Fræðadagur fyrir bændur á Austurlandi

Laugardaginn 7. nóvember stóð Búnaðarsamband Austurlands í samstarfi við RML fyrir fræðadegi fyrir bændur á sínu starfssvæði. Á fundinum voru milli 40-50 þáttakendur. Fjórir starfsmenn RML komu að fundinum, þau Runólfur Sigursveinsson, María Svanþrúður Jónsdóttir, Guðný Harðardóttir og Guðfinna Harpa Árnadóttir. Efnistök fundarins voru fjölbreytt en starfsmenn RML kynntu áætlanagerð RML, verkefnið Búsetu í sveit, fjármögnun í landbúnaði og kostnað við gróffóðuröflun. Önnur viðfangsefni voru skjólbeltarækt, vinnuvernd í landbúnaði, bændatorgið og kynning á átaksverkefni í matjurtarækt á Austurlandi. Í hádegi var kynning á vinnslustöð MS á Egilsstöðum og afurðum MS. Góðar umræður sköpuðust á fundinum og almenn ánægja með hvernig til tókst.

ghá/okg