Hrossarækt fréttir

Á morgun, 19. júni fara fram yfirlitssýningar í Víðidal, á Rangárbökkum og á Hólum. Allar sýningar hefjast stundvíslega kl. 08:00.

Yfirlit á Sörlastöðum fer fram föstudaginn 12. júní og hefst stundvíslega kl. 08:00. Yfirlit á Rangárbökkum fer fram föstudaginn 12. júní - VAKIN ER SÉRSTÖK ATHYGLI á að yfirlitið á Rangárbökkum hefst kl. 07:00 sem er fyrr en hefðbundið er. 

Yfirlit á Mið-Fossum fer fram þriðjudaginn 9. júní og hefst stundvíslega kl. 09:00.

Yfirlit þriðju vorsýningaviku á Rangárbökkum fer fram föstudaginn 5. júní og hefst stundvíslega kl. 08:00.

Yfirlit fyrstu vorsýningar á Rangárbökkum fer fram miðvikudaginn 20. maí og hefst stundvíslega kl. 08:30. Áætluð lok um kl. 11:10. Hollaröð má nálgast í tengli hér að neðan. 

Skráningarfrestur á sýningarnar á Hólum í Hjaltadal 1. til 5. júní, Mið-Fossum 8. til 11. júní, Akureyri 8. til 12. júní og Víðidal 15. til 19. júní hefur verið framlengdur til miðnættis föstudaginn 22. maí. Skráning og greiðsla fer fram í gegnum heimasíðu RML en á forsíðunni er flýtihnappur sem skráð er í gegnum. Nánari upplýsingar er hægt að fá í síma 516-5000 eða senda tölvupóst á netfangið rml@rml.is.

Á fyrstu sýninguna á Rangárbökkum, dagana 18. til 20. maí eru 52 hross skráð. Dæmt verður frá kl. 8:00 til 19:30 á mánudeginum og frá kl. 8:00 til kl. 16:30 á þriðjudeginum. Til að tímasetningar standist sem best biðjum við sýnendur og eigendur um að mæta tímanlega. Mælingar hefjast kl. 7:50 og þá þurfa hross að vera mætt og tilbúin í mælingu, þannig að dómstörf geti hafist kl. 8:00.

Afar mikil og verðmæt eftirspurn er eftir plássum á kynbótasýningar vorsins og var um metskráningu að ræða þegar opnað var á skráningar þriðjudaginn síðasta. Búist var við aukningu þetta vorið og um 300 plássum bætt við miðað við síðasta landsmótsvor en þátttakan fór fram úr okkar björtustu vonum. Staðan er núna sú að ekkert laust pláss er á kynbótasýningar sunnanlands frá 26. maí til 24. júní.

Vegna bilana er nauðsynlegt að fresta enn skráningum á kynbótasýningar. Opnað verður á skráningar þriðjudaginn 5. maí klukkan 09:00. Beðist er velvirðingar á þeim óþægindum sem þetta kann að valda en verið er að vinna að lausn málsins. Leiðbeiningar um skráningarkerfið er hægt að nálgast í gegnum tengil hér neðst á síðunni. Þar er farið yfir helstu skráningarmyndirnar sem birtast í skráningarkerfinu. Það sem nauðsynlegt er að hafa við hendina er fæðingarnúmer hrossins, kennitala knapa og greiðslukort.

Viðskiptavinir athugið að dkBúbót liggur niðri í augnablikinu en unnið er að viðgerð.