Fréttir

Yfirlitssýning fyrstu vorsýningar á Gaddstaðaflötum fer fram miðvikudaginn 25. maí og hefst klukkan 09:15. Hollaröð á yfirliti má nálgast hér fyrir neðan. Áætluð lok um klukkan 12:00.

Hollaröð fyrir kynbótasýninguna á Hólum í Hjaltadal vikuna 1. til 3. júní hefur verið birt hér á síðunni. Dómar hefjast stundvíslega miðvikudaginn 1. júní kl. 8:00. Alls eru 60 hross skráð á sýninguna. Sýningunni líkur með yfirlitssýningu föstudaginn 3. júní. Við viljum biðja knapa að mæta tímanlega svo hægt verið að halda tímasetningar sem best.

Hollaröð fyrir kynbótasýninguna á Gaddstaðaflötum vikuna 30. maí til 4. júní hefur verið birt hér á síðunni. Dómar hefjast stundvíslega mánudaginn 30. maí kl. 8:00. Alls eru 156 hross skráð á sýninguna. Sýningunni líkur með yfirlitssýningu laugardaginn 4. júní. Við viljum biðja knapa að mæta tímanlega svo hægt verið að halda tímasetningar sem best.

Lokað verður fyrir skráningar á allar sýningar vorsins á miðnætti í kvöld. Skráning og greiðsla fer fram hér í gegnum heimasíðu okkar. Einnig er að finna hér á síðunni leiðbeiningar um skráningarkerfið ásamt ýmsu öðru er við kemur hrossarækt, m.a. Vegvísi við kynbótadóma 2022. Sýning verður ekki haldin nema lágmarksfjöldi skráninga náist sem eru 30 hross. Í töflunni hér að neðan má sjá á hvaða sýningum eru enn laus pláss þegar þetta er ritað.

Stjórn Bændasamtaka Íslands skipaði nýja stjórn RML á fundi sínum þann 3. maí síðastliðinn. Stjórnarformaður er Björn Halldórsson bóndi í Engihlíð og er það í fyrsta skipti frá stofnun RML sem stjórnarformaður er ekki framkvæmdastjóri BÍ.

Hollaröð fyrir fyrstu kynbótasýningu vorsins hefur verið birt hér á síðunni. Dómar hefjast stundvíslega mánudaginn 23. maí kl. 9:00 á Gaddstaðaflötum. Alls eru 35 hross skráð á sýninguna. Sýningunni lýkur með yfirlitssýningu á miðvikudagsmorgun 25. maí. Við viljum biðja sýnendur að mæta tímanlega svo hægt verði að halda tímasetningar sem best. Að lokum er rétt að minna á að lokaskráningadagur á allar sýningar vorsins er næstkomandi föstudagur 20. maí.

Hér koma nokkrir punktar varðandi stöðu á sýnatökum og greiningum sýna í gegnum átaksverkefni RML í arfgerðargreiningum á príonpróteini sauðfjár:

Upptökur af kynningum sem voru haldnar dagana 29. mars til 12. apríl víðsvegar um landið um nýtingu á lífrænum (úrgangs)efnum við ræktun má nú finna á í gegnum tengla hér að neðan. Haldnir voru fundir víðsvegar um landið og sköpuðust góðar umræður. Á fundunum fjallaði ráðunauturinn Cornelis um ýmsar leiðir sem hægt er að nýta til að auka verðmæti lífræns efnis til fellur hjá einstaklingum, á býlum og í sveitarfélögum. Auk þessu skiptu jarðræktarráðunautarnir Eiríkur, Snorri og Þórey á milli sín fundarstöðum og vorum með erindi um notkun á lífrænu efni til áburðargjafar sem og til jarðvegsbóta.

Niðurstöður skýrsluhalds nautgriparæktarinnar fyrir nýliðinn apríl, hafa nú verið birtar á vef okkar. Niðurstöðurnar byggjast á skilum eins og þau voru um hádegisbilið þann 11. maí. Þegar áður nefndar niðurstöður voru reiknaðar höfðu borist mjólkurskýrslur frá 475 búum en uppgjör kjötframleiðslunnar náði til 123 búa þar sem var framleitt nautakjöt en ekki stunduð framleiðsla mjólkur til sölu. Reiknuð meðalnyt 23.941,7 árskúa á búunum 475 reiknaðist 6.349 kg eða 6.337 kg OLM (af orkuleiðréttri mjólk)

Skráningar á kynbótasýningar gengu vel í dag. Þegar þetta er skrifað er búið að skrá rúmlegar 1.000 hross á þær 12 sýningar sem eru í boði. Fjórar sýningar eru þegar fullar en það eru þessar sýningarnar: