Kynbótamat fyrir mjólkurlagni uppfært

Tónn 18-855

Kynbótamat fyrir mjólkurlagi hefur verið uppfært en tekin voru út gögn í gær þegar drjúgur hluti gagna hafði skilað sér þar sem skiladagur skýrsluhaldins var 12. desember sl. Breytingarnar verða aðgengilegar og birtar í Fjárvís seinna í dag.

Af þeim hrútum sem eru í hrútaskrá 2022-2023 eru helstu breytingar frá keyrslunni í lok nóvember þegar 20% gagna hafði skilað sér að Tónn 18-855 hækkar um 8 stig og stendur núna í 104 stigum. Þeir hrútar sem lækka um 3 stig eða meira frá síðustu keyrslu eru: Sammi 16-841, Þokki 17-853, Svartur 17-873, Jötunn 18-863, Fróði 18-880, Kostur 19-849, Kraftur 19-883, Galli 20-875, Hnaus 20-890 og Fannar 20-894.

Kynbótamat fyrir mjólkurlagni verður aftur uppfært á nýju ári, þegar meginþorri uppgjörsgagna fyrir árið 2022 hefur skilað sér frá bændum.
Í meðfylgjandi töflu er uppfært mat á hrútum sem verða á sæðingastöð í vetur ásamt öryggisstuðli og breytingu. Athugið að lambhrútum á sæðingastöð er sleppt.