Fréttir

Keppendur og gestir geta fylgst með dagskrá á heimasíðu mótsins. Sökum veðurs hefur þurft að hliðra til og breyta dagskrá og þær breytingar eru uppfærðar jafnóðum á heimasíðu landsmótsins.

RmL birtir hér frétt af heimasíðu Landsmóts hestamanna vegna breytinga á sýningum 4V kynbótahrossa. "1.júlí 2014. Að vel ígrunduðu máli hefur verið afráðið að fresta öllum sýningum 4v hrossa til morguns. Ný dagskrá og tímaplan hafa verið útbúin til að mæta þessari uppákomu. Þetta nýja tímaplan gerir ráð fyrir að dómar á 4v hryssum hefjist kl.06:00 að morgni miðvikudagsins 2.júlí. Áður birt landsmótsdagskrá á kynbótabraut þennan miðvikudag riðlast nokkuð. Ennfremur reynist nauðsynlegt að byrja kl. 06:00 fimmtudaginn 3.júlí, en á slaginu 08:00, þann sama dag, tekur óbreytt og áður birt dagskrá við á kynbótabrautinni. Með von um að allar ytri aðstæður verði okkur hliðhollari á komandi dögum. Sýningarstjórar kynbótahrossa á LM2014, Pétur Halldórsson og Þórður Pálsson"

Nú hefur verið opnað fyrir skráningu bænda á tjóni af völdum gæsa og álfta á ræktunarlandi. Tilkynningarform er nú aðgengilegt fyrir bændur inni á Bændatorginu undir lið sem heitir Umsóknir. Upplýsingarnar verða skráðar í gagnagrunn, sem nýtast mun við frekari úrvinnslu og fyrir stjórnvöld, sem tekur ákvörðun um framhaldið. Verkefnið er á ábyrgð umhverfisráðuneytisins og mun Umhverfisstofnun leggja mat á tjón og vinna úr niðurstöðunum. Krafa er gerð um að spildur sem tjón hefur orðið á séu skráðar í JÖRÐ.IS með stafrænu túnkorti frá Loftmyndum, og eru bændur þess vegna hvattir til að gera átak í þeim málum í samvinnu við leiðbeiningaþjónustuna.

Til að hliðra til fyrir setningarathöfn LM2014 fimmtudagskvöldið, 3. júlí, reyndist nauðsynlegt að hnika dagskrárliðum á kynbótavellinum aðeins til. Sjá nánar hér í tilkynningu.

Í dagskrá Landsmóts er liður sem heitir „kynning á úrvali kynbótahrossa“ sem tímasettur er kl. 9:30 að morgni laugardagsins 5. júlí. Hér er lagt upp með að nýta þann takmarkaða tíma sem er til ráðstöfunar til að bjóða upp á kynningu á þeim hrossum sem búa yfir ákveðnum úrvals gangeiginleikum en ná samt ekki verðlaunasæti á mótinu.

Á facebooksíðu okkar er nú hægt að taka þátt í leik þar sem hægt er að vinna til veglegra verðlauna. Leikurinn er þannig að þátttakendur senda mynd sem tengist heyskap á facebooksíðu okkar. Engin skilyrði eru fyrir því hvað skuli vera á myndinni en hún þarf þó að tengjast heyskap með einhverjum hætti.

Í gær fundaði fagráð í nautgriparækt að lokinni keyrslu á kynbótmati sem gert var nú í júní. Á fundinum var ákveðið að setja fimm ný naut úr nautaárgangi 2008 í notkun sem reynd naut. Þetta eru Þáttur 08021, Flekkur 08029, Klettur 08030, Gói 08037 og Bambi 08049. Þau naut sem verða áfram í dreifingu sem reynd naut eru: Logi 06019, Dynjandi 06024, Hjarði 06029, Víðkunnur 06034, Sandur 07014, Rjómi 07017, Húni 07041, Toppur 07046, Lögur 07047, Keipur 07054, Blámi 07058, Laufás 08003 og Blómi 08017.

Nú er heyskapartíð hafin eða að hefjast á öllu landinu og uppskerutölur fara að berast. Vorið 2014 hefur skráð sig í sögubækurnar fyrir góða tíð, þau bregðast víst ekki árin sem enda á fjórum, segja þeir. Ólík er þessi vorkoma þeirri síðustu og má sjá það í veðurfarsgögnum. Hér fylgir tafla yfir hita- og úrkomumeðaltöl frá árinu 2000 fyrir þrjár veðurstöðvar Norðaustanlands.

Kynbótahross sem náðu lágmarseinkunnum fyrir landsmót í vorsýningum hafa aldrei verið fleiri en nú. Rétt til að koma fram á kynbótabrautinni hafa nú 281 hross en 255 hafa boðað komu sína á Gaddstaðaflatir. Til þess að bregðast við þessum mikla fjölda hefur reynst nauðsynlegt að bæta sunnudeginum 29. júní við, sem dómadegi.

Vakin er athygli á námskeiði á vegum FEIF fyrir unga knapa, um þjálfun og sýningu kynbótahrossa. Áhugsamir hafi samband við Gunnfríði í gegnum netfangið geh@rml.is fyrir föstudag 27. júní.