Fréttir

Niðurstöður afurðaskýrsluhaldsins í nautgriparæktinni í apríl síðastliðnum hafa verið birtar á vef okkar. Þegar þær niðurstöður urðu til laust eftir hádegið þ. 11. maí, höfðu skýrslur borist frá 92% þeirra 579 búa sem skráð voru til þátttöku. Reiknuð meðalnyt 24.087,7 árskúa á þessum búum, var 6.041

Kynbótasýning verður á Sörlastöðum í Hafnarfirði 17.-20. maí 2016. Dómar hefjast stundvíslega kl. 8:00 þriðjudaginn 17. maí. Yfirlitssýning verður föstudaginn 20. maí og hefst hún kl. 9:00. Alls eru 99 hross skráð til dóms.

Kynbótasýningar fara fram á Hlíðarholtsvelli, Akureyri og Brávöllum, Selfossi dagana 23.-27. maí, verði þátttaka næg. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“.

Leiðbeiningar fyrir skýrsluhaldskerfið í sauðfjárrækt, Fjárvís hafa verið uppfærðar. Hér á heimasíðunni má nú finna fyrstu útgáfu að notendahandbók þar sem farið er yfir öll helstu atriði sem notendur þurfa að nota við vorskráningu. Í sumar verður svo unnið að því að bæta hausthlutanum við leiðbeiningarnar.

Nauðsynlegt er að bændur hafi samning við dýralækni um afhendingu sýklalyfja sbr. reglugerð þar um. Með þessum samningi fá þeir afhent sýklalyf frá dýralækni án undangenginnar greiningar, að öðrum kosti er dýralækni óheimilt að afhenda sýklalyf til bænda. Í Fjárvís undir valmyndinni „Notandi > Stillingar“ er sótt um rafrænan samning við dýralækni. Mælst er til þess að bændur sæki um samning við þann/þá dýralækna sem þeir eiga í viðskiptum við. Þegar smellt er á tengilinn „Sækja um samning við dýralækni“ opnast þessi valmynd:

Kynbótasýning fer fram á Sörlastöðum í Hafnarfirði dagana 17.-20. maí verði þátttaka næg. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“. Einnig er hægt að skrá hross til sýningar hér á heimasíðu RML í gegnum flýtihnapp á forsíðunni.

Að þessu sinni verða þrjár sýningar í gangi á sama tíma á suðvesturhorni landsins frá 30. maí til 10. júní. Fyrirkomulagið verður að venju á þessa leið, að dæmt er frá mánudegi til og með fimmtudegi og yfirlitssýning á föstudegi. Ef þátttaka næst á allar þessar sýningar verða þar af leiðandi yfirlitssýningar á þremur stöðum á sama tíma.

Stjórn Bændasamtaka Íslands skipaði á fundi þann 20. apríl síðastliðinn nýja stjórn RML en stjórnin hefur að mestu leyti verið óbreytt frá stofnun fyrirtækisins. Fyrirkomulagi varafulltrúa í stjórn var einnig breytt en fram til þessa hafa verið varamenn fyrir hvern og einn stjórnarmann. Nú verður því háttað þannig að varamenn verða tveir, 1. og 2. varamaður.

Pétur Halldórsson verður við DNA-sýnatökur og örmerkingar í hesthúsahverfum á höfuðborgarsvæðinu föstudaginn 29. apríl og mánudaginn 2. maí. Áhugasamir vinsamlegast setji sig í samband í síma 862-9322 eða petur@rml.is. Nánari upplýsingar um DNA-sýni hrossa:

Að venju birtir RML samantekinn lista yfir verð og framboð á sáðvöru samkvæmt upplýsingum frá söluaðilum. Í listanum koma m.a. fram umsagnir um yrkin skv. ritinu Nytjaplöntur á Íslandi 2016 sem er gefið út af LbhÍ. Þá er vert að benda á í Jörð.is er hægt að skrá notkun allra þessara yrkja ásamt dagsetningum á jarðvinnslu og sáningu.