Fréttir

Uppfærð hollaröðun fyrir auka-miðsumarssýninguna á Gaddstaðaflötum 11.-13.ágúst er nú tilbúin.

Dreifing er hafin á sæði úr Angus-nautunum Erpi-ET 20402 og Eðli-ET 20403 en þeir fæddust á einangurunarstöð NautÍs á Stóra-Ármóti í fyrra. Erpur-ET 20402 og Eðall-ET 20403 eru báðir undan Emil av Lillebakken NO74028. Móðurfaðir Erps er Junior av Nordstu NO74060 sem var undan ástralska Angus-nautinu AUHKFE27 Paringa Ore E27 en móðurfaðir Eðals er Lord Rossiter av Høystad NO62302 sem var undan þýska Angus-nautinu Donaumoos King Rossiter C182-ET DE0985921182. Upplýsingar um þessi naut eru komnar á nautaskra.net auk þess sem þær birtust í Bændablaðinu fyrr í sumar.

Fyrirhugað er að bjóða þeim knöpum/hrossum sem ekki tókst að þjónusta á Miðsumarssýningu III á Hellu (25.-29. júlí) til sérstakrar auka-miðsumarssýningar á Gaddstaðaflötum dagana 11. til 13. ágúst (mið.-fös.); að því gefnu að kynbótasýningahald þessara daga gangi ekki gegn fyrirmælum stjórnvalda/almannavarna.

Í ljósi aðstæðna hefur verið ákveðið að framlengja skráningarfrest á síðsumarssýningar til miðnættis mánudaginn 9. ágúst. Í töflunni hér fyrir neðan má sjá hvaða sýningar eru í boði.

Yfirlitssýning breyttrar seinni viku miðsumarssýningar á Gaddstaðaflötum fer fram fimmtudaginn 29. júlí og hefst stundvíslega kl. 14:00. Hér fyrir neðan má nálgast hollaröð yfirlits. Áætluð lok um kl. 17:15-17:30

Komin er út skýrsla um rekstur og afkomu í nautaeldi fyrir árin 2017-2019. Sumarið 2020 vaknaði sú hugmynd að rýna í afkomu nautakjötsframleiðenda enda hafði þá afurðaverð til þeirra lækkað og biðlistar í slátrun voru farnir að myndast. Þá var þegar í gangi verkefni sem tengdist rekstri á kúabúum auk verkefnis tengt afkomuvöktun á sauðfjárbúum og því eðlilegt og nauðsynlegt að skoða einnig stöðu nautakjötsframleiðenda.

Þar sem margir sýnendur eru að fara í Covid 19 sýnatöku í dag þá hefur verið ákveðið að yfirlitssýningin hefjist kl. 14.00 fimmtudaginn 29. júlí til að gefa fólki tíma til að bíða eftir niðurstöðum.

Ákveðið hefur verið að hætta öllum ​forskoðunardómum á miðsumarssýningu á Hellu III. Yfirlitssýning fyrir þau hross sem hafa hlotið dóm á Hellu III verður haldin á morgun, fimmtudaginn 29 júlí og hefst hún klukkan 14:00.

Vegna gruns um að smit hafi komið upp hjá starfsmönnum RML sem voru að vinna á kynbótasýningum á Gaddastaðaflötum í síðustu viku og einnig hjá knöpum, verður þriðja holl ekki haldið í dag 27. júlí og ekki fyrsta holl á morgun 28 júlí. Ákvörðun verður tekin á morgun eftir að starfsfólk hefur farið í sýnatöku og fengið niðurstöður, um hvert framhaldið verður með þessa sýningu.

Yfirlitssýning fer fram á Gaddstaðaflötum föstudaginn 23. júlí og hefst kl. 8:00 Alls mættu 123 hross til dóms og 111 hross mæta á yfirlitssýninguna. Áætluð lok eru um kl. 17:20 Hollaröðun á yfirlit má finna hér í tenglinum að neðan