins auglýsir eftir forritara sem gæti sinnt fjölbreyttum þróunar- og hugbúnaðarverkefnum í landbúnaði. Helstu verkefni og ábyrgð: Þátttaka í þróunarteymum RML sem sinna hugbúnaðargerð og upplýsingatækni, forritun og hugbúnaðargerð, prófanir, vinna við Oracle gagnagrunna og önnur verkefni s.s. líkanagerð í Excel og annað með aðstoð gervigreindar. Menntunar- og hæfniskröfur: Háskólamenntun kostur, þekking eða framhaldsmenntun á sviði tölvunarfræði eða verkfræði, sjálfstæð og skipulögð vinnubrögð, góðir samskiptahæfileikar og góð þjónustulund, 3+ ára starfsreynsla æskileg. Þekking og reynsla í eftirfarandi er æskileg: Python (Django, Flask), Oracle (PL/SQL), Javascript, jQuery, React o.fl. Fram- og bakendaforritun.

Ársfundur RML

Thu, 23 Oct 2025 14:14:00 +0000

Ársfundur RML verður haldinn á Hótel Vesturland í Borgarnesi fimmtudaginn 30. október. Fundurinn hefst kl. 13:30 en boðið verður upp á súpu klukkan 13:00. Dagskrá: - Skýrsla stjórnar - Kynning á starfssemi RML - K...

Kynningarfundir um niðurstöður rannsókna á áhrifum beitarfriðunar á kolefnisbúskap úthaga

Mon, 18 Aug 2025 15:25:00 +0000

Kynningarfundir um niðurstöður rannsókna á áhrifum beitarfriðunar á kolefnisbúskap úthaga. Undanfarin ár hafa rannsóknir staðið yfir á áhrifum beitarfriðunar á kolefnisupptöku og magn kolefnis í jarðvegi. Rannsóknaverkefnið ExGraze, sem hlaut styrk úr Rannsóknarsjóði 2021 (Rannís 217920-051) og RML tók þátt í upphafi, er nú á lokametrunum og verða niðurstöður þess kynntar á eftirtöldum stöðum:

Endurnýjað samkomulag um samstarf RML og LbhÍ

Mon, 18 Aug 2025 12:27:00 +0000

Landbúnaðarháskóli Íslands og RML hafa á undanförnum árum átt í góðu samstarfi um málefni búgreina og sérstakra faglegra þátta sem snerta landbúnað, landnýtingu, umhverfis- og loftslagsmál. Verkefnin eru á sviði ráðgjafar, kennslu, rannsókna og nýsköpunar. Starfsfólk RML kemur m.a. að kennslu hjá LbhÍ og faghópar LbhÍ og RML hittast á árlegum fundi til að leggja grunn að samstarfsverkefnum næsta árs. Slíkur ráðunautafundur var haldinn á fimmtudag og föstudag i síðustu viku með fjölda áhugaverðra erinda um verkefni sem eru í gangi. Á næsta starfsári er sérstaklega stefnt að aukinni samvinnu í kynbótum búfjár, bútækni, umhverfis- og loftslagsmálum.

Sumarfrí í júlí 2025 - viðvera á starfsstöðvum og símsvörun

Wed, 23 Jul 2025 09:15:00 +0000

Í júlí er víða lítil viðvera á starfsstöðvum RML vegna sumarleyfa starfsfólks. Því getur verið að erindi fái ekki afgreiðslu fyrr en að þeim loknum í byrjun ágúst. Aðalnúmer RML 516-5000 er opið sem hér segir: Mánudaga – fimmtudaga; kl 9-12 og 13-16. Föstudaga; kl 9-12. Eftir hádegi á föstudögum er lokað.

Hver er þín skoðun á vef RML?

