Fréttir

Fyrstu söluaðilar eru búnir að gefa út sáðvöruframboð sitt fyrir vorið og því er kominn tími til að byrja að huga að sáðvörukaupum. Ráðunautar RML taka saman framboð fræsala af sáðvöru líkt og undanfarin ár. Ýmis ný og gömul yrki eru í boði en við áréttum mikilvægi þess að kynna sér vel hugsanlegan mun á yrkjum einstakra tegunda enda getur verið mikill munur á frammistöðu þeirra þó þau tilheyri sömu tegundinni. 

Niðurstöður skýrslna nautgriparæktarinnar fyrir síðastliðna 12 mánuði, nánar til tekið við lok febrúar, hafa verið birtar á vef okkar. Niðurstöðurnar byggja á þeim skýrslum sem hafði verið skilað að morgni þess 11. mars. Hér á eftir er farið yfir nokkur atriði úr niðurstöðunum en meiri upplýsingar má finna í töflunum sem finna má tengil í neðst í fréttinni. Þegar niðurstöðurnar voru reiknaðar hafði verið skilað mjólkurskýrslum frá 428 búum en uppgjör kjötframleiðslunnar nær að þessu sinni til 112 búa þar sem framleitt var nautakjöt en ekki stunduð framleiðsla mjólkur til sölu. Reiknuð meðalnyt 24.360,4 árskúa á búunum 428 var 6.674 kg. eða 6.945 kg. OLM (af orkuleiðréttri mjólk)

Afrekskýrin Vænting 1271 í Gunnbjarnarholti í Eystrihreppi rauf 100 þús. kg múrinn nú í lok febrúar og er þar með ellefta íslenska kýrin til að gera slíkt. Vænting er fædd 17. apríl 2013 í Skáldabúðum en flutti aðsetur sitt við flutning búsins að Gunnbjarnarholti á sínum tíma. Hún hafði nú um mánaðamótin febrúar/mars mjólkað 100.158 kg mjólkur. Við mælingu 28. febrúar s.l. var Vænting í 18,6 kg dagsnyt þannig að hún hefur að öllum líkindum mjólkað sínu 100 þúsundasta kg mjólkur þann 20. febrúar eða þar um bil.

Þann 9. mars 2026 tekur gildi ný verðskrá fyrir þjónustu RML. Ný verðskrá hefur verið samþykkt af stjórn RML. Verðskráin er tvíþætt í þeim skilningi að ákveðnum hluta verðskrár getur stjórn og stjórnendur breytt en annar hluti er háður samþykki atvinnuvegaráðuneytisins. Sá hluti er þarfnast samþykkir ráðuneytisins var samþykktur þann 27. febrúar.

Þegar þróun sköpulagsdóma er skoðuð kemur í ljós að hross hækka almennt í einkunn með auknum aldri. Sum hross lækka í einkunn af einhverjum ástæðum en langflest hross hækka í einkunn. Þetta er eðlilegt þar sem hrossin styrkjast og þroskast með árunum, auk þess sem rétt þjálfun hefur jákvæð áhrif á útlit þeirra. Mesta breytingin verður yfirleitt á milli fjögurra og fimm vetra aldurs, en eftir það breytist sköpulagsdómur yfirleitt ekki verulega. Þó eru að sjálfsögðu einstaka hross sem breytast meira en önnur.

Brynjar Már Björnsson er kominn til starfa hjá RML. Hann mun starfa við hugbúnaðarþróun á Fjármála- og tæknisviði. Aðalstarfsstöð hans er á skrifstofu RML á Höfðabakka 9 í Reykjavík. Brynjar er með BSc í tölvunarfræði frá HÍ. Helstu verkefni hans verða hugbúnaðarþróun í nýja WorldFeng og öðrum tilfallandi verkefnum tengd forritun og gagnagrunnum.

Fyrirkomulag og framkvæmd arfgerðagreininga verða með mjög svipuðu sniði í ár og á síðasta ári. Líkt og áður hefur verið kynnt er það Matís sem nú sér um greiningarnar fyrir RML, en gagnvart bændum er fyrirkomulagið það sama og áður, þ.e.a.s. að sýnum er skilað inn á starfstöðvar RML í Reykjavík og á Hvanneyri. Þar sem öll sýni eru skönnuð inn við móttöku hjá RML er ekki í boði að senda sýnin beint til Matís.

Þau sýni sem afgreidd voru frá RML fyrir áramót og fyrri hluta janúar eru með Íslenska erfðagreiningu skráða sem greiningaraðila. Nú hefur verið skipt um greiningaraðila og öll sýni sem forskráð eru þessa dagana eru send til greiningar hjá Matís. Þetta hefur aðeins vafist fyrir notendum þegar þau forskrá sýni í Fjárvís, þar sem greiningaraðilinn er skráður Íslensk erfðagreining og því er ekki hægt að breyta, en öll sýnin eru send til greiningar í Matís. Notendur þurfa þó ekki að hafa neinar áhyggjur af þessu, þar sem greiningaraðilinn breytist sjálfkrafa þegar sýnin eru send frá starfsstöð til Matís.

Ráðgjafarmiðstöð landbúnaðarins auglýsir eftir starfsfólki í tímabundið verkefni við móttöku pantana, dreifingu sýnatökubúnaðar og skráningu á riðuarfgerðarsýnum úr sauðfé.

Rétt er að minna á að fyrir 10 mánaða aldur eiga öll folöld að vera grunnskráð og einstaklingsmerkt. Þeir sem enn eiga ómerkt folöld ættu að huga að því að láta merkja þau við fyrsta tækifæri. Þess má geta að þegar þetta er ritað er búið að grunnskrá 3.965 folöld (lifandi). Alls hafa 3.200 af þeim þegar verið örmerkt. Skráð trippi fædd árið 2024 eru 5.348 (lifandi ), þannig trúlega eru ríflega 1.000 folöld enn þá óskráð.