Jarðrækt fréttir

Nú er farið að líða að sumarlokum og RML er búið að opna fyrir pantanir á hey-og jarðvegsýnatöku haustsins. Efnainnihald heyja ræðst að mestu af áburðarefnum, veðurfari og sláttutíma og getur því verið breytilegt milli ára og svæða. Veðurfar sumarsins hefur verið nokkuð breytilegt milli landshluta, þar sem víða hefur verið nokkuð kalt og vætusamt á sunnan- og vestanverðu landinu en hlýrra og þurrara norðan- og austanlands. Því má búast við að gæði og efnainnihald heyja séu breytileg milli landshluta, sérstaklega þegar horft er til seinni sláttar. Til að vera vel upplýstur um stöðu fóðurs og jarðvegsins sem bændur eru með í höndunum og hvernig best er að nýta niðurstöðurnar til að hámarka uppskeru og nýtingu hennar er mikilvægt að taka reglulega sýni.

Dagana 24.-26. júní hélt RML þriðja ársfund AGROSUS verkefnisins í Norræna Húsinu í Reykjavík. AGROSUS er evrópskt samstarfsverkefni um vistvænar varnir gegn illgresi en verkefnið nær til tíu landa. Til fundarins mættu samstarfsaðilar víðsvegar að úr Evrópu og fóru yfir þann árangur sem náðst hefur í verkefninu á síðustu þremur árum, ásamt þeim verkefnum sem framundan eru á lokaári þess.

Atvinnuvegaráðuneytið auglýsir eftir umsóknum um jarðræktarstyrki í garðyrkju vegna útiræktunar á grænmeti, kartöflum og garðávöxtum til manneldis. Umsóknum skal skilað eigi síðar en 15. ágúst næstkomandi í Afurð.is.

Þriðjudaginn 16. júní klukkan 10:00 mun Ráðgjafarmiðstöð landbúnaðarins í samstarfi við Björgvin Harðarson í Laxárdal bjóða bændum og öðrum áhugasömum um kornrækt, til kornskoðunar í Gunnarsholti. Til skrafs og ráðagerðar verða jarðræktarráðunautar RML, Benny Jensen, sérfræðingur í korni og kartöflum frá BJ Agro ásamt Björgvini. Umræðuefnið verður einkum það sem við sjáum þegar við göngum um og rýnum í akrana og farið verður yfir þau atriði og viðbrögð sem skipta máli til að ná sem bestum árangri í kornræktinni.

Margar smávægilegar úrbætur hafa verið gerðar undanfarnar vikur sem einkum tengjast því að auka skilvirkni í skráningum og bæta við skráningarmöguleikum. Uppfærslurnar nýtast fyrst og fremst bændum sem eru með almennan aðgang að kerfinu en síður þeim sem eru aðeins með lögbundinn aðgang. Má þar nefna að hægt er að afrita áburðaráætlanir til að flýta fyrir því að gera nýjar áætlanir með smávægilegum breytingum.

Viðskiptavinir athugið að dkBúbót liggur niðri í augnablikinu en unnið er að viðgerð.

Út er komin skýrslan „Rekstrargreining garðyrkju á Íslandi 2022-2024“ þar sem koma fram helstu niðurstöður úr verkefni í afkomugreiningu garðyrkjunnar. Verkefnið sem þessi skýrsla byggir á er framhald verkefna sem unnin hafa verið af RML á síðustu árum þar sem leitast er við að varpa ljósi á rekstrarafkomu í garðyrkju á Íslandi á árunum frá 2019. Í þessari skýrslu er mest unnið með árin 2022-2024.

Fyrstu söluaðilar eru búnir að gefa út sáðvöruframboð sitt fyrir vorið og því er kominn tími til að byrja að huga að sáðvörukaupum. Ráðunautar RML taka saman framboð fræsala af sáðvöru líkt og undanfarin ár. Ýmis ný og gömul yrki eru í boði en við áréttum mikilvægi þess að kynna sér vel hugsanlegan mun á yrkjum einstakra tegunda enda getur verið mikill munur á frammistöðu þeirra þó þau tilheyri sömu tegundinni. 

Umhverfis,-  orku-  og loftslagsráðuneytið og atvinnuvegaráðuneytið hafa ákveðið að ráðstafa 80 milljónum í loftslags- og orkusjóð til fjárfestinga í tækjakaupum sem stuðla að samdrætti í losun gróðurhúsalofttegunda í landbúnaði. Ráðunautar RML veita ráðgjöf og aðstoð við gerð styrkumsókna.

Síðasti skiladagur haustskýrslna er fimmtudaginn 20. nóvember. Á heimasíðu RML (www.rml.is) má finna ítarlegar leiðbeiningar fyrir búfjáreigendur sem vilja skila skýrslum sjálfir.