Endurnýjað samkomulag um samstarf RML og LbhÍ

Landbúnaðarháskóli Íslands og RML hafa á undanförnum árum átt í góðu samstarfi um málefni búgreina og sérstakra faglegra þátta sem snerta landbúnað, landnýtingu, umhverfis- og loftslagsmál. Verkefnin eru á sviði ráðgjafar, kennslu, rannsókna og nýsköpunar. Starfsfólk RML kemur m.a. að kennslu hjá LbhÍ og faghópar LbhÍ og RML hittast á árlegum fundi til að leggja grunn að samstarfsverkefnum næsta árs. Slíkur ráðunautafundur var haldinn á fimmtudag og föstudag i síðustu viku með fjölda áhugaverðra erinda um verkefni sem eru í gangi. Á næsta starfsári er sérstaklega stefnt að aukinni samvinnu í kynbótum búfjár, bútækni, umhverfis- og loftslagsmálum.

Karvel L. Karvelsson framkvæmdastjóri Ráðgjafarmiðstöðvar landbúnaðarins og Ragnheiður I. Þórarinsdóttir rektor Landbúnaðarháskóla Íslands undirrituðu í dag samkomulag um samstarf RML og LbhÍ.

/okg