Fréttir

Stjórn og starfsfólk Ráðgjafarmiðstöðvar landbúnaðarins senda bændum og landsmönnum öllum hugheilar óskir um gleðileg jól og farsælt komandi ár með kærum þökkum fyrir góð samskipti og samstarf á árinu sem er að líða. Skrifstofur RML verða lokaðar á aðfanga- og gamlársdag. Ekki er viðvera á öllum starfsstöðvum á þorláksmessu eða milli jóla og nýárs, þ.e. föstudaginn 27. og mánudaginn 30. des. Opnum aftur á nýju ári fimmtudaginn 2. janúar 2020. Hafið það gott yfir hátíðarnar. Stjórn og starfsfólk RML

Þegar niðurstöðurnar voru reiknaðar höfðu borist mjólkurskýrslur frá 519 búum en uppgjör kjötframleiðslunnar náði til 105 búa þar sem var framleitt nautakjöt en ekki stunduð framleiðsla mjólkur til sölu. Reiknuð meðalnyt 24.837,5 árskúa á þessum 519 búum var 6.301 kg eða 6.552 kg OLM (orkuleiðrétt mjólk)

Landgreiðslur og jarðræktarstyrkir hafa nú verið greiddir út í þriðja sinn samkvæmt reglugerð sem tók gildi samhliða búvörusamningum árið 2017. Eins og flestir bændur vita þá var tekin upp sú breyting að greiða út styrki fyrir uppskorin tún (landgreiðslur) en ekki bara jarðræktarstyrki á ræktun hvers árs, eins og var fyrir árið 2017. Þá voru einnig teknar upp greiðslur vegna útiræktaðs grænmetis, sem var ekki áður. Jafnframt eru nú gerðar meiri kröfur til skráninga á jarðræktarskýrsluhaldi en áður.

Starfsstöðvum RML hefur viða verið lokað vegna veðurs. Hægt er að koma skilaboðum til starfsmanna í gegnum netfangið rml@rml.is eða á bein netföng starfsmanna okkar sem finna má á heimasíðunni. Símsvörun er eins og áður í aðalnúmerið 5165000 að öllu óbreyttu til kl. 16.00 í dag.