Fréttir

Á meðan í gildi eru tilskipanir frá yfirvöldum um takmarkanir á mannamótum þarf að hugsa annað form á samskiptum manna. Á meðan þessum takmörkunum stendur mun RML nota í meira mæli netlausnir í samskiptum og fundarhöldum til að mæta þörfum viðskiptavina sinna.

Vegna þeirra aðstæðna sem upp eru í samfélaginu vegna Covid 19 veirunna og til að vernda starfsmenn okkar og viðskiptavini fyrir mögulegu smiti þá hefur Ráðgjafarmiðstöð landbúnaðarins ákveðið eftirfarandi...

Niðurstöður skýrsluhalds nautgriparæktarinnar í nýliðnum febrúar hafa verið birtar á vef okkar. Rétt er að geta þess að niðurstöðurnar í skýrsluhaldi mjólkurframleiðenda byggjast á skilum mjólkurskýrslna og annarra skráninga eins og staðan á þeim var skömmu fyrir hádegi þ. 11. mars 2020. Þegar niðurstöðurnar voru reiknaðar höfðu borist mjólkurskýrslur frá 517 búum en uppgjör kjötframleiðslunnar náði til 108 búa þar sem var framleitt nautakjöt en ekki stunduð framleiðsla mjólkur til sölu. Reiknuð meðalnyt 24.748,7 árskúa á þessum 517 búum var 6.413 kg eða 6.673 kg OLM (orkuleiðrétt mjólk)

Umhverfis og auðlindaráðuneytið boðaði í gær til morgunverðarfundar fyrir fulltrúa Búnaðarþings þar sem fulltrúar RML kynntu tvö verkefni sem eru í gangi og studd af ráðuneytinu.

Fagráð í nautgriparækt fundaði í dag og tók ákvörðun um hvaða reyndu naut verða í dreifingu næstu mánuði. Ákveðið var að setja fyrstu naut úr 2015 árgangi nauta í notkun ásamt einu nauti úr 2014 árgangi. Þarna koma til notkunar fyrstu synir Topps 07046, Laufáss 08003 og Bamba 08049 að lokinni afkvæmaprófun. Þau naut sem koma nú til notkunar eru Vals 14087 frá Brúnastöðum, f. Laufás 08003 og mf. Flói 02029, Kætir 15004 frá Núpstúni, f. Toppur 07046 og mf. Síríus 02032, BJarki 15011 frá Akri, f. Laufás 08003 og mf. Ás 02048, Risi 15014 frá Syðri-Bægisá, f. Laufás 08003 og mf. Hjarði 06029, Golíat 15018 frá Keldudal, f. Laufás 08003 og mf. Bolti 09021 og Jólnir 15022, f. Bambi 08049 og mf. Sússi 05037.