Fréttir

Síðsumarssýning á Gaddstaðaflötum fer fram dagana 15. til 19. ágúst. Dómar hefjast stundvíslega mánudaginn 15. ágúst kl. 8:00. Alls eru 125 hross skráð á sýninguna. Sýningunni lýkur með yfirlitssýningu á föstudeginum 19. ágúst. Við viljum biðja sýnendur að mæta tímalega svo hægt verði að halda tímasetningar sem best.

Síðsumarssýning á Hólum í Hjaltadal fer fram dagana 16.-18.ágúst. Skráð eru 71 hross til dóms og hefst sýningin stundvíslega kl. 8:00 þriðjudaginn 16.ágúst og yfirlitssýning fer fram fimmtudaginn 18.ágúst.

Sigurður Max Jónsson hefur hafið störf hjá RML. Hann mun starfa sem ráðunautur á rekstrar- og umhverfissviði. Starfsstöð Sigurðar er á Egilsstöðum, beinn sími hjá honum er 516 5089 og netfangið hans er siggimax@rml.is. Við bjóðum Sigurð velkominn til starfa. Á starfsstöðinni á Egilsstöðum starfa auk Sigurðar, Guðfinna Harpa Árnadóttir á búfjárræktar- og þjónustusviði og Anna Lóa Sveinsdóttir á rekstrar- og umhverfissviði.

Bændur eru hvattir til að ganga frá skráningum í Jörð.is sem fyrst til að geta notið jarðræktarstyrkja í garðyrkju ásamt sérstakri álagsgreiðslu. Umsóknarfrestur er til 15. ágúst. Starfsfólk RML aðstoðar bændur við skráningar og að teikna upp garðlönd ef þurfa þykir.

Að vanda býður RML upp á heysýnatöku og er hægt að panta heysýnatöku og fóðurráðgjöf á heimasíðu RML (hnappur á forsíðu).

Kynbótasýning sem vera átti á Sörlastöðum vikuna 15. til 19. ágúst fellur niður þar sem einungis 17 hross voru skráð. Haft verður samband við eigendur hrossanna og þeim boðið pláss á síðsumarssýningunni á Gaddstaðaflötum þessa sömu viku eða að fá sýningargjaldið endurgreitt.

Senn líður að því að kynbótamat fyrir frjósemi sauðfjár verði reiknað og teknar inn upplýsingar um frjósemi frá því í vor.

Dreifing er hafin á sæði úr Angus-nautunum Jóakim 21403 og Jenna 21405 en þeir fæddust á einangurunarstöð NautÍs á Stóra-Ármóti í fyrra. Þeir, Jóakim 21403 og Jenni 21405, eru báðir undan Jens av Grani NO74061. Móðurfaðir Jóakims er Li’s Great Tigre NO74039 en móðurfaðir Jenna er Horgen Erie NO74029.

Til að verða við óskum Austfirðinga hefur verið ákveðið að bjóða upp á sýningu á Fljótsdalshéraði þann 22. ágúst sem lýkur með yfirlitssýningu 23. ágúst. Til að sýning verði haldin verða að nást að lágmarki 15 skráningar. Skráning er þegar hafin og er lokaskráningardagur föstudagurinn 12. ágúst.

Síðasti skráningardagur á síðsumarssumarssýningar er næstkomandi föstudagur 5. ágúst. Í töflunni hér fyrir neðan má sjá hvaða sýningar eru í boði. Skráning og greiðsla fer fram í gegnum heimasíðu RML www.rml.is en á forsíðunni er flýtihnappur sem skráð er í gegnum. Á forsíðu WorldFengs er einnig hægt að skrá hross til sýningar. Nánari leiðbeiningar varðandi skráningar er að finna hér á heimasíðunni.