Fréttir

Kynbótasýning fer fram á Gaddstaðaflötum við Hellu dagana 19. til 23. ágúst. Dómar hefjast alla dagana kl. 8:00 og knapar eru vinsamlegast beðnir að mæta 10 mínútum fyrr með hrossin í mælingu. Ætlast er til að hrossin mæti í mælingu í þeirri röð sem þau eru skráð í byggingardóm. Til að sjá röðun hrossa er smellt á tengilinn hér fyrir neðan. Bæði er hægt að sjá röðun eftir stafrósröð knapa og dögum. Yfirlitssýning fer fram föstudaginn 23. ágúst og verður auglýst nánar þegar nær dregur.

Kynbótasýning fer fram á Blönduósi fimmtudaginn 15. og föstudaginn 16. ágúst næstkomandi, dómar hefjast kl. 9:00 á fimmtudeginum og yfirlitssýning hefst kl. 9:00 á föstudagsmorguninn. Smellið á tenglinn hér að neðan til að sjá lista yfir þau hross sem skráð eru til sýningar og hollaröðun á fimmtudeginum. Hollaröð á Blönduósi 15. ágúst 2013

Kynbótasýning fer fram á Miðfossum í Borgarfirði fimmtudaginn 15. og föstudaginn 16. ágúst næstkomandi, dómar hefjast kl. 13:00 á fimmtudeginum og yfirlitssýning verður kl. 10:00 á föstudagsmorguninn.

Niðurstöður skýrsluhalds nautgriparæktarinnar við lok júlí hafa verið reiknaðar og birtar hér á vef okkar. Við uppgjörið hafi verið skilað skýrslum frá 93% af þeim 582 búum sem eru skráð í skýrsluhaldið. Reiknuð meðalnyt 21.098,6 árskúa var 5.649 kg sem er 1 kg lækkun frá síðasta uppgjöri. Meðalfjöldi árskúa á búum þeim sem skýrslum hafði verið skilað frá var 39,0.

Á vef Bændasamtaka Íslands hefur verið auglýst að opnað hafi verið fyrir umsóknir um jarðræktarstyrki á Bændatorginu. Umsækjandi þarf að vera skráður fyrir búnaðargjaldsskyldri framleiðslu til að hljóta styrk. Sækja þarf um fyrir 10. september 2013. Á heimasíðu BÍ má einnig finna eyðublað til að sækja um á pappírsformi fyrir þá sem það kjósa sem og reglur um framlög til jarðræktar og hreinsunar affallsskurða en þar er kveðið á um ráðstöfun fjármagns úr jarðræktarsjóði.

Reiknað er með að sýningar á Miðfossum og Blönduósi fari fram fimmtudag 15. ágúst og föstudag 16. ágúst. Nákvæmari tímasetningar verða auglýstar síðar.

Skráningarfrestur á síðsumarsýninguna á Gaddstaðaflötum við Hellu dagana 19. og 23. ágúst hefur verið framlengdur til mánudagsins 12. ágúst. Að svo komnu máli er ekki reiknað með að sýningin hefjist fyrr en 19. ágúst en ef fjöldi verður meiri en búist er við hefst sýningin í lok næstu viku. Skráning og greiðsla fer fram í gegnum netið á síðunni www.worldfengur.com þar sem valið er „skrá hross á kynbótasýningu“. Einnig er hægt að skrá hross til sýningar á heimasíðu Ráðgjafarmiðstöðvar landbúnaðarins www.rml.is.

Kynbótasýningar fara fram á Sauðárkróki og Dalvík í vikunni 19. til 23. ágúst næstkomandi. Sýningardagar verða ákveðnir nánar þegar þáttaka liggur fyrir. Skráning og greiðsla sýningargjalda fer fram í gegnum netið á síðunni www.worldfengur.com eða www.rml.is þar sem valið er „Skrá hross á kynbótasýningu“.

Í framhaldi af samningi RML og BLGG í Hollandi um víðtæka efngreiningaþjónustu bjóðum við bændum að taka þátt í ,,ráðgjafarátaki “ sem getur nýst öllum bændum, en ekki síst kúabændum í fóðuráætlanagerð fyrir mjólkurkýr samkvæmt NorFor-fóðurmatskerfinu. Fjölþættar og greinargóðar upplýsingar um heyfóðrið geta einnig nýst til markvissari áburðarnotkunar og áburðaráætlanagerðar.

Ákveðið hefur verið að breyta staðsetningu síðsumarssýningar í Húnavatnssýslum frá því sem áður hafði verið auglýst. Í stað þess að sýningin verði á Hvammstanga verður hún að þessu sinni á Blönduósi dagana 14. til 16. ágúst næstkomandi. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“.