Fréttir

Þann 1. október rennur út frestur til að sækja um landgreiðslur og jarðræktarstyrki. Þeir bændur sem þurfa aðstoð við skráningar á ræktun, áburðargjöf og uppskeru eða þurfa að láta teikna upp eða breyta túnkortum verða að hafa samband við RML sem allra fyrst til að tryggja sér þjónustu fyrir umsóknarfrest. Líkt og undanfarin ár þurfa bændur að skila jarðræktarskýrslu í Jörð.is áður en þeir geta sótt um landgreiðslur og jarðræktarstyrki í Afurð.is.

NorFor er norrænt samstarf um fóðurmat og fóðuráætlanagerð fyrir mjólkurkýr. Samstarfið er í eigu leiðandi landbúnaðarsamtaka í Danmörku, Noregi, Svíþjóð og á Íslandi. Starfsemin byggist á samstarfsneti atvinnulífs og háskóla, þar sem lögð er rík áhersla á vísindalega þróun og hagnýtingu í starfi. Nú er leitað að framkvæmdastjóra NorFor til að leiða samstarfið og vinna að áframhaldandi þróun þess. Starfið felur í sér heildarábyrgð á samhæfingu, þróun og samskiptum við hagaðila, ásamt nánu samstarfi innan norræns tengslanets eigenda, samstarfsaðila og rannsóknarumhverfa.

Nú er farið að líða að sumarlokum og RML er búið að opna fyrir pantanir á hey-og jarðvegsýnatöku haustsins. Efnainnihald heyja ræðst að mestu af áburðarefnum, veðurfari og sláttutíma og getur því verið breytilegt milli ára og svæða. Veðurfar sumarsins hefur verið nokkuð breytilegt milli landshluta, þar sem víða hefur verið nokkuð kalt og vætusamt á sunnan- og vestanverðu landinu en hlýrra og þurrara norðan- og austanlands. Því má búast við að gæði og efnainnihald heyja séu breytileg milli landshluta, sérstaklega þegar horft er til seinni sláttar. Til að vera vel upplýstur um stöðu fóðurs og jarðvegsins sem bændur eru með í höndunum og hvernig best er að nýta niðurstöðurnar til að hámarka uppskeru og nýtingu hennar er mikilvægt að taka reglulega sýni.

Líkt og undanfarin ár var Ráðunautafundur haldinn á Hvanneyri. Fundurinn er samstarfsvettvangur RML (Ráðgjafarmiðstöðvar landbúnaðarins) og LbhÍ (Landbúnaðarháskóla Íslands).

Dagana 24.-26. júní hélt RML þriðja ársfund AGROSUS verkefnisins í Norræna Húsinu í Reykjavík. AGROSUS er evrópskt samstarfsverkefni um vistvænar varnir gegn illgresi en verkefnið nær til tíu landa. Til fundarins mættu samstarfsaðilar víðsvegar að úr Evrópu og fóru yfir þann árangur sem náðst hefur í verkefninu á síðustu þremur árum, ásamt þeim verkefnum sem framundan eru á lokaári þess.

Niðurstöður skýrslna nautgriparæktarinnar fyrir síðastliðna 12 mánuði, nú þegar júlímánuður er liðinn og byrjað að dimma á kvöldin, hafa verið birtar á vef okkar. Niðurstöðurnar byggja á þeim skýrslum sem hafði verið skilað síðdegis þann 17. ágúst. Hér á eftir er farið yfir nokkur atriði úr niðurstöðunum en meiri upplýsingar má finna í töflunum sem finna má tengil í neðst í fréttinni. Þegar niðurstöðurnar voru reiknaðar hafði verið skilað mjólkurskýrslum frá 431 búi en uppgjör kjötframleiðslunnar nær til 114 búa þar sem framleitt var nautakjöt en ekki stunduð framleiðsla mjólkur til sölu. Reiknuð meðalnyt 24.956,2 árskúa á búunum 431 var 6.723 kg. eða 6.995 kg. OLM

Gróður er enn í fullum sumarskrúða og sumarblíða þessa dagana. Það styttist samt í göngur, réttir og önnur hauststörf. Sláturhúsin eru eflaust farin að kalla eftir sláturfjárloforðum og tímasetning á fjárragi farin að skýrast hjá mörgum bændum. Við viljum minna bændur á að panta lambadóma fyrr en seinna svo skipuleggja megi þessa vinnutörn með sem hagkvæmustum hætti fyrir alla. Eins og áður hefur komið fram njóta pantanir sem berast fyrir 20. ágúst forgangs hvað varðar óskatímasetningu hjá hverjum og einum. Talsvert er komið inn af pöntunum og því um að gera að draga það ekki lengi að panta tíma fyrir sínn lambahóp.

RML hefur gefið út nýja lokaskýrslu um ómmælingar holdagripa, þar sem fjallað er um áframhaldandi gagnasöfnun til stuðnings framtíðarkynbótastarfi í íslenskri holdagriparækt. Verkefnið byggir á mælingum á bakvöðva og bakfitu lifandi gripa, auk upplýsinga um brjóstmál, þyngd, vöxt og sláturgögn.

Á síðasta ári birtust niðurstöður verkefnisins „Ræktun fyrir hagkvæmri lambakjötsframleiðslu“ sem unnið var af Landbúnaðarháskóla Íslands í samstarfi við Ráðgjafarmiðstöð landbúnaðarins. Í sumar hefur verið unnið að því innleiða breytingar á kynbótamati í sauðfjárrækt í samræmi við ályktanir verkefnisins. Þar má fyrst nefna að vægi eiginleika í heildareinkunn kynbótamats hefur verið breytt (eldri vægi í sviga). Samkvæmt niðurstöðum verkefnisins skilar ný samsetning heildareinkunnar mestum hagrænum ávinningi í kynbótastarfinu:

Ráðgjafarmiðstöð landbúnaðarins leitar að fólki sem hefur áhuga á að vinna við sauðfjárdóma haustið 2026. Almennt er gerð sú krafa að sauðfjárdómarar hafi lokið námi í búvísindum og lokið námskeiði í sauðfjárdómum. Til greina kemur að gera undantekningu frá þessum kröfum ef viðkomandi hefur starfsreynslu sem sauðfjárdómari. Tímabilið sem um ræðir er september og október. Landsvæði sem sérstakleg er horft til er Suðurland, Austurland og N-Austurland. Umsóknarfrestur er til 20. ágúst 2026.