Fréttir

Þessa dagana hafa ráðunautar RML verið að heimsækja þá bændur sem eru skráðir í Sprotann - jarðræktarráðgjöf. Eitt helsta markmið verkefnisins er að stuðla að markvissri áburðarnýtingu. Mikilvægur hluti þess að nýting áburðar verði góð er að halda til haga upplýsingum um það sem gert er í jarðræktinni.

Nokkuð hefur verið rætt og ritað um ærdauða að undanförnu og af þeim sökum hefur verið opnuð leið til að skrá vanhöld á sauðfé rafrænt.

Aldrei er góð vísa of oft kveðin. Það á einnig við um góð heilræði. Fyrir rétt um ári síðan setti Bjarni Guðmundsson prófessor á Hvanneyri á blað eftirfarandi ábendingar um heyverkun sem rétt er að rifja upp núna.

Aukasýning verður á Kjóavöllum á svæði hestamannafélags Spretts dagana 22. - 24. júní 2015. Dómar hefjast kl. 13:00 mánudaginn 22. júní. Yfirlitssýning verður miðvikudaginn 24. júní. Alls eru 48 hross skráð til dóms.

Ekki náðist tilskilinn lágmarksfjöldi á fyrirhugaða kynbótasýningu á Sauðárkróki og fellur hún því niður. Nánari upplýsingar er hægt að fá í síma 516-5000. Hollaröðun fyrir kynbótasýningu á félagssvæði Spretts þann 22. júní er í vinnslu og verður birt hér á vefnum síðar í dag.

Í ljósi þess að ekki hefur verið hægt að sýna hóp af 5 vetra stóðhestum vegna verkfalls dýralækna sem starfa hjá Matvælastofnun hefur verið ákveðið að bjóða upp á tvær aukasýningar, eina á félagssvæði Spretts og aðra á Sauðárkróki. Þessar sýningar byrja mánudaginn 22. júní.

Þann 15. júní verður opnað á skráningar á miðsumarssýningar og þann 18. júlí á síðsumarssýningar. Skráning og greiðsla fer fram í gegnum netið á síðunni www.worldfengur.com þar sem valið er „skrá hross á kynbótasýningu“. Einnig er hægt að skrá hér í gegnum heimasíðuna www.rml.is en á forsíðunni hægra megin er valmyndin „skrá á kynbótasýningu“.

Opnað hefur verið fyrir móttöku rafrænna pantana á lambadómum fyrir komandi haust. Líkt og verið hefur er m.a. tekið tillit til þess við skipulagningu sauðfjárdóma hversu tímalega bændur hafa pantað. Nánari upplýsingar um lambadóma verða kynntar betur síðar.

Síðustu daga hafa jarðræktar- og fóðurráðunautar RML fundað með sænska jarðræktarráðunautinum Lars Ericsson. Lars starfar við jarðræktarráðgjöf og rannsóknir norðarlega í Svíþjóð (Västerbotten) en aðstæður þar eru um margt líkar því sem við þekkjum hér á landi. Ríkharð Brynjólfsson og Guðni Þorvaldsson prófessorar hjá LbhÍ tóku þátt í fundinum sem var mjög fróðlegur og gagnlegur.

Að undanförnu hefur vaknað nokkur umræða um vanhöld á sauðfé. Skýringin virðist ekki einföld og dýralæknar sem starfa hjá Matvælastofnun hafa fengið undanþágu frá verkfalli til þess að koma að málinu, m.a. með töku blóðsýna svo leita megi orsakanna. Landssamtök sauðfjárbænda hafa á vef sínum óskað eftir upplýsingum frá bændum svo átta megi sig á umfanginu.