Fréttir

Fyrir nokkru síðan er búið að safna í einangrunargirðingar sæðingastöðvanna þeim hrútum sem koma nýir inn á sæðingastöð á grunni reynslu á heimabúi. Að loknum afkvæmarannsóknum í haust bætast svo nokkrir hrútar við. Af þeim hrútum sem voru í hrútaskrá síðasta árs eru 16 hrútar fallnir.

Í vikunni voru nokkrir Færeyingar í heimsókn hér á landi til að kynna sér sauðfjárrækt og framkvæmd kynbótastarfsins í sauðfjárræktinni hér á landi. Nokkrir þeirra fóru og smöluðu Oddstaðaafrétt með Lunddælingum á þriðjudaginn. Á miðvikudaginn fóru þeir ásamt Eyjólfi Ingva Bjarnasyni, sauðfjárræktarráðunaut að Eystri-Leirárgörðum í Hvalfjarðarsveit þar sem þeir fylgdust með lambamælingum ásamt því að farið var yfir með þeim hvað er verið að gera með dómum og mælingum á lömbum að hausti á Íslandi.

Sauðfjárbændur geta fylgst með skipulaginu með því að skoða dagatal ómskoðunar fyrir Suðurland, sem nú er komið inná heimasíðuna okkar.

Verðlagsnefnd búvara hefur tekið samhljóða ákvörðun um að afurðastöðvaverð til bænda hækki um 2,49 kr. á lítra mjólkur, úr 80,43 kr. í 82,92 kr., þann 1. október n.k. Þá hækkar vinnslu- og dreifingakostnaður mjólkur um 2,85 kr. og samanlögð hækkun heildsöluverðs er því 5,34 kr. á hvern lítra mjólkur.

Athygli er vakin á því að nú er í gangi getraun á facebooksíðu RML. Getraunin snýst um það að giska á hversu margar rúllur eru á myndinni sem hér fylgir. Sá sem kemst næst réttu svari mun hljóta að launum greiningu á einu fóðursýni.

Nú er hægt að panta ráðgjöf frá ráðunautum RML í gegnum heimasíðuna. Neðst til hægri á forsíðunni er kominn hnappurinn „Panta ráðgjöf“ og sé smellt á hann kemur upp einfalt eyðublað til að fylla út. Þegar eyðublaðið hefur verið fyllt út og sent fer það til viðkomandi ráðunautar sem hefur í framhaldinu samband við þann sem pantar ráðgjöfina. Þetta getur til dæmis nýst þeim vel sem vilja koma á framfæri fyrirspurnum utan hefðbundins skrifstofutíma.

Niðurstöður skýrsluhalds nautgriparæktarinnar í ágústmánuði hafa verið reiknaðar og birtar hér á vef okkar. Við uppgjörið hafði verið skilað skýrslum frá 93% af þeim 583 búum sem eru skráð í skýrsluhaldið. Reiknuð meðalnyt 20.984,9 árskúa var 5.632 kg sem er 17 kg lækkun frá síðasta uppgjöri. Meðalfjöldi árskúa á búum þeim sem skýrslum hafði verið skilað frá var 38,9.

Skipulagning lambadóma stendur nú yfir og törnin byrjar af fullum þunga í annarri viku september. Dagatal ómskoðunar er nú komið á heimasíðuna. Um er að ræða upplýsingar um pantanir og þegar skipulagðar skoðanir fyrir Vesturland, Reykjanes, Kjalarnes- og Kjós og sunnanverða Vestfirði í einu skjali og

Auðhumla tilkynnti rétt í þessu um þá ákvörðun mjólkuriðnaðarins að kaupa fullu afurðastöðvaverði til sölu á innanlandsmarkaði 3 milljónir lítra mjólkur umfram greiðslumark út þetta verðlagsár en því lýkur um áramót. Tilkynning Auðhumlu fer hér á eftir:

Eftirfarandi tilkynning var að berast frá Bændasamtökum Íslands: Bændasamtök Íslands hafa ákveðið að framlengja umsóknarfrest um framlög til til jarðræktar og hreinsunar affallsskurða, samkvæmt reglum nr. 707/2013 til 20. september n.k. Undir þetta falla einnig umsóknir um styrki til endurræktunar vegna kals.