Fagráð í hrossarækt hefur valið þau hrossaræktarbú sem tilnefnd eru til árlegrar heiðursviðurkenningar Bændasamtaka Íslands, ræktunarbú ársins. Valið stóð á milli 56 búa sem náð höfðu athyglisverðum árangri á árinu. Tilnefnd eru 12 efstu bú ársins að loknum útreikningi. Reglur fagráðs um ræktunarbú ársins má finna inn á heimasíðu Bændasamtaka Íslands, bondi.is. Tilnefnd bú munu hljóta viðurkenningu á ráðstefnunni Hrossarækt 2025 sem haldin verður í reiðhöll Spretts laugardaginn 8. nóvember næstkomandi og byrjar kl. 13:00. Ræktunarbú ársins verður svo verðlaunað á Uppskeruhátíð hestamanna sem verður haldin um kvöldið.
Í stafrófsröð eru tilnefnd bú:
- Berg, Anna Dóra Markúsardóttir og Jón Bjarni Þorvarðarson
- Efsta-Sel, Daníel Jónsson, Bertha María Waagfjörð og Hilmar Sæmundsson
- Fákshólar, Helga Una Björnsdóttir og Jakob Svavar Sigurðsson
- Finnastaðir, Björgvin Daði Sverrisson og Helena Ketilsdóttir
- Hrafnagil, Jón Elvar Hjörleifsson og Berglind Kristinsdóttir
- Lækjamót, Sonja Líndal Þórisdóttir, Friðrik Már Sigurðsson, Ísólfur Líndal Þórisson, Vigdís Gunnarsdóttir, Guðmar Hólm Ísólfsson Líndal, Þórir Ísólfsson og Elín Rannveig Líndal
- Ketilsstaðir/Syðri-Gegnishólar, Bergur Jónsson og Olil Amble
- Ragnheiðarstaðir, Helgi Jón Harðarson og fjölskylda
- Skipaskagi, Jón Árnason, Sigurveig Stefánsdóttir og fjölskylda
- Sumarliðabær 2, Birgir Már Ragnarsson og Silja Hrund Júlíusdóttir
- Vöðlar, Ástríður Lilja Guðjónsdóttir, Margeir Þorgeirsson og fjölskylda
- Ytri-Skógar, Ingimundur Vilhjálmsson og Margrét Helga Jónsdóttir
Fagráð í hrossarækt óskar tilnefndum búum innilega til hamingju með frábæran árangur.
/okg
