Fréttir

Miðvikudaginn 8. nóvember næstkomandi verður opið hús milli 14 og 16 á starfsstöðinni okkar, Borgarsíðu 8 á Sauðárkróki. Stjórnendur RML verða á staðnum og við bjóðum bændur sérstaklega velkomna að hitta okkur á starfsstöðinni í kaffi og spjall um verkefni RML. Boðið verður upp á köku í tilefni 10 ára afmælisins.

Í tilefni af 10 ára afmæli RML á árinu verður opið hús á starfsstöðinni okkar á Búgarði fimmtudaginn 12. október milli kl. 14 og 16. Stjórnendur RML verða á staðnum og við bjóðum bændur sérstaklega velkomna að hitta okkur á starfsstöðinni í kaffi og spjall um verkefni RML. Boðið verður upp á köku í tilefni 10 ára afmælisins. Hlökkum til að sjá ykkur, allir velkomnir!

Í næstu og þarnæstu viku munu stjórn og hluti starfsfólks Bændasamtaka Íslands, ásamt framkvæmdastjóra og stjórnarmanni RML fara í ferð um landið og funda með bændum og öðrum sem áhuga hafa á að mæta, en fundirnir verða opnir öllum. Umfjöllunarefni fundanna verður starfsemi samtakanna, málefni sveitanna og komandi tíð. Boðið verður upp á léttar veitingar.

Í júlí er mikið af starfsfólki RML í sumarfríi og því stopul viðvera á starfsstöðvum. Síminn 516-5000 verður þó alltaf opinn hjá okkur sem hér segir: Mánudaga - fimmtudaga milli kl. 9-12 og 13-16. Lokað er í hádeginu milli kl. 12-13 Föstudaga kl. 9-12 en lokað er á föstudögum frá kl. 12.00 Senda má gögn og fyrirspurnir á eftirfarandi netföng:

Nú hefur verið lokið við aðskilnað Heiðrúnar og Fjárvís og Heiðrún komin í loftið sem sjálfstæður gagnagrunnur og skýrsluhaldskerfi. Með uppfærðri og sjálfstæðri Heiðrúnu vonumst við til að koma betur til móts við þarfir geitfjárbænda í skýrsluhaldinu. Líkt og í öðrum skýrsluhaldskerfum þarf að fara í gegnum Bændatorg til að skrá sig inn í Heiðrúnu en kerfið er nú staðsett á slóðinni www.heidrun.is. Nánar verður fjallað um uppfærða Heiðrúnu í næsta Bændablaði. 

RML hefur gert breytingar á fyrirkomulagi innheimtu árgjalda fyrir skýrsluhaldsforritin, nú er mögulegt fyrir áskrifendur að óska eftir því að skipta árgjaldi vegna forrita niður á mánuði í stað þess að árgjald sé greitt einu sinni á ári. Þessi breyting á við um skýrsluhaldsforritin Huppu, Heiðrúnu, Jörð og Fjárvís.

Stjórnendur hjá RML verða á ferðinni á Selfossi miðvikudaginn 10. maí. Í tilefni af 10 ára afmæli RML á árinu verður opið hús á starfsstöðinni okkar að Austurvegi 1 á Selfossi þann dag milli kl. 14:30-16:30 Okkur langar sérstaklega að bjóða bændum að hitta okkur á starfsstöðinni í kaffi og spjall milli kl 14:30-16:30 og ræða um verkefni RML. Boðið verður upp á köku í tilefni 10 ára afmælisins. Hlökkum til að sjá ykkur ! Allir velkomnir

Ráðgjafarmiðstöð landbúnaðarins (RML) tók yfir allri umsjón skýrsluhaldsforrita Bændasamtakanna um áramótin 2019-2020 með sameiningu RML og tölvudeildar Bændasamtakanna. RML var falið að tryggja öryggi og viðgang gagna innan skýrsluhaldskerfanna. RML tók yfir ýmsum skuldbindingum og samningum tölvudeildar, þar með talið starfsreglum varðandi aðgengi að forritum Bændasamtakanna.

Ráðgjafarmiðstöð landbúnaðarins auglýsir eftir fagstjóra búfjárræktar- og þjónustusviðs. Við leitum að einstaklingi með brennandi áhuga á landbúnaði í sínum víðasta skilningi og hefur metnað og frumkvæði til að vinna að ráðgjafastarfsemi RML. Umsóknarfrestur er til og með 5. mars. Nánari upplýsingar veita Karvel L. Karvelsson klk@rml.is og Helga Halldórsóttir heh@rml.is.

Ráðgjafarmiðstöð landbúnaðarins auglýsir eftir ráðgjafa sem gæti sinnt fjölbreyttu ráðgjafar- og þróunarstarfi á sviði umhverfis og loftslagsmála.