Hrossarækt fréttir

Eins og fram kemur á heimasíðu MAST verður hægt að leita til Ráðgjafarmiðstöðvarinnar með skil á forðagæsluskýrslum líkt og í fyrra. Hægt er að hringja í skiptiborð RML 5165000 og fá samband við starfsmann sem tekur við upplýsingum á skýrsluna, gengur frá henni og skilar. Einnig er hægt að koma við á flestum starfsstöðvum.

Fagráð í hrossarækt hefur valið þau bú sem nefnd eru til árlegrar heiðursviðurkenningar Bændasamtaka Íslands, sem ræktunarbú ársins. Valið stóð á milli 53 búa sem náð höfðu athygliverðum árangri á árinu. Ákveðið var að tilnefna 10 bú sem hljóta munu viðurkenningu á ráðstefnunni Hrossarækt 2015 sem haldin verður í Samskipahöllinni í Spretti laugardaginn 7. nóvember næstkomandi.

Yfirlit síðsumarssýningar á Mið-Fossum fer fram á föstudaginn 21.ágúst og hefst kl. 9:00.

Yfirlit síðsumarssýningar á Sauðárkróki fer fram föstudaginn 21. ágúst og hefst kl. 9:00.

Yfirlit síðsumarssýningar á Selfossi fer fram föstudaginn 21. ágúst og hefst kl. 9:00. Dagskrá dagsins verður eftirfarandi:

Smávægilegar breytingar hafa átt sér stað og eru því knapar og eigendur hrossa hvattir til að skoða uppfærða hollaröðun.

Síðsumarsýning kynbótahrossa á Miðfossum fer fram dagana 19. - 21. ágúst. Dómar hefjast kl 12:30 miðvikudaginn 19. ágúst. Búið er að birta hollaröðun hér á vefnum undir Búfjárrækt > Hrossarækt > Röðun hrossa á kynbótasýningum. Eigendur og sýnendur eru beðnir að mæta tímanlega með hrossin til dóms þannig að dómstörf gangi sem greiðast fyrir sig og tímasetningar haldist sem best.

Síðsumarsýning kynbótahrossa á Selfossi fer fram dagana 17. - 21. ágúst. Dómar hefjast kl 12:30 mánudaginn 17. ágúst, aðra daga hefjast dómar stundvíslega kl. 8:00 (fyrstu hross þurfa því að vera mætt í mælingu aðeins fyrir kl. 8:00). Búið er að birta hollaröðun hér á vefnum undir Búfjárrækt > Hrossarækt > Röðun hrossa á kynbótasýningum.

Síðsumarsýning kynbótahrossa á Sauðárkróki fer fram dagana 19. - 21. ágúst. Dómar hefjast kl 13:00 miðvikudaginn 19. ágúst. Búið er að birta hollaröðun hér á vefnum undir Búfjárrækt > Hrossarækt > Röðun hrossa á kynbótasýningum. Eigendur og sýnendur eru beðnir að mæta tímanlega með hrossin til dóms þannig að dómstörf gangi sem greiðast fyrir sig og tímasetningar haldist sem best.

Síðasti skráningardagur á kynbótasýningar síðsumars er í dag 10. ágúst. Skráning verður opin til miðnættist. Sýningarnar sem um ræðir eru á Miðfossum, Sauðárkróki og Selfossi dagana 17. -21. ágúst, náist lágmarksfjöldi á sýningarnar. Skráning og greiðsla fer fram í gegnum netið á síðunni www. worldfengur.com þar sem valið er „skrá hross í kynbótasýningu“. Einnig er hægt að skrá í gegnum heimasíðuna www.rml.is en á forsíðunni hægra megin er valmyndin „skrá á kynbótasýningu“. Leiðbeiningar um rafræna skráningu á kynbótasýningu má finna á heimasíðunni undir búfjárrækt/hrossarækt/kynbótasýningar. Starfsmenn RML munu leiðbeina þeim sem þess þurfa í síma 516-5000, einnig er hægt að senda t-póst á netföngin lr@rml.is og halla@rml.is.