Fréttir

Dagana 19. til 23. júní var haldinn fundur í alþjóðlegu verkefni sem snýst um rannsóknir á riðuveiki á Íslandi. Þátttakendur í þessu verkefni eru sérfræðingar sem koma frá 5 löndum auk Íslands en fundinn sóttu 14 erlendir sérfræðingar. Þeir komu frá Bretlandi, Frakklandi, Ítalíu, Spáni og Þýskalandi. Þar að auki eru fjórir Íslenskir þátttakendur, en það eru þau Karólína Elísabetardóttir, Hvammshlíð, Stefanía Þorgeirsdóttir og Vilhjálmur Svansson frá Keldum og Eyþór Einarsson frá RML.

Notendakönnun Huppu hefur nú verið sett í loftið. Könnunin er aðgengileg öllum þeim sem hafa virka áskrift að forritinu. Til að taka þátt í könnuninni þarf að skrá sig inn í Huppu og smella á hlekk sem er í frétt á forsíðunni. Með könnunnuninni langar okkur að fá betri yfirsýn yfir notkun bænda á forritinu og hvaða áherslur þeir vilja helst sjá varðandi áframhaldandi þróun á því. Við hvetjum alla notendur Huppu til koma sínum sjónarmiðum á framfæri með því að taka þátt í könnuninni og þannig aðstoða okkur að gera forritið betra. 

Frestur til skráninga á kynbótasýningu á Fjórðungsmóti á Stekkhólma hefur verið framlengdur til miðnættis sunnudagsins 2. júlí. Stefnt er að því að dæma fimmtudaginn 6. júlí og yfirlit á föstudeginum 7. júlí.

Síðasti skráningardagur á kynbótasýninguna sem verður í tengslum við Fjórðungsmótið á Stekkhólma er á miðnætti sunnudaginn 25. júní. Skráning og greiðsla fer fram hér á heimasíðu RML. Reiknað er með að dæmt verið dagana 5. og 6. júlí og yfirlitssýning verði föstudaginn 7. júlí.

Yfirlit síðustu viku vorsýninga á Rangárbökkum fer fram föstudaginn 23. júní og hefst stundvíslega kl. 09:00. Röð hrossa má nálgast í gegnum tengil hér neðar. Áætluð lok sýningar um kl. 14:50-15:05. (Ath. reiknað er með að hvert holl taki um 13,5mín. í keyrslu).

Hér að neðan má nálgast hollaröð fyrir yfirlitssýningu á Selfossi, fimmtudaginn 22. júní. Yfirlitið hefst stundvíslega kl. 8:00 og áætluð lok eru um kl. 13:00.

Hér má sjá hollaröðun á yfirlitssýningu kynbótahrossa sem fer fram á Hólum fimmtudaginn 22.06.2023. Sýningin hefst stundvíslega kl. 8:30

Nú hefur verið lokið við aðskilnað Heiðrúnar og Fjárvís og Heiðrún komin í loftið sem sjálfstæður gagnagrunnur og skýrsluhaldskerfi. Með uppfærðri og sjálfstæðri Heiðrúnu vonumst við til að koma betur til móts við þarfir geitfjárbænda í skýrsluhaldinu. Líkt og í öðrum skýrsluhaldskerfum þarf að fara í gegnum Bændatorg til að skrá sig inn í Heiðrúnu en kerfið er nú staðsett á slóðinni www.heidrun.is. Nánar verður fjallað um uppfærða Heiðrúnu í næsta Bændablaði. 

Kynbótasýning fer fram á Hólum dagana 21.06. og 22.06. n.k. (miðvikudagur og fimmtudagur) - 34 hross eru skráð til dóms og verður dæmt á miðvikudaginn 21.06. Yfirlit fer fram fimmtudaginn 22.06. og hefst kl. 8:30 Hér má sjá hollaröðun fyrir sýninguna

RML starfrækir nú þrjár sjálfvirkar veðurstöðvar sem tengdar eru við mygluspárkerfi Euroblight í Danmörku. Stöðvarnar eru staðsettar í Þykkvabæ, Eyjafirði og Hornafirði nærri ræktunarsvæðum kartöflubænda. Með mygluspánni geta bændur fylgst með mygluhættu jafnóðum og þannig beitt markvissari og öruggari vörnum gegn kartöflumyglu.