Fréttir

Ráðgjafarmiðstöð landbúnaðarins leitar að fólki sem hefur áhuga á að vinna við sauðfjárdóma haustið 2026. Almennt er gerð sú krafa að sauðfjárdómarar hafi lokið námi í búvísindum og lokið námskeiði í sauðfjárdómum. Til greina kemur að gera undantekningu frá þessum kröfum ef viðkomandi hefur starfsreynslu sem sauðfjárdómari. Tímabilið sem um ræðir er september og október. Landsvæði sem sérstakleg er horft til er Suðurland, Austurland og N-Austurland. Umsóknarfrestur er til 20. ágúst 2026.

Atvinnuvegaráðuneytið auglýsir eftir umsóknum um jarðræktarstyrki í garðyrkju vegna útiræktunar á grænmeti, kartöflum og garðávöxtum til manneldis. Umsóknum skal skilað eigi síðar en 15. ágúst næstkomandi í Afurð.is.

Röð hrossa á kynbótasýninguna á Rangárbökkum dagana 10. til 13. ágúst hefur verið birt. Alls eru 86 hross skráð. Dómar hefjast mánudaginn 10. ágúst kl. 8:00 en byrjað verður að mæla fyrstu hross kl. 7:50. Sýnendur eru beðnir um að mæta tímalega. Yfirlitssýning verður fimmtudaginn 13. ágúst. Röð hrossa á sýningum vikuna 17. til 21. ágúst verður birt í næstu viku en þar eru 120 hross skráð á Rangárbökkum og 62 á Hólum í Hjaltadal.

Þeir sem tóku sýni vegna riðuarfgerðagreininga í vor og eiga enn eftir að senda þau inn eru beðnir um að gera það sem allra fyrst. • Bændur á Vestur- og Norðurlandi senda sýni á RML, Hvanneyrargötu 3, 311 Borgarnesi • Bændur á Austur- og Suðurlandi senda sýni á RML, Höfðabakka 9, 4 hæð, 110 Reykjavík Varðandi niðurstöður arfgerðagreininga er vert að ítreka

Búið er að taka saman fyrstu tölur um rekstur kúabúa fyrir árið 2025 og byggja þær á uppgjöri 85 kúabúa sem eru þátttakendur í samnefndu verkefni. Í meðfylgjandi töflu eru birt meðaltöl þessara 85 búa í samanburði við öll þátttökubú undanfarin ár.

Yfirlitssýning á Rangárbökkum verður fimmtudaginn 23. júlí og hefst kl. 08.00

Opnað verður á skráningar á síðsumarssýningar mánudaginn 20. júlí. Að þessu sinni verður boðið upp á þrjár sýningar, eina á Hólum og tvær á Rangárbökkum. Skráning og greiðsla fer fram í gegnum heimasíðu RML. Á forsíðu WorldFengs er einnig hægt að skrá hross til sýningar. Í meðfylgjandi töflu má sjá hvaða sýningarstaðir eru í boði og lokaskráningardag á hverja sýningu en skráningu þarf að vera lokið á miðnætti þess dags.

Niðurstöður skýrslna nautgriparæktarinnar fyrir síðastliðna 12 mánuði, nú þegar júnímánuður hefur runnið sitt skeið á enda, hafa verið birtar á vef okkar. Niðurstöðurnar byggja á þeim skýrslum sem hafði verið skilað upp úr nóni þann 14. júlí. Hér á eftir er farið yfir nokkur atriði úr niðurstöðunum en meiri upplýsingar má finna í töflunum sem finna má tengil í neðst í fréttinni. Þegar niðurstöðurnar voru reiknaðar hafði verið skilað mjólkurskýrslum frá 421 búi en uppgjör kjötframleiðslunnar nær til 114 búa þar sem framleitt var nautakjöt en ekki stunduð framleiðsla mjólkur til sölu. Reiknuð meðalnyt 24.176,8 árskúa á búunum 421 var 6.743 kg. eða 7.020 kg. OLM

Prentun haustbóka mun hefjast strax eftir verslunarmannahelgi. Eins og undanfarin ár munu haustbækur sem prentaðar eru á hefðbundnum tíma verða með uppfærðu kynbótamati. Í fyrstu prentun fara bú sem hafa skilað vorbók 3. ágúst eða fyrr. Næsta prentun verður fyrir bú sem skila 4-16. ágúst og síðasta prentun verður send eftir lokaskiladag vorgagna samkvæmt reglugerð, sem er 20. ágúst. Ekki er hægt að ábyrgjast að stakar haustbækur sem prentaðar eru eftir þann tíma innihaldi uppfært kynbótamat.

Við viljum hvetja sauðfjárbændur sem ekki hafa ennþá sent sent DNA sýni inn vegna riðuarfgerðagreininga til að gera það. • Bændur á Vestur- og Norðurlandi senda sýni á RML, Hvanneyrargötu 3, 311 Borgarnesi • Bændur á Austur- og Suðurlandi senda sýni á RML , Höfðabakka 9, 4 hæð, 110 Reykjavík Varðandi niðurstöður arfgerðagreininga er vert að ítreka