Kynbótamat fyrir mjólkurlagni uppfært

Kynbótamat fyrir mjólkurlagi hefur verið uppfært en tekin voru út gögn í síðustu viku þegar rúm 20% gagnaskil voru komin fyrir árið 2022. Breytingarnar verða aðgengilegar og birtar í Fjárvís núna í vikunni.

Af þeim hrútum sem eru í hrútaskrá 2022-2023 hækkar Breki 16-824 um 3 stig og fer í 110 stig. Kalli 20-893 hækkar um 2 stig. Á hinum endanum lækka þeir Kostur 19-849, Hnokki 19-874 og Jaður 20-891 um 4 stig. Tónn 18-855, Alli 19-885 og Móri 19-888 lækka um 3 stig hver. Aðrir hrútar eru að hækka/lækka um 1-2 stig frá því kynbótamati sem þeir höfðu þegar hrútaskráin fór í prentun.

Kynbótamat fyrir mjólkurlagni verður aftur uppfært á nýju ári, þegar meginþorri uppgjörsgagna fyrir árið 2022 hefur skilað sér frá bændum.
Í meðfylgjandi töflu er uppfært mat á hrútum sem verða á sæðingastöð í vetur ásamt öryggisstuðli og breytingu. Athugið að lambhrútum á sæðingastöð er sleppt.