Fréttir

Sumarleyfi standa nú sem hæst og dagana 14.júlí – 4.ágúst verða margar starfsstöðvar RML lokaðar sökum þess. Síminn verður þó opinn eins og venjulega frá 8:00-12:00 og frá 12:30 – 16:00 og ráðunautar á vakt sem svara erindum sem berast til RML. Aðalnúmerið er 516 5000 Hér í fréttinni má sjá töflu yfir það á hvaða starfsstöðvum verður opið þessar vikur. Athugið að sumsstaðar er lítil viðvera.

Sökum dræmrar þátttöku fellur niður fyrirhuguð miðsumarssýning á Dalvík 28.-30. júli. Haft verður samband við þá sem skráð höfðu hross á sýninguna. Einnig má senda tölvupóst á rml@rml.is eða agg@rml.is varðandi endurgreiðslu eða breytingu á skráningu.

Yfirlit miðsumarssýningar á Gaddstaðaflötum fer fram þriðjudaginn 22. júlí og hefst stundvíslega kl. 9:00. Hollaröðina má nálgast hér á síðunni en áætluð lok sýningarinnar eru um kl. 10:50.

Það var Hákon B. Harðarson sem sigraði í myndaleiknum okkar á facebook en það var hans heyskaparmynd sem fékk flest „like“ fyrir lok fimmtudagsins 17. júlí. Að verðlaunum hlýtur Hákon ráðgjafarpakka RML að eigin vali fyrir andvirði allt að 50.000 krónum og verður haft samband við hann vegna þessa fljótlega.

Vorið 2014 var mjög gott og sauðburður gekk víðast hvar vel að teknu tilliti til tíðarfars samanborið við undangengin vor. Núna er það heyskapur sem stendur yfir en hann gengur misvel sökum tíðarfars. Sauðfjárbændur hafa verið duglegir að ganga frá upplýsingum um sauðburð í Fjárvís en rétt er að minna bændur á að nýta rigningardagana til að ljúka við vorskýrsluhaldið. Líkt og gert var fyrir ári síðan var kynbótamat fyrir frjósemi sem tók mið af vorgögnum reiknað áður en haustbækur voru sendar út og mæltist það vel fyrir hjá bændum.

Kynbótasýning fer fram á Dalvík dagana 28.-30. júlí verði þátttaka næg. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“. Einnig er hægt að skrá hross til sýningar hér á heimasíðu RML í gegnum flýtihnapp á forsíðunni.

Miðsumarssýningin fer fram dagana 21. – 22. júlí, dæmt á mánudegi og yfirlitssýning á þriðjudegi. Yfirlitssýningin hefst kl. 9:00.

Niðurstöðurnar úr skýrslum nautgriparæktarinnar í júní 2014 hafa nú verið birtar á vef okkar. Þegar niðurstöðurnar sem nú birtast urðu til á miðnætti aðfaranótt 11. júlí var búið að skila skýrslum fyrir síðastliðinn mánuð frá 87% þeirra búa sem nú eru skráð til þátttöku í skýrsluhaldinu. Reiknuð meðalnyt 21.112 árskúa á búunum, sem skýrslurnar höfðu borist frá, síðastliðna 12 mánuði var 5.702 kg

Þann 20. júní var opnað fyrir skráningar á kynbótasýningar miðsumars og þann 14. júlí verður opnað fyrir skráningar á síðsumarsýningar. Skráning og greiðsla fer fram á netinu í gegnum síðuna www.worldfengur.com þar sem valið er „skrá hross á kynbótasýningu“

Ennþá er möguleiki að skrá sig á FEIF-námskeið fyrir unga kynbótaknapa, sem haldið verður í Þýskalandi í ágúst.