Fréttir

Fyrr í sumar gerðu Umhverfis- og auðlindaráðuneytið og Ráðgjafarmiðstöð landbúnaðarins með sér samning um verkefni sem miðar að mótun á vegvísi um minnkun losunar gróðurhúsalofttegunda frá landbúnaði.

Yfirlitið fer fram dagana 27. og 28. júlí (fimmtudag – föstudags). Allar hryssur fimmtudaginn 27.júlí, byrjað kl. 8.00, og allir hestar föstudaginn 28.júlí, byrjað kl. 9.00. Nánara fyrirkomulag og röðun í holl birtist í kvöld hér á heimasíðu RML eftir að dómum lýkur.

Þann 24. júlí var opnað á skráningar á síðsumarssýningar. Boðið verður upp á þrjár sýningar vikuna 21. til 25. ágúst. Sýningarnar verða á Selfossi, Dalvík og í Borgarnesi. Síðasti skráningar- og greiðsludagur er á miðnætti föstudagurinn 11. ágúst. Skráning og greiðsla fer fram í gegnum netið á síðunni www.worldfengur.com þar sem valið er „skrá hross á kynbótasýningu“. Einnig er hægt að fara inn á heimasíðu Ráðgjafarmiðstöðvar landbúnaðarins www.rml.is en þar er valmynd á forsíðunni „skrá á kynbótasýningu“.

Aukasýningin, Miðsumarssýning II, fer fram dagana 31. júlí til 2. ágúst á Gaddstaðaflötum við Hellu. Dómar verða á mánudegi og þriðjudegi en yfirlitssýning á miðvikudegi 2. ágúst. Hér að neðan er hollaröðun dómadaga og knapalisti í stafrófsröð

Miðsumarssýning á Hólum fer fram dagana 26.-28.júlí. Dómar hefjast miðvikudaginn 26.júlí kl. 12:30 og fyrirhugað er að dæma tvö holl þann daginn (20 hross) og fimmtudaginn 27. júlí hefjast dómar kl 8:00 og tekin verða þrjú holl þann daginn (31 hross). Yfirlitssýning fer svo fram föstudaginn 28.júlí.

Undanfarin ár hefur verið kynbótamat fyrir frjósemi verið unnið áður en útsending haustbóka fer fram. Ljóst er að slíkt mun ekki nást í ár. Um síðustu áramót tók gildi reglugerð um stuðning við sauðfjárrækt nr. 1151/2016 þar sem kveðið er á um tvo formlega skiladaga gagna í sauðfjárrækt. Annars vegar er það skiladagur vorgagna þann 20. ágúst ár hvert og skiladagur haustgagna þann 12. desember ár hvert. Undanfarin ár hefur RML gefið út sérstakan skiladag vegna vinnu við kynbótamat en slíkt var ekki gert í ár til að valda síður misskilningi enda er núna einn formlegur skiladagur vorgagna sem ekki var áður til í reglugerð.

Ákveðið hefur verið að lengja skráningarfrest á miðsumarssýninguna á Hólum og opið verður fyrir skráningu til miðnættis þriðjudaginn 18. júlí

Áður auglýst Miðsumarssýning kynbótahrossa á Gaddstaðaflötum varð þéttskipuð og fullsetin á síðasta skráningardegi, föstudaginn 14. júlí, en þar verða sýnd u.þ.b. 240 hross. Til að koma til móts við þá sem ekki náðu að skrá hross sín til dóms og mæta eftirspurn fyrir hrossadóma á miðsumri hefur verið ákveðið að stofna til nýrrar kynbótasýningar á Gaddstaðaflötum. Ef næg þátttaka verður fyrir hendi mun sú sýning hefjast mánudaginn 31. júlí og standa svo langt fram í vikuna sem þurfa þykir; hugsanlega 1-2 dómdagar + yfirlitssýning.

Mikil og góð skráning var á Miðsumarssýningu á Gaddstaðaflötum en skráningu lauk föstudaginn 14. júlí um leið og sýningin varð fullskipuð. Nauðsynlegt er að hefja dóma degi fyrr en áður var áætlað eða sunnu-daginn 23. júlí. Tvær dómnefndir verða að störfum og dæmt frá sunnudegi 23. júlí til miðvikudags 26. júlí (áætlað um 60 hross á dag). Yfirlitssýningar verða svo fimmtudag og föstudag, 27.-28. júlí. Dagskrá vinnudaganna og skipulag holla má skoða í meðfylgjandi skjölum auk knapalista þar sem tímar einstakra knapa eru settir upp í stafrófsröð.

Síðustu misseri hefur orðið svolítil lækkun á vaxtatöflum viðskiptabanka og fjármálafyrirtækja. Eingöngu er um að ræða breytingar á óverðtryggðum lánum og er ástæðan fyrst og fremst lækkun á stýrivöxtum Seðlabankans síðustu misseri. Nánar má sjá lægstu vexti einstakra lánaflokka eftir einstökum fjármálafyrirtækjum sem bændur hafa viðskipti við hér í töflunni sem fylgir. Miðað er við útgefnar vaxtatöflur frá 1. júlí sl. hjá helstu fjármálafyrirtækjunum.