Fréttir

Skýrsla um hagrænt vægi eiginleika í nautgriparækt hefur nú verið birt hér á vefnum en eins og nafnið bendir til fjallar hún um mat á hagrænu vægi eiginleika í kynbótastarfi nautgriparæktarinnar. Skýrslan var unnin á vegum RML af þeim Jóni Hjalta Eiríkssyni og Kára Gautasyni. Um er að ræða umfangsmikið verk sem staðið hefur yfir í tvö ár. Þessi vinna er mikill fengur fyrir nautgriparæktina og í reynd nauðsynlegur grunnur að ákvarðanatöku um ræktunarmarkmið fyrir íslenska kúastofnsins.

Yfirlitssýning kynbótahrossa á Akureyri fer fram á morgun, fimmtudaginn 22.08. og hefst stundvíslega kl. 08:30

Yfirlitssýning kynbótahrossa Borgarnesi - fimmtudaginn 22.08. Hefst kl. 08:30 Hér má sjá hollaröðun

Þrátt fyrir dræma þátttöku hefur verið ákveðið að halda síðsumarssýningu í Borgarnesi enda sýningin á Selfossi full og því ekki hægt að færa þessi hross á aðra sýningu. Alls eru 22 hross skráð til leiks og hefjast dómar stundvíslega kl. 10:30 miðvikudaginn 21.ágúst. Yfirlitssýning fer svo fram fimmtudaginn 22.ágúst. Hrossunum er skipt niður í þrjú holl og búið er að birta röðun hrossa hér á vefnum og má nálgast hana með því að smella tengil hér neðar. Við biðjum eigendur og sýnendur að mæta tímanlega með hrossin til dóms svo að dómstörf gangi sem greiðast fyrir sig og tímasetningar haldist sem best.

Síðsumarssýning kynbótahrossa verður haldin á Hlíðarholtsvelli, Akureyri dagana 20. - 22. ágúst. Dómar hefjast kl 14, þriðjudaginn 20.ágúst og yfirlitssýning verður fimmtudaginn 22.ágúst og hefst kl. 8:30. Hollröð má nálgast í fréttinni

Þrátt fyrir að hámarksfjöldi hrossa hafi ekki náðst í Borgarnesi verður sýningin haldin þar enda sýningin á Selfossi full og því ekki hægt að færa þessi hross á aðra sýningu. Röðun hrossa á sýninguna í Borgarnesi verður auglýst síðar.

Niðurstöður skýrsluhalds nautgriparæktarinnar nú í nýliðnum júlí hafa verið birtar á vef okkar. Rétt er að geta þess að niðurstöðurnar í skýrsluhaldi mjólkurframleiðenda byggjast á skilum mjólkurskýrslna og annarra skráninga eins og staðan á þeim var morgni þ. 14. ágúst 2019. Þegar niðurstöðurnar voru reiknaðar höfðu borist mjólkurskýrslur frá 527 búum en uppgjör kjötframleiðslunnar náði til 106 búa þar sem var framleitt nautakjöt en ekki stunduð framleiðsla mjólkur til sölu. Reiknuð meðalnyt 25.052,9 árskúa á fyrrnefndum 527 búum var 6.244 kg eða 6.495 kg OLM á síðustu 12 mánuðum. Meðalfjöldi árskúa á búunum 527 var 47,5.

Þar sem mjög margir hestamenn eru nú staddir á heimsmeistaramóti íslenska hestsins hefur verið ákveði að framlengja skráningarfrestinn á síðsumarssýningar kynbótahrossa til miðvikudagsins 14. ágúst. Ef þátttaka verður næg er stefnt að sýningum á eftir töldum stöðum Selfossi, Borgarnesi og Akureyri, vikuna 19. til 23. ágúst.

Fagráð í nautgriparækt ákvað á síðasta fundi sínum nú fyrr í vikunni að breyta útreikningi á heildareinkunn í samræmi við niðurstöður verkefnis um hagrænt vægi eiginleika í nautgriparækt. Á undanförnum misserum hefur RML unnið að útreikningum á hagrænu vægi eiginleika og hefur sú vinna verið í höndum Kára Gautasonar og Jóns Hjalta Eiríkssonar. Verkefnið sem hefur notið stuðnings þróunarsjóðs nautgriparæktarinnar, Landssambands kúabænda og Nautastöðvar BÍ, og lauk nú fyrir skömmu. Lokaskýrsla um verkefnið verður birt innan tíðar en unnið er að lokafrágangi hennar. Fagráð ákvað að fara að þeim tillögum sem lagðar eru til í verkefninu og breyta útreikningi á heildareinkunn. Segja má að því felist einnig ákveðin breyting á ræktunarmarkmiði nautgriparæktarinnar.