Fréttir

Móttaka á pöntunum á lambadómum er nú hafin. Best er að bændur panti sjálfir í gegnum heimasíðu RML (sjá tengil á forsíðu) en einnig er hægt að hringja í 516-5000 og láta taka pöntunina niður. Eindregið er óskað eftir því að bændur panti fyrir 16. ágúst svo skipuleggja megi þessa vinnu með sem hagkvæmustum hætti.

Þá er fordómum lokið á kynbótahrossum á Fjórðungsmóti Vesturlands í Borgarnesi. Alls mættu 52 hross til dóms sem lauk fyrr í dag. Yfirlitssýning fer fram á aðalvellinum á morgun föstudag 9.júlí og hefst kl. 11:00 á 7 vetra og eldri hryssum.

Vegna ónógrar þátttöku þá falla tvær miðsumarssýningar niður. Það er sýning sem vera átti á Fljótsdalshéraði 15.-16. júlí og sýning I á Gaddstaðaflötum við Hellu dagana 12.-16. júlí. Bætt hefur verið við degi á Hellusýningu III á Gaddstaðaflötum og bætist þar við sunnudagurinn 25. júlí. Hollaröðun fyrir sýningu II á Gaddstaðaflötum við Hellu dagana 19.-23. júlí kemur inn á heimasíðuna í byrjun næstu viku.

Opnað verður á skráningar á síðsumarssýningar mánudaginn 12. júlí. Skráning og greiðsla fer fram hér í gegnum heimasíðu RML en á forsíðunni er flýtihnappur sem skráð er í gegnum. Á forsíðu WorldFengs er einnig hægt að skrá hross til sýningar. Leiðbeiningar um skráningarkerfið er einnig að finna hér á heimasíðunni.

Fjórðungsmót Vesturlands verður haldið í Borgarnesi dagana 7.-11.júlí. Mótið hefst með reiðdómi á fjögurra vetra hryssum kl 10:00 þann 7. júlí. Kynbótahrossin sem eru skráð til leiks eru 62.

Lokaskráningardagur er næstkomandi föstudag 2. júlí á miðsumarssýningar. Skráning og greiðsla fer fram í gegnum heimasíðu RML en á forsíðunni er flýtihnappur sem skráð er í gegnum. Á forsíðu WorldFengs er einnig hægt að skrá hross til sýningar. Leiðbeiningar um skráningarkerfið er einnig að finna á heimasíðu RML. Sýning verður ekki haldin nema lágmarksfjöldi skráninga náist sem eru 30 hross. Gerð er undantekning á þessu fyrir sýninguna á Stekkhólma á Fljótsdalshéraði en þar verða að nást 15 skráningar svo sýning verði haldin.

Fagráð í nautgriparækt fundaði nú í morgun og ákvað að setja átta ný naut í notkun sem reynd naut. Þetta eru Álmur 16007 frá Svertingsstöðum 2 í Eyjafirði undan Kletti 08030 og Lenu 522 Glæðisdóttur 02001, Skírnir 16018 frá Miðfelli 5 í Hrunamannahreppi undan Gusti 09003 og Mánu 384 Síríusdóttur 02032, Róður 16019 frá Stóra-Dunhaga í Hörgársveit undan Keip 07054 og Þrumu 451 Lykilsdóttur 02003, Dalur 16025 frá Dalbæ í Flóa undan Bamba 08049 og Aðalbjörgu 510 Aðalsdóttur 02039,

Loftslagsvænn landbúnaður er hluti af aðgerðaáætlun stjórnvalda í loftslagsmálum. Markmið verkefnisins er að draga úr losun gróðurhúsalofttegunda og auka kolefnisbindingu. Samningur var undirritaður fyrr í mánuðinum við atvinnuvega- og nýsköpunarráðuneytið og umhverfis- og auðlindráðuneytið um að stækka verkefnið og bjóða fimmtán búum í nautgriparækt að hefja þátttöku í haust.

Nú styttist í að Fjórðungsmót Vesturlands í Borgarnesi hefjist og hefur undirbúningur á kynbótahrossum gengið vel. Vel var mætt á kynbótasýningar vorsins og komu mörg frábær hross til dóms. Alls hafa 68 hross staðfest komu sína á Fjórðungsmót og verður gaman að fylgjast með þeim.

Fjórðungsmót Vesturlands og Landssýning kynbótahrossa verður haldið dagana 7.-11.júlí í Borgarnesi. Sýningarskrá fyrir fjórðungsmót og landssýningu er hér að neðan.