Fréttir

Yfirlitssýning miðsumarssýningar á Selfossi fer fram föstudaginn 29.júlí Þá er hollaröðun klár og eins og fram kom í frétt fyrr í dag hefst hún stundvíslega kl. 08:00 á hryssum 7 vetra og eldri. Hollaröðun má sjá hér að neðan :

Yfirlitssýning Miðsumarssýningar á Selfossi fer fram föstudaginn 29. júlí og hefst kl. 8:00. Hefðbundin röð flokka. Hollaröð verður birt hér svo fljótt sem kostur er, seint í kvöld, en allir reiðdómar úrhellisdagsins 27. júlí verða keyrðir fram eftir kvöldi fimmtudags

Nú er búið að lesa inn í Fjárvís niðurstöður úr riðuarfgerðagreiningum fyrir allar kindur sem búið er að greina og hægt var að lesa niðurstöður inn fyrirhafnarlaust. Enn eiga eftir að koma upplýsingar úr sýnum sem þurft hefur að endurgreina og öllum sýnum sem fóru í greiningu eftir 20. maí. Hægt er að sjá niðurstöður um arfgerðir í einstökum sætum en til frekari upplýsinga hefur verið sett upp litakerfi sem sem lýsir á einfaldan hátt næmi fyrir riðusmiti og hvernig skynsamlegt er að vinna með viðkomandi gripi í ræktunarstarfinu.

Niðurstöður skýrsluhalds nautgriparæktarinnar nú í júní, hafa nú verið birtar á vef okkar. Niðurstöðurnar byggjast á skilum eins og þau voru um hádegisbilið þann 21. júlí.

Ein miðsumarssýning mun fara fram vikuna 25.-29.júlí á Selfossi. Á Selfossi eru 112 hross skrá til dóms og munu dómar hefjast stundvíslega kl. 8:00 mánudaginn 25.júlí og ljúka með yfirlitssýningu föstudaginn 29.júlí. Við viljum biðja knapa að mæta tímanlega svo hægt sé að halda tímasetningum sem best.

Móttaka á pöntunum á lambadómum er nú hafin. Best er að bændur panti sjálfir í gegnum heimasíðu RML (sjá tengil á forsíðu) en einnig er hægt að hringja í 516-5000 og láta taka pöntunina niður. Eindregið er óskað eftir því að bændur panti fyrir 18. ágúst svo skipuleggja megi þessa vinnu með sem hagkvæmustum hætti.

Opnað verður á skráningar á síðsumarssýningar föstudaginn 15. júlí. Skráning og greiðsla fer fram í gegnum heimasíðu RML en á forsíðunni er flýtihnappur sem skráð er í gegnum. Á forsíðu WorldFengs er einnig hægt að skrá hross til sýningar. Nánari leiðbeiningar varðandi skráningar er að finna hér á heimasíðunni.

Síðasti skráningardagur á miðsumarssýningar er næstkomandi miðvikudagur 13. júlí. Í töflunni hér að neðan má sjá hvaða sýningar eru í boði. Skráning og greiðsla fer fram í gegnum heimasíðu RML en á forsíðunni er flýtihnappur sem skráð er í gegnum. Á forsíðu WorldFengs er einnig hægt að skrá hross til sýningar. Nánari leiðbeiningar varðandi skráningar er að finna hér á heimasíðunni.

Á morgun fimmtudaginn 7.júlí fer fram yfirlitssýning stóðhesta á Landsmóti hestamanna á Gaddstaðaflötum á Hellu. Hefst það stundvíslega kl. 8:00 á flokki 4 vetra stóðhesta. Dagskrá 8:00 - Yfirlit 4 vetra stóðhesta Hlé 9:40 - Yfirlit 5 vetra stóðhesta Matarhlé 11:40 - Yfirlit 6 vetra stóðhesta Hlé 13:20 - Yfirlit 7 vetra og eldri stóðhesta Áætluð lok kl. 14:25.

Á morgun miðvikudaginn 6.júlí fer fram yfirlitssýning hryssna á Landsmóti hestamanna á Gaddstaðaflötum á Hellu. Dagskrá 08:30 - Yfirlit 7v og eldri hryssna Hlé 10:00 - Yfirlit 6 vetra hryssna Matarhlé 13:00 - Yfirlit 5 vetra hryssna Hlé 16:15 - Yfirlit 4 vetra hryssna