Fréttir

Sýningin í Víðidal í Reykjavík hefst mánudaginn 13. maí kl. 07:50 með mælingum, dómar hefjast kl. 08:00. Yfirlitssýning verður síðan þriðjudaginn 14. maí og hefst kl. 09:30.

Kynbótasýning fer fram á Sörlastöðum í Hafnarfirði dagana 21. til 24. maí. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“. Einnig er hægt að skrá hross til sýningar hér á heimasíðu RML í gegnum flýtihnapp á forsíðunni.

Fóðurblandan hefur sent frá sér tilkynningu þess efnis að tilbúið fóður lækki um allt að 5% frá og með deginum í dag, 6. maí 2013. Lækkunin er mismikil eftir tegundum. Ástæðan er að sögn fyrirtækisins styrking íslensku krónunnar og lækkun á hráefnum til fóðurgerðar erlendis.

Kynbótasýning fer fram á félagssvæði Léttis á Akureyri dagana 16. og 17. maí næstkomandi ef næg þátttaka fæst. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“.

Sunnlenski sveitadagurinn stendur nú yfir á Selfossi en hann hófst kl. 12.00 og stendur fram til kl. 17.00 á athafnasvæði Jötuns véla og Vélaverkstæði Þóris við Austurveg. Ráðgjafarmiðstöð landbúnaðarins er að sjálfsögðu á staðnum með kynningu á starfsemi sinni. Fjöldi fólks er á svæðinu enda margt að sjá og gera.

Skráningarfrestur á kynbótasýninguna í Víðidal dagana 13. og 14. maí hefur verið framlengdur til miðnættis á sunnudag 5. maí. Skráning og greiðsla fer fram í gegnum netið á síðunni www.worldfengur.com þar sem valið er „skrá hross á kynbótasýningu“. Opnað var fyrir skráningar á allar kynbótasýningar vorsins þann 15. apríl síðastliðinn.

María Svanþrúður Jónsdóttir, ráðunautur RML sendi bændum á Norðurlandi bréf nú í morgun fyrir hönd ráðunauta RML, þar sem hún hvetur menn til að láta vita hafir þeir áhyggjur af því að heyforði þeirra nægi ekki framúr eftir þennan langa gjafavetur.

Sýningin á Selfossi hefst á þriðjudeginum 7. maí kl. 10:15 með mælingum, dómar hefjast kl. 10:30. Þar sem aðeins 13 hross eru skráð ætti dómum að vera lokið um kl. 15:00. Yfirlitssýning verður síðan miðvikudaginn 8. maí og hefst kl. 10:00. Hér fyrir neðan má sjá röðun hrossanna.

Lífland hefur gefið út nýjan verðlista á tilbúnu fóðri sem tekur gildi í dag, 1. maí. Lækkun er á öllum fóðurtegundum frá fyrri verðlista og nemur hún að lágmarki 4%. Lækkunin er mismunandi eftir tegundum en mest nemur hún 5%.

Kynbótasýning fer fram á félagssvæði Léttis á Akureyri dagana 15. til 17. maí ef næg þátttaka fæst. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“. Síðasti skráningar- og greiðsludagur er nk. föstudag 3. maí.