Jarðrækt fréttir

Aldrei er góð vísa of oft kveðin. Það á einnig við um góð heilræði. Fyrir rétt um ári síðan setti Bjarni Guðmundsson prófessor á Hvanneyri á blað eftirfarandi ábendingar um heyverkun sem rétt er að rifja upp núna.

Síðustu daga hafa jarðræktar- og fóðurráðunautar RML fundað með sænska jarðræktarráðunautinum Lars Ericsson. Lars starfar við jarðræktarráðgjöf og rannsóknir norðarlega í Svíþjóð (Västerbotten) en aðstæður þar eru um margt líkar því sem við þekkjum hér á landi. Ríkharð Brynjólfsson og Guðni Þorvaldsson prófessorar hjá LbhÍ tóku þátt í fundinum sem var mjög fróðlegur og gagnlegur.

Búnaðarstofa hefur opnað fyrir rafrænar umsóknir um jarðræktarstyrki og styrki vegna affallsskurða. Umsóknarfrestur er til 10. september 2015. Hægt er að sækja um á Bændatorginu, torg.bondi.is.

Þrátt fyrir rysjótta tíð og slæmt veðurútlit næstu daga verða bændur að huga að vorverkunum því þau hefjast innan skamms. Sáðvara er stór útgjaldaliður hjá mörgum bændum og því mikilvægt að huga vel að vali á yrkjum.

Vakin er athygli á að nýir listar yfir verð og framboð á sáðvöru og grasfræblöndum fyrir árið 2015 hafa nú verið birtir hér á heimasíðu RML. Á nýju listunum eru eins og áður upplýsingar um allt fræ og blöndur sem eru til sölu ásamt verði sem og upplýsingum sem liggja fyrir um viðkomandi yrki í nýjasta Nytjaplöntulista Landbúnaðarháskóla Íslands.

Nú hafa flestir bændur gengið frá áburðarpöntunum sínum og eru því væntanlega búnir að gera áætlun um hversu mikið land þeir ætla að taka undir nýsáningu í vor. Sáðvöruframboðið liggur fyrir hjá flestum fræsölunum og þess er að vænta að samantekið yfirlit yfir fræframboðið verði birt hér á síðu RML.

Fyrirhuguðu námskeiði í jörð.is á Hvanneyri þann 6. mars er frestað til 13. mars. Jafnframt minnum við á fyrirhuguð námskeið í Skagafirði og Húnavatnssýslu ef næg þátttaka næst.

Landbúnaðarháskóli Íslands í samstarfi við Ráðgjafarmiðstöð lanbúnaðarins mun standa fyrir þremur námskeiðum í jörð.is ef næg þátttaka næst. Staður og tími eru eftirfarandi: Á Hvanneyri þann 6. mars, í Skagafirði þann 12. mars og í Húnavatnssýslu þann 13. mars. Námskeiðin standa frá kl. 10:00-17:00 (8,5 kennslustundir).

Fimmtudaginn 12. febrúar sl. hittust fóðurráðgjafar RML í Borgarfirði til að samræma vinnubrögð í eftirfylgniheimsóknum, ræða ýmis fóðrunarmál, hönnun fjósa og skoða kosti og galla þeirra fjósa sem heimsótt voru. Byrjað var í Hvanneyrarfjósi en þar er lausagöngufjós með mjaltaþjóni. Þar var sérstaklega fjallað um holdstigun mjólkurkúa en hugmyndin var að bera saman ólíka holdstigunarskala og hvaða skali hentaði hverjum og einum ráðgjafa.

Listi nytjaplantna árið 2015 er kominn á vef Landbúnaðarháskóla Íslands en hann inniheldur yfirlit yfir yrki, sem mælt er með fyrir landbúnað, grasflatir, garðrækt og landgræðslu. Litlar breytingar eru frá síðasta ári, en þó má nefna að í viðauka eru listuð öll gras- og smárayrki, sem hafa verið í tilraunum frá árinu 1986. Ritstjóri er Þórdís Anna Kristjánsdóttir. Lista með nytjaplöntum allt frá árinu 2001 er að finna á heimasíðu Landbúnaðarháskólans.