Fréttir

Fagráð í nautgriparækt fundaði í gær í kjölfar þess að keyrt var nýtt kynbótamat núna í maí. Ákveðið var að hefja dreifingu á sæði úr þrem nýjum reyndum nautum. Þau eru Gustur 09003 frá Hóli í Sæmundarhlíð sem kemur til notkunar sem nautsfaðir, Foss 09042 frá Fossi í Hrunamannahreppi og Gæi 09047 frá Svertingsstöðum 2 í Eyjafirði. Nú þegar hefur frjótæknum verið sent sæði úr þessum nautum.

Skráningarfrestur á kynbótasýningar í Víðidal, Gaddstaðaflötum og Miðfossum rann út síðastliðinn föstudag. Miðað við þær skráningar sem komnar voru inn þegar skráningafresti lauk er nú búið að manna sýningar og festa sýningardaga.

Eins og fram hefur komið liggur aflestur röntgenmynda af hækilliðum stóðhesta niðri vegna verkfalls dýralækna sem starfa hjá Matvælastofnun. Af þessum sökum hefur ekki verið hægt skrá þá stóðhesta á kynbótasýningar sem ekki voru komnir með staðfestingu á hækilmyndum í WorldFeng fyrir verkfall.

Dómar hefjast á Sauðárkróki miðvikudaginn 27. maí kl. 10 Sjá hollaröðun í fréttinni með því að smella á nánar.

Þann 1. júní nk. verður breyting á sölufyrirkomulagi plötumerkja í nautgripi og svín við pantanir í einstaklingsmerkingakerfinu MARK (www.bufe.is). Bændasamtök Íslands munu hætta umsýslu með sölu merkjanna og á sama tíma verður hætt að draga kaupverð á plötumerkjum í nautgripi af beingreiðslum til bænda. Kaup og sala á plötumerkjum verður frá og með 1. júní 2015 alfarið á milli merkjasala og bænda, eins og verið hefur við pöntun á t.d. plötumerkjum fyrir sauðfé. Merki verður eftir sem áður hægt að panta í gegnum MARK og þar verður engin breyting á fyrirkomulagi við pöntun. Eina breytingin er, eins og áður sagði, að frá og með 1. júní n.k. verður sendur reikningur með pöntuðum merkjum en kaupverðið ekki dregið af beingreiðslum.

Hollaröð á yfirlitssýningu kynbótasýningar á Sörlastöðum er komin hér á vefinn. Yfirlitssýningin hefst stundvíslega kl. 9:00 og áætluð lok eru um kl. 11:30-12:00.

Yfirlitssýning kynbótahrossa fer fram á Sörlastöðum í Hafnarfirði föstudaginn 22. maí og hefst kl. 9:00. Röð flokka verður eftirfarandi:

Við viljum minna á að lokaskráningardagur á allar vorsýningar á suðvesturhorni landsins er föstudaginn 22. maí næstkomandi. Sýningarnar sem um ræðir eru á Gaddstaðaflötum, Miðfossum og í Víðidal. Hætt er við að mikið álag skapist þann dag á skráningarkerfið, þannig það er um að gera að drífa í að skrá sem fyrst.

Kynbótasýning verður á Kjóavöllum í Kópavogi dagana 28.-29. maí 2015. Dómar fara fram fimmtudaginn 28. maí og hefjast klukkan 08:00. Yfirlitssýning verður föstudaginn 29. maí. Alls eru 35 hross skráð til dóms. Búið er að birta hollaröðun á sýningunni hér á vefnum og má nálgast hana með því að smella á hnappinn "Röðun hrossa á kynbótasýningum" hér hægra megin á forsíðunni.

Fyrirhugað er að bjóða upp á að skoða unga ógelta fola í Eyjafirði og Þingeyjarsýslum þriðjudaginn 26. maí ef nægur áhugi reynist fyrir hendi. Skoðunin verður framkvæmd af Þorvaldi Kristjánssyni ábyrgðarmanni hrossræktar hjá RML og gefur hann skriflega umsögn um hvern fola. Farið verður heim á bæi og þarf að greiða 6.200 kr m.vsk. fyrir fyrsta folann sem skoðaður er á hverjum stað en 3.720 kr (m.vsk.)