Fréttir

Opnað verður fyrir skráningar á kynbótasýningar miðsumars þann 10. júní næstkomandi. Að þessu sinni verða miðsumarssýningar á tveimur stöðum, Gaddstaðaflötum við Hellu og á Hólum í Hjaltadal. Skráning og greiðsla fer fram í gegnum heimasíðu RML, www.rml.is en á forsíðunni er flýtihnappur sem skráð er í gegnum. Á forsíðu WorldFengs er einnig hægt að skrá hross til sýningar. Leiðbeiningar um skráningarkerfið má finna í tengil hér fyrir neðan.

Hér að neðan má nálgast hollaröð fyrir yfirlitssýningu 1. dómaviku á Hellu, sem fer fram föstudaginn 5. júní. Yfirlitið hefst kl. 08:00 og áætluð lok um kl. 17:00.

Yfirlitssýning 1. dómaviku á Hellu fer fram föstudaginn 5. júní og hefst stundvíslega kl. 8:00. Nánar og betur um hollaröð og fleira verður birt hér á heimasíðunni þegar dómum lýkur í kvöld. ph/ok

Kynbótasýningar verða á þremur stöðum vikuna 8. til 12. júní, á Gaddstaðaflötum, Hólum og Sörlastöðum. Búið er að birta hollaröðun hér á vefnum og má nálgast hana með því að smella á tengil hér fyrir neðan. Sýningin á Gaddstaðaflötum stendur alla vikuna en þar eru 132 hross skráð. Dómar hefjast á mánudegi 8. júní og lýkur með yfirlitssýningu á föstudegi 12. júní. Á Sörlastöðum eru skráð hross 94 og hefst sýningin á mánudegi og lýkur með yfirlitssýningu á fimmtudeginum 11. júní. Á sýninguna á Hólum eru 76 hross skráð og hefst hún þriðjudaginn 9. júní og lýkur með yfirlitssýningu föstudaginn 12. júní.

Föstudaginn 29. maí s.l var undirritaður samningur á milli Ráðgjafarmiðstöðvar landbúnaðarins og Eiðfaxa með aðkomu Landsmóts ehf, þar sem RML veitir Eiðfaxa leyfi til upptöku á öllum kynbótasýningum sem haldnar verða í júní 2020. Með þessu er RML að tryggja það að inn í Worldfeng fari myndbönd af þeim 170 hrossum sem hefðu í eðlilegu ári farið inn á Landsmót og er liður í að varðveita mikilvægt efni um kynbótastarf íslenska hestsins. Vonandi er þetta skref í þá átt að gera upplýsingar um ræktun íslenska hestsins aðgengilegri bæði fyrir innlenda og erlenda áhugamenn. Á myndinni má sjá Magnús Benediktsson, framkvæmdastjóra Eiðfaxa og Karvel L Karvelsson, framkvæmdastjóra RML, Covid-handsala samninginn.

Yfirlit kynbótasýningar í Spretti fer fram 3. júní og hefst kl. 9.00 Áætluð lok yfirlits eru um kl. 10:20

Lokaskráningardagur er næstkomandi föstudag 29. maí á sýningar sem verða í annarri og þriðju viku júní. Í töflunni hér neðar má sjá um hvaða sýningar er að ræða. Þegar er orðið fullt á allar vorsýningar á Gaddstaðaflötum við Hellu, seinni vikuna á Sörlastöðum og seinni vikuna á Hólum í Hjaltadal.

Kynbótasýning verður í Spretti í Kópavogi þriðjudaginn 2. júní og lýkur henni með yfirlitssýningu daginn eftir. Alls eru 31 hross skráð á sýninguna. Sýningin á Gaddstaðaflötum stendur alla vikuna en þar eru 99 hross skráð. Dómar hefjast þriðjudaginn 2. júní og lýkur með yfirlitssýningu á föstudeginum 5. júní.

Lokaskráningardagur er næstkomandi föstudag 22. maí á sýningar sem verða í fyrstu viku júní. Í töflunni hér að neðan má sjá um hvaða sýningar er að ræða. Skráningafrestur hefur verið framlengdur til 29. maí á aðrar sýningar í júní. Þegar er orðið fullt á allar vorsýningar á Gaddstaðaflötum við Hellu en nóg af plássum á öðrum sýningum.

Við vekjum athygli bænda á upplýsingum frá Bjargráðasjóði. Þegar sótt er um til Bjargráðasjóðs varðandi girðinga- eða kaltjón er gott að skoða þessar upplýsingar.