Fréttir

Að öllum kostum virtum og að höfðu samráði við ýmsa aðila í hópi tamningamanna hefur undirritaður ákveðið að færa fyrirhugaða miðsumarssýningu frá Selfossi að Gaddstaðaflötum við Hellu. Mál standa þannig að brautin á Selfossi virðist þola miður þá úrkomutíð sem staðið hefur svo að segja sumarlangt – og sér hvergi fyrir endann á. Brautin á Hellu er, sem stendur, líklegri til að þola það mikla álag sem fylgir jafn gleðilega stórri og viðamikilli kynbótasýningu.

Niðurstöður skýrslnanna í nautgriparæktinni við lok júní hafa verið reiknaðar og birtar hér á vef okkar. Þegar niðurstöðurnar urðu til um miðnætti síðastliðna nótt hafði verið skilað skýrslum frá 92% af þeim 583 búum sem voru skráð í skýrsluhaldið. Reiknuð meðalnyt 20.980,5 árskúa var 5.650 kg sem er 5 kg lækkun frá síðasta uppgjöri. Meðalfjöldi árskúa á búum þeim sem skýrslum hafði verið skilað frá var 39,0.

Kynbótasýning fer fram á Selfossi dagana 22. til 26. júlí næstkomandi og/eða svo sem skráningar gefa tilefni til. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“.

Fyrirspurnum vegna rekstrar- og fjármálaráðgjafar á vegum RML er svarað í síma 516 5060. Meðan sumarleyfi standa yfir þá er öðrum fyrirspurnum á sviði rekstrar og nýsköpunar svarað í síma 516 5061. Þjónusta fyrir dkBúbót er í síma 563 0368. Ef ekki næst í viðkomandi starfsmann á vakt þá má hafa samband við skiptiborð RML 516 5000 og skilja eftir skilaboð eða senda tölvupóst á Jóhönnu Lind á jl@rml.is eða Sigríði Bjarnadóttur á sb@rml.is.

Síðustu vikur hafa orðið nokkrar breytingar í starfsmannamálum RML. Eins og fram hefur komið áður hefur Sigríður Ólafsdóttir verið ráðin í starf hlunnindaráðunautar ásamt því að starfa sem almennur ráðunautur. Svanhildur Ósk Ketilsdóttir er komin til baka úr fæðingarorlofi og hefur verið ráðin til starfa sem tengjast orkumálum en einnig mun hún starfa sem almennur ráðunautur og er með starfsstöð á Akureyri.

Nú hefur verið opnað fyrir skráningar á kynbótasýningar það sem eftir lifir sumars. Þar er um að ræða eftirtaldar sýningar og daga með fyrirvara um breytingar háðar þátttöku:

Minnt er á að þeir sem hyggjast kaupa líflömb næsta haust skulu sækja um það rafrænt til Matvælastofnunar, í gegnum heimasíðu stofnunarinnar www.mast.is, fyrir 1. júlí nk. Þeir sem vilja geta haft samband við ráðunauta RML í síma 516 5000 og fengið aðstoð við að sækja um.

Nýtt kynbótamat fyrir kjötgæði (gerð og fitu sláturlamba) hefur verið reiknað og er aðgengilegt inni í skýrsluhaldskerfinu www.fjarvis.is. Líkt og undanfarin ár hefur listi yfir efstu hrúta verið tekinn saman og er hann aðgengilegur hér á heimasíðunni.

Á ríkisstjórnarfundi í morgun var samþykkt tillaga Sigurðar Inga Jóhannssonar sjávarútvegs- og landbúnaðarráðherra um 350 milljóna króna stuðning við bændur á þeim svæðum sem urðu illa úti vegna kals og snjóþyngsla.

Um síðustu áramót var reglum um greiðslur gæðastýringarálags breytt þannig að nú þarf að skila sýnum úr mjólk kúnna hið minnsta tvisvar á hverjum ársfjórðungi til Rannsóknarstofu SAM ef ætlunin er að halda eða öðlast rétt til að fá greitt gæðastýringarálag.