Sauðfjárrækt fréttir

Nauðsynlegt er að bændur hafi samning við dýralækni um afhendingu sýklalyfja sbr. reglugerð þar um. Með þessum samningi fá þeir afhent sýklalyf frá dýralækni án undangenginnar greiningar, að öðrum kosti er dýralækni óheimilt að afhenda sýklalyf til bænda. Í Fjárvís undir valmyndinni „Notandi > Stillingar“ er sótt um rafrænan samning við dýralækni. Mælst er til þess að bændur sæki um samning við þann/þá dýralækna sem þeir eiga í viðskiptum við. Þegar smellt er á tengilinn „Sækja um samning við dýralækni“ opnast þessi valmynd:

Námskeiðin verða haldin sem hér segir: 20. apríl á Blönduósi, í sal búnaðarsambandsins, Húnabraut 13. 25. apríl á Sauðárkróki, í húsnæði Farskólans, Faxatorgi. 26. apríl á Ísafirði, hjá Fræðslumiðstöð Vestfjarða, Suðurgötu 12.

Á aðalfundi Landssamtaka sauðfjárbænda á föstudag voru veitt verðlaun sæðingastöðvanna fyrir besta lambaföðurinn starfsárið 2014-2015 og fyrir mesta alhliða kynbótahrútinn 2016. Faghópur sauðfjárræktar ákveður hvaða hrútar eru valdir ár hvert. Danni 12-923 frá Sveinungsvík fékk verðlaun sem besti lambafaðirinn og Rafall 09-881 frá Úthlíð fékk verðlaun sem mesti alhliða kynbótahrúturinn. Ræktendur hrútanna, sem verðlaunaðir voru, hlutu farandgripi sem Sigríður Kristjánsdóttir á Grund útbjó þegar þessar verðlaunaveitingar hófust árið 2009. Á meðfylgjandi myndum sem Sigurður Már Harðarson á Bændablaðinu tók af verðlaunahöfum ásamt Þórhildi Þorsteinsdóttur formanni Búnaðarsamtaka Vesturlands sem afhenti verðlaunin fyrir hönd sauðfjársæðingastöðvanna.

Fyrirhugað var að halda Fjárvís námskeið á Hvanneyri þann 22. mars nk. og á Selfossi þann 29. mars nk. en þar sem næg þátttaka fékkst ekki þá falla þau niður.

Upplýsingar um niðurstöður skýrsluhalds í sauðfjárrækt árið 2015 eru núna aðgengilegar hér á heimasíðunni.

Við minnum á námskeiðið „Vorið“ þar sem fjallað er um fóðrun sauðfjár á vormánuðum, skipulag fóðuröflunar, mat á fóðurgæðum og margt fleira.

Námskeiðin verða haldin sem hér segir: 22. mars á Hvanneyri í Vaði, Ásgarði - Lbhí. 29. mars á Selfossi, í fundarsal skrifstofu Búnaðarsambandsins að Austurvegi 1. 30. mars á Hvolsvelli í Hvolsskóla. 31. mars á Kirkjubæjarklaustri í Kirkjubæjarskóla.

RML hefur útbúið reiknivél fyrir bændur í excel þar sem unnt er að skoða áhrif nýrra búvörusamninga á tekjur búa sinna. Búið er að bæta inn útgáfu 3 sem er endurbætt frá útgáfu 2 og býður upp á að verðbólguálag sé sett á opinberar greiðslur.

Uppgjöri skýrsluhalds í sauðfjárrækt fyrir árið 2015 er að mestu lokið þó víða leynist ófrágengar „eftirlegukindur“ á nokkrum búum. Bændur er því minntir á að skil eru ekki fullnægjandi fyrr en haustgögnum er skilað og framleiðsluárið 2016 hefur opnast. Reiknaðar afurðir eftir hverja kind verða heldur minni en árið 2014 eða sem nemur tæpu kílói. Þar munar mestu um erfitt tíðarfar síðast vor sem leiddi af sér meiri vanhöld en færri lömb koma til nytja árið 2015 en undanfarin ár þó fjöldi fæddra lamba sé svipaður og síðustu ár.

Vakin er athygli á því að niðurstöður afkvæmarannsókna í sauðfjárrækt ásamt umfjöllunum eru aðgengilegar hér á vefnum. Jafnframt er birtur listi yfir þá hrúta sem gera mest útslag í afkvæmarannsóknum og umfjöllun um verkefnið, reglur og útreikninga.