Hrossarækt fréttir

Yfirlitssýning fer fram á Stekkhólma á Fljótsdalshéraði miðvikudaginn 28. maí og hefst klukkan 09:00.

Yfirlitssýning fer fram á Sörlastöðum miðvikudaginn 28. maí og hefst klukkan 09:00. Röð flokka verður hefðbundin, byrjað á elstu hryssum, þá 6 vetra, 5 vetra og 4ra vetra hryssur, yngstu stóðhestar og upp í elstu flokka.

Vegna fréttar á vef Eiðfaxa þann 26. maí þar sem staðhæft er að forsvarsmenn RML hafi haft annað en hagsmuni ræktunarstarfsins að leiðarljósi við ákvörðun um að færa kynbótasýningu sem halda átti á Selfossi dagana 26.-28. maí til Hafnarfjarðar viljum við koma eftirfarandi á framfæri.

Af illviðráðanlegum orsökum hefur verið ákveðið að flytja kynbótasýninguna á Brávöllum/Selfossi (26.-28. maí) yfir á Sörlastaði í Hafnarfirði. Hollaraðir, tímasetningar og skipulag allt stendur sem fyrr – utan breytt staðsetning sýningarinnar.

Nú eru báðar vikurnar á kynbótasýninguna á Gaddstaðaflötum við Hellu orðnar fullar og kominn biðlisti í Worldfeng/Sportfeng. Við viljum við benda á að enn eru laus pláss á sýningar í Borgarfirði og Melgerðismelum. Smellið á "Lesa meira" fyrir nánari upplýsingar um biðlistana.

Kynbótasýning verður á Iðavöllum á Fljótsdalshéraði þriðjudaginn 27. maí og hefst hún kl. 13:00. Yfirlitssýning verður miðvikudaginn 28. maí og hefst kl. 9:00. Alls eru 19 hross skráð til leiks. Búið er að birta hollaröðun á sýningunni hér á vefnum og má nálgast hana með því að smella á hnappinn „Röðun hrossa á kynbótasýningu“ hér hægra megin á forsíðunni.

Kynbótasýning verður haldin á Sauðárkróki dagana 27.-30. maí. Dómar hefjast í reiðhöllinni á Sauðárkróki þriðjudaginn 27. maí kl. 09:00. Á miðvikudag og fimmtudag hefjast dómar kl. 08:00. Yfirlitssýning verður svo á föstudag. Hún hefst kl 09:00 þar sem byrjað verður á 4. vetra hryssum.

Kynbótasýning fer fram á Melgerðismelum dagana 3.-6. júní verði þátttaka næg. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“. Einnig er hægt að skrá hross til sýningar hér á heimasíðu RML í gegnum flýtihnapp á forsíðunni.

Hollaröðin á yfirlitssýningunni á Sörlastöðum í Hafnarfirði á morgun fimmtudaginn 22. maí er nú komin á vefinn. Sýningin hefst kl. 9:00. Röðun flokka verður eftirfarandi: 7 vetra og hryssur og eldri frá kl. 9:00 til 11:30. Frá kl. 11:30 til 12:00 verða þrjú holl af 6 vetra hryssum sem síðan verður haldið áfram með eftir hádegishlé en það er áætlað á milli kl. 12:00 og 13:00.

Yfirlitssýningin á Sörlastöðum í Hafnarfirði hefst kl. 9:00 á morgun fimmtudaginn 22. maí. Röðun flokka verður eftirfarandi: 7 vetra og eldri hryssur frá kl. 9:00 til 11:30. Frá kl. 11:30 til 12:00 verða þrjú holl af 6 vetra hryssum sem síðan verður haldið áfram með eftir hádegishlé en það er áætlað á milli kl. 12:00 og 13:00.