Fréttir

Kynbótasýning verður í Spretti í Kópavogi dagana 30. maí til 10. júní. Dómar hefjast stundvíslega kl. 8:00 mánudaginn 30. maí. Yfirlitssýningar verða föstudagana 3. júní og 10. júní. Alls eru 264 hross skráð á sýninguna.

Yfirlit kynbótasýningar á Brávöllum, Selfossi, fer fram föstudaginn 27. maí og hefst kl. 8:00. Röð flokka verður með hefðbundnu sniði, þ.e. byrjað á elstu hryssum og niður í þær yngstu, þá yngstu hestar og endað á elstu stóðhestum.

Kynbótasýning verður á Mið-Fossum í Borgarfirði dagana 1.-2. júní 2016. Dómar hefjast stundvíslega kl. 8:00 miðvikudaginn, 1. júní. Yfirlitssýning verður fimmtudaginn 2.júní frá kl. 9:00 til 12:00.

Kynbótasýning fer fram á Hólum í Hjaltadal dagana 6.-10. júní, verði þátttaka næg. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“. Einnig er hægt að skrá hross til sýningar hér á heimasíðu RML í gegnum flýtihnapp á forsíðunni.

Skráningarfrestur á kynbótasýninguna á Mið-Fossum dagana 6. til 10. júní hefur verið framlengdur fram á miðnætti á föstudag 27. maí. Skráning og greiðsla fer fram í gegnum netið á síðunni www.worldfengur.com þar sem valið er „skrá hross á kynbótasýningu“. Allar frekari upplýsingar má fá í síma Ráðgjafarmiðstöðvar landbúnaðarins 516-5000 eða á heimasíðunni www.rml.is, þar eru t.d. leiðbeiningar um hvernig eigi að skrá hross á sýningu. Einnig er hægt að senda fyrirspurnir á netföngin lr@rml.is og halla@rml.is.

Undanfarna daga hefur verið að koma í ljós að kal er víða umtalsvert og munu margir bændur því þurfa að bregðast við fyrirsjáanlegu uppskerutapi. Árið 2013 var einnig umtalsvert kal og þá voru teknar saman leiðbeiningar um viðbrögð við því sem rétt er að rifja upp að nýju.

Yfirlitssýning á Sörlastöðum hefst stundvíslega kl. 9:00. Röð flokka verður eftirfarandi: 7v. og eldri hryssur 6v. hryssur 5v. hryssur Hádegishlé 4v. hryssur 5v. stóðhestar 6v. stóðhestar 7v. og eldri hestar

Kynbótasýning verður á Iðavöllum í Fljótsdalshéraði dagana 26.-27.maí 2016. Dómar hefjast stundvíslega kl. 12:30 fimmtudaginn, 26. maí. Yfirlitssýning verður föstudaginn 27.maí frá kl. 9:00 til 11:00.

Yfirlit kynbótasýningar á Sörlastöðum fer fram föstudaginn 20. maí og hefst kl. 9:00. Röð flokka verður með hefðbundnu sniði, byrjað á elstu hryssum og endað á elstu stóðhestum. Hollaröð verður birt á www.rml.is svo fljótt sem verða má eftir að dómum lýkur fimmtudaginn 19. maí.

Kynbótasýning verður á Selfossi dagana 23.-27. maí 2016. Dómar hefjast stundvíslega kl. 8:00 mánudaginn 23. maí. Yfirlitssýning verður föstudaginn 27. maí. Alls eru 132 hross skráð á sýninguna. Búið er að birta hollaröðun hér á vefnum og má nálgast hana með því að smella á hnappinn "Röðun hrossa á kynbótasýningum" hér hægra megin á forsíðunni eða hlekkinn hér að neðan.