Sauðfjárskoðun 2015 - skipulagning og pantanir

Tekið er við pöntunum á lambadomum hér í gegnum heimasíðuna. Aðeins þarf að smella á hnappinn: Panta sauðfjárdóma - hér til hægri á forsíðunni og þar er hægt að velja um að panta lambamælingu eða hrútasýningu. Þegar smellt er á þessar línur opnast umsóknareyðublað.

Fylla þarf út ákveðna reiti í umsóknarblaðinu, velja daga og setja inn fjölda ofl og þegar búið er að senda pöntunina þá birtist pöntunin í lista hjá þeim sem halda utan um skipulagninguna. Starfsmenn RML geta einnig aðstoðað í 5165000.

Hér í töflunni að neðan má líka sjá upplýsingar um þá aðila sem halda utan um skipulagningu sauðfjárdóma haustið 2015. Hægt er að ná í flesta í gegnum skiptiborð RML á opnunartíma kl. 8-16 en senda tölvupóst á viðkomandi eftir það. Þorvaldur Þórðarson heldur utan um skipulag fyrir norðanverða Vestfirði og best er að hafa samband við hann beint en einnig má setja inn pöntun í kerfinu sem mun líka berast Þorvaldi.

Skipulag lambadóma mun birtast á heimasíðu RML undir hnappnum Dagatal sauðfjárdóma, þar geta bændur fylgst með hvaða dagar eru þegar bókaðir og hverjir eru lausir.