Mon, 23 Jun 2025 19:10:00 +0000

Þessa dagana stendur yfir endurhönnun á vef RML. Markmiðið er að vefurinn verði eins notendavænn, skýr og þjónustumiðaður og kostur er á. Í þeirri vinnu er afar mikilvægt að fá upplýsingar um sjónarmið þeirra sem nota vefinn hvort svo sem notkun er mikil eða lítil. Til að afla þeirra upplýsinga hefur verið sett upp könnun sem vonandi sem allra flestir sjá sér fært að svara. Hægt verður að svara könnuninni til kl. 18:00 mánudaginn 30. júní. Það tekur um það bil 8-10 mínútur að svara könnunni ekki verður hægt að rekja svör til þátttakenda. Þín skoðun skiptir miklu máli!

Breytingar á verðskrá RML

Tue, 22 Apr 2025 13:24:00 +0000

Í dag þann 22. apríl tekur gildi ný verðskrá fyrir þjónustu RML. Á stjórnarfundi RML þann 11. apríl síðastliðinn, voru samþykktar breytingar á verðskrá RML. Verðskráin er tvíþætt í þeim skilningi að ákveðnum hluta verðskrár getur stjórn breytt en annar hluti er háður samþykki atvinnuvegaráðuneytisins.

Opið hús á starfsstöð RML á Hvammstanga - fimmtudaginn 3. apríl kl. 15-16

Mon, 31 Mar 2025 13:08:00 +0000

Fimmtudaginn 3. apríl verður opið hús á starfsstöðinni okkar að Höfðabraut 6, Hvammstanga, milli kl. 15:00-16:00, í tilefni framkvæmda og breytinga á aðstöðu fyrir starfsfólk. Stjórnendur RML verða á staðnum og við bjóðum bændum, viðskiptavinum okkar og samstarfsaðilum að koma við í kaffi og spjall um verkefni RML. Kaffiveitingar í boði. Hlökkum til að sjá ykkur, öll velkomin !

Póstlisti fyrir fréttir RML

Wed, 05 Mar 2025 10:01:00 +0000

Nú er hægt að skrá sig á póstlista hjá RML og fá sendan sjálfvirkan tölvupóst þegar ný frétt er birt á rml.is. Með skráningu á póstlistann er hægt að velja um að fá senda tilkynningu alltaf þegar ný frétt er birt, eða eingöngu þegar valdar fréttir eru birtar og þá tengdar því efni sem notandinn vill fylgjast með. Svo er auðvitað jafn auðvelt að skrá sig af póstlistanum eins og það er að skrá sig á hann. Í persónuverndarstefnu RML má sjá upplýsingar um það verklag sem fyrirtækið fylgir varðandi þær upplýsingar sem safnað er í gegnum starfsemina.

Dagatal RML 2025

Wed, 08 Jan 2025 12:32:00 +0000

Dagatal RML fyrir árið 2025 er komið út og er þessa dagana að berast viðskiptavinum. Þar er að finna upplýsingar um RML og einnig er þar minnt á ýmislegt sem snýr að búrekstri. Dagatalið hefur verið gefið út frá stofnun RML og er þetta því ellefta árið sem viðskiptavinir fá það sent sem þakklætisvott fyrir samskipti og viðskipti á liðnu ári. Dagatalið er unnið af starfsfólki RML og eru myndirnar sem það prýða jafnframt teknar af starfsfólki. Prentsmiðjan Pixel sér um prentun.

Vilt þú vera með í Bændahópi?

Tue, 07 Jan 2025 15:39:00 +0000

RML bauð upp á nýtt form ráðgjafar í byrjun árs 2023 sem byggir á jafningjafræðslu þar sem ráðunautar stýra umræðu og halda utan um efnisrammann. Fyrirmyndin er sótt til Finnlands en þar hafa bændur náð góðum árangri og sumir hópar haldið saman í fjölda mörg ár. Mjög góður árangur hefur náðst til dæmis varðandi aukna og betri uppskeru og bætta nýtingu aðfanga. Erlendis er þetta form ráðgjafar nefnt Discussion groups og aðferðin er aðeins breytilegt milli landa sem skýrist að einhverju leiti af menningarmun og mismiklu utanumhaldi.

Opnunartími um jól og áramót og viðvera á skrifstofum

Fri, 20 Dec 2024 16:00:00 +0000

Stjórn og starfsfólk Ráðgjafamiðstöðvar landbúnaðarins sendir bændum og landsmönnum öllum hugheilar óskir um gleðileg jól og farsælt komandi ár með kærum þökkum fyrir góð samskipti og samstarf á árinu sem er að líða. Skrifstofur RML og skiptiborð verða lokuð aðfangadag 24. desember og gamlársdag 31. desember. Ekki verður viðvera á öllum starfsstöðvum okkar á Þorláksmessu eða milli jóla og nýárs en síminn verður opinn föstudaginn 27. desember kl. 9-12 og mánudaginn 30. desember kl. 9-12 og 13-16. Á nýju ári opnum við aftur fimmtudaginn 2. janúar. Gleðileg jól

Nýr starfsmaður hjá RML

Tue, 03 Dec 2024 09:00:00 +0000

Hafrún Huld Hlinadóttir er komin til starfa hjá RML. Hún mun starfa sem ráðunautur á rekstrar- og umhverfissviði. Aðalstarfsstöð hennar er á Akureyri

Nýr starfsmaður hjá RML

Thu, 28 Nov 2024 14:00:00 +0000

Oddný Steina Valsdóttir er komin til starfa hjá RML. Hún mun starfa sem ráðunautur á rekstrar- og umhverfissviði. Aðalstarfsstöð hennar verður fyrst um sinn á Selfossi.

Bæst hefur í hóp örmerkingamanna

Tue, 26 Nov 2024 09:14:00 +0000

RML hefur nú í nóvember staðið fyrir þremur námskeiðum í örmerkingum, tveimur á Suðurlandi og einu á Vesturlandi. Á Suðurlandi fór bóklegi hluti námskeiðanna fram á Hvolsvelli en á Vesturlandi á Hvanneyri.

Vel heppnaður ársfundur RML

Thu, 07 Nov 2024 12:22:00 +0000

Föstudaginn fyrsta nóvember var ársfundur RML haldinn í fyrsta skipti. Hugmyndin með fundinum var að gefa bændum kost á að eiga bein skoðanaskipti við stjórn og starfsmenn um RML ásamt því að gefa ennþá betri upplýsingar um starfsemi fyrirtækisins. Fundurinn var vel sóttur og honum var einnig streymt. Á fundinum fór stjórnarformaður RML, Sveinn Rúnar Ragnarsson, yfir skýrslu stjórnar. Karvel L. Karvelsson, framkvæmdastjóri, fór yfir starfsemi félagsins og stefnumótun.

Ársfundur RML

Mon, 28 Oct 2024 12:26:00 +0000

Ársfundur RML verður haldinn á Hótel Kea á Akureyri, föstudaginn 1. nóvember. Fundurinn hefst kl. 13:30 en boðið verður upp á súpu kl. 13:00. Á dagskrá er: Skýrsla stjórnar, kynning á starfsemi RML og almennar umræður um málefni félagsins. Áætluð fundarlok um kl. 15:30. Fundinum verður streymt en þeir sem hafa tækifæri til eru hvattir til að mæta á staðinn.

Afurðatjón vegna illviðra í júní

Thu, 15 Aug 2024 10:42:00 +0000

Inni á Bændatorginu er nú búið að opna á skráningarform fyrir afurðatjón sem bændur urðu fyrir í hretinu í byrjun júní sl. Ljóst er að ástæður afurðatjóna geta verið af ýmsum toga, bæði á búfé og ræktunarlöndum. Skráningarkerfið gerir ráð fyrir að tjón séu flokkuð með ákveðnum hætti en einnig er hægt að skrá önnur tjón sem falla þar fyrir utan. Þýðingarmikið er að skráningar gefi eins glögga mynd af umfangi tjónsins og mögulegt er